What’s Going On?

აბა თუ იცით, რით განსხვავდება ადამიანი მაიმუნისგან?

– მართალია! ადამიანს შეუძლია ბლოგი იქონიოს. :D

1 კვირაა რაც ახალ სამსახურში მივედი და ჩემმა დღის განრიგმა ქირურგიული ჩარევა განიცადა.

დილით მიწევს ადრე ადგომა, რასაც მთელი ზაფხულის განმავლობაში სასტიკად გადავეჩვიე.

შემდეგ აუცილებლად უნდა ვისაუზმო, თორემ მთელი დღის განმავლობაში ერთ ცალ ლობიანზე უნდა ვიყო. არადა ჩემთვის გაღვიძებისთანავე საუზმობა შეუძლებელია. ადგომიდან 3-4 საათის შემდეგ მშივდება.

ლანჩი ოფიციალურად არ მაქვს, იმიტომ რომ ლანჩის დროს მეწყება სამუშაო დღე – 12 საათზე. სადღაც 4-5 საათისკენ რიგ-რიგობით გავდივართ რომ რამე ვიყიდოთ, ან ერთმანეთს აბარებენ გოგოები.

რაც შეეხება გოგოებს.

სასიამოვნოდ გავოცდი, როცა აღმოვაჩინე რომ ყველა ჩემი ახალი თანამშრომელი მდედრობითი სქესის იყო.

გვყავს მხოლოდ ერთი ბიჭი, მაგრამ რაღაც უცნაური გრაფიკით დადის, ასე რომ დღის უმეტეს მონაკვეთში ქალების ჟრიამული ისმის ჩვენი ოთახიდან.

ძალიან კარგი თანამშრომლები შემხვდა. ამჯერად მე მგონი გამიმართლა. წინა სამსახურებთან შედარებით, თავს სამოთხეში ვგრძნობ.

სამუშაო ჯერ-ჯერობით ადვილია და არც ისე ბევრია. ჩემი ამოცანაა გავზარდო ამ ვებ-საიტის GoogleRank-ი – NYCdwellers.

მყავს ერთი ქართველი და ორი უცხოელი ბოსი. ისინი ნიუ-იორკში ცხოვრობენ და იქიდან მართავენ ამ კომპანიას.

ყოველ საღამოს მელაპარაკებიან ტელეფონზე და ახალ დავალებებს მაძლევენ.

ერთი სიტყვით ძალიან საინტერესო საქმეა.

greek

ერთი კვირაა, რაც Greek-ის ყურება დავიწყე. გუშინ მივამთავრე პირველი სეზონი.

სამსახურიდან მოსული 2-3 სერიას ვუყურებ ხოლმე და გულში ამას ვაბრალებ, რომ ბლოგისთვის დრო არ მაქვს.

სინამდვილეში ბლოგზე საწერიც თითქოს არაფერია.  სამსახურიდან საერთოდ ვერ ვწერ. საქმის კეთებისას ვერ ვფოკუსირდები სხვა რამეზე, თანაც “არა-ჩემი” კომპიუტერიდან ბლოგინგი საშინელებაა.

არადა 4 ესკიზი მაქვს გამზადებული რა უნდა დავწერო და მეზარებასავით…

20 Comments

  1. გილოცავ ახალ სამსახურს (მითუმეტეს ისეთს რომელიც მოგწონს), ყველაფერი კარგია და წარმატებებსაც გისურვებ, ოღონდ ჩემი თხოვნა იქნება ნუ დამიკარგავ ბლოგზე შემოსვლის სურვილს და “სასიამოვნოდ გავოცდი, როცა აღმოვაჩინე რომ ყველა ჩემი ახალი თანამშრომელი მდედრობითი სქესის იყო” ასეთ ბრმა ტყუილებს ნუ დაწერ ხოლმე:)

    1. ზოგჯერ ჩვენთვითონაც ვერ ვაფასებთ საკუთარი სქესის წარმომადგენლებს :D
      არადა ხანდახან ისეთი კარგები არიან გოგოები :love:

      ამიტომ ტყუილს იმჰო არ აქვს ალაგი :D

  2. იქნებ უბრალოდ ამოწურე შენი თავი ამ ეტაპისთვის ბლოზე? :)
    და პატარა დარესტარტება გინდა:)
    შენ არ ვიცი როგორ ხარ,მაგრმ მე როცა ვმუშობდი მთლიანად სამსახურში ვიყავი ჩართული თავიდან და საერთოდ აღარ მხსოვდა აღარაფერი,განსაკუთრებით ჩემი საყვარელი საქმიანობები:)

  3. გილოცავ ახალი სამსახურის დაწყებას ჩემსკენაც სიახლეა მაგ მხრივ ახალ სახელოსნოში გადავდივართ. და ისე მიხარია :) ეხლა ჩაბარგების სტადიაში ვართ. ერთ კვირაში კი …..

  4. გილოცავ ახალ სამსახურს

    რა გინდა GoogleRank ზე მუშაობ და კაი პოპნტში ხარ :)

  5. ნეტავ ისეთი საინტერესო სამსახური მომცა, რომ იქ მთლიანად დავიხარჯო და ბლოგისთვის დრო საერთოდ არ დამრჩეს! :) (აქ მინდოდა სმაილი კიკინების გარეშე, მაგრამ აქ ძალიან ჯიუტი სმაილები ცხოვრობენ… :) )

  6. “ნეტავ ისეთი საინტერესო სამსახური მომცა, რომ იქ მთლიანად დავიხარჯო და ბლოგისთვის დრო საერთოდ არ დამრჩეს!”

    ხოო მესმის შენი, თავიდან მასე ვიყავი, ახლა კი ორგან ვმუშაობ და ვებისთვის მაინც მრჩება (ვიტოვებ) დროს, ადამიანს რაც და ვინც გიყვარს, მისთვის დროს ყოველთვის მოძებნი

    “არადა ხანდახან ისეთი კარგები არიან გოგოები”

    ხო, გეთანმხმები, კარგები ხართ მხოლოდ ხანდახან ;)

    “მე ძალიან მიყვარს ქალები :evil: ”

    როგორც გიყვარს გეტყობა სმაილზე:)

  7. ეს კომენტარი ამ პოსტს არ ეხება მაგრამ მაინც უნდა დავწერო.

    სვით ჩემი ბლოგიდან გაქრი. ეს იმით ხომ არ იყო გამოწვეული კომენტარი რომ გავაკეთე შენს ბლოგზე? ჰაჰაა… თავისუფალ აზრს გაურბიხარ? :D

    1. ხო მართლა შენს ბლოგზე შეუძლებელია კომენტარის დატოვება :D ან მე ვერ ვახერხებ მაგრამ სხვაგან თუ ვახერხებ შენთან რატომ ვერ ვახერხებ? :D ხოდა იქნებ შეცვალო რამენაირად :D

  8. რატომ მეცნობა ეს საიტი, საიდანღაც მახსოვს ჩემი ყოფილი ცხოვრებიდან. 2005 წელს იყო მგონი, “გონებაგახსნილ” ბიჭუნებს ეძებდნენ და მე მაბავდა ამ საიტის აქაური ბოსი (თუ იქაური) ესაო, ისაო დიდი კომპანია ვართო. შევედი საიტზე ვერაფერი დიდი იქ ვერ აღმოვაჩინე და იმის მერე აღარ მსმენია ეს nycdwellers. ჰეჰ, არადა დამაინტერესა მათი ზომები. იქნება გაგემხილა მარი, შევცდი თუ არა ოდესღაც, იმ ღვთისნიერ კაცს უარი რომ ვუთხარი, მაშინ უმუშევარმა და ძებნა რომ განვაგრძე და ბოლოს იქ აღმოვჩნდი, სადაც ახლა ვარ ?! :)

  9. დაუჯერებლად მეჩვენება რომ ეს სამსახური საინტერესოა :)

    ყოველ შემთხვევაში წარმატებები :)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.