Tag Archives: Singular

ვიზიტი: ნაწილი II

ცხოვრებაში როგორ უნდა გამიმართლოს, როდესაც ამ ბლოგზეც კი რასაც ვიწყებ, არაფერი მიმყავს ბოლომდე. გადავწყვიტე, ძველი დაუმთავრებელი პოსტების სერიები დავასრულო.

პირველი ნაწილი შეგიძლიათ იხილოთ აქ – ვიზიტი: ნაწილი I

მეორე დღეს, ანუ 16 აპრილს, კონფერენციის პირველი ნაწილი ჩატარდა. ვენდი (@xiaxue) და ჯილიანი (@munkysuperstar) სწორედ ამ კონფერენციაზე მოხსენებების წასაკითხად ჩამოვიდნენ.

მეც მქონდა პრეზენტაცია, თემაზე – ბლოგერობიდან ვლოგერობამდე. ამ პრეზენტაციას შეგიძლიათ უყუროთ კონფერენციის მისამართზე – iTVC.ge და აქედანვე შეძლებთ საპრეზენტაციო ფაილის გადმოწერას. Continue reading

ვიზიტი: ნაწილი I

15-ში, კონფერენციის წინა დღეს, ვენდი და ჯილიანი უნდა ჩამოსულიყვნენ.

იმ დღეს ეკონომიკის მინისტრს შეხვდნენ ბლოგერები. შეხვედრა 2 ჯერ გადაიდო და ბოლოს ზუსტად იმ დროს დანიშნეს როცა ჩვენი სტუმრების თვითმფრინავი თბილისის აეროპორტში უნდა დაშვებულიყო.

იქამდე კი Singular-ის საქმეზე გვქონდა დანიშნული შეხვედრა ასევე ეკონომიკის სამინისტროში და შემდეგ თბილისის მერიის საზოგადოებასთან ურთიერთობის განყოფილებასთან. მოკლედ საშინლად დაძაბული დილა გამომდიოდა და ვერაფრით დავესწარი ბლოგერების და მინისტრის შეხვედრას. ძალიანაც ვნანობ, რომ არ ვიყავი, რაღაცეები არ მომეწონა რაც იქ მოხდა და ამაზე მერე დავწერ, თუ მოვიცალე რამენაირად.

მამუკა

იმ დღეს იმდენად დაძაბული ვიყავი, ოფისში საერთოდ ვერ გავჩერდი. იმ დღეს რაც კი საქმე იყო ყველაფერი ბიჭებმა აიღეს საკუთარ თავზე. მე და მამუკა ჯერ შეხვედრებზე წავედით, მერე კი 4 საათზე აეროპორტისკენ გავეშურეთ.

რეისი 20 წუთით იგვიანებდა.

საშინლად ვღელავდი. არ ვიცოდი როგორ უნდა შევხვედროდი. უნდა გადამეკოცნა? ჩავხუტებოდი? ხელი ჩამომერთმია? იქნებ მათთან რომელიმე სახის მისალმება მიღებული არ არის? არ მინდოდა უხერხულ მდგომარეობაში აღმოვჩენილიყავი…

აეროპორტის კაფეში

თან ფოტოაპარატ-მომარჯვებული გამოსასვლელ კარებთან ვიდექი და ყოველ გაღებაზე სურათს ვიღებდი, არ მინდოდა პირველი გაელვება (glimpse) გამომეტოვებინა…

ნერვიულობამ პიკს მიაღწია.

რამოდენიმე წარუმატებელი ფოტოსურათის შემდეგ, ვენდი და ჯილიანიც გამოჩნდნენ.

xiaxue & gillian

პირველი შეხედვიდან 2 რამ მეცნო, ვარდისფერი ჩემოდანი და ჩექმები რომელიც დისნეილენდში ეცვა, ადრე მის ბლოგზე ვნახე. მეც მინდოდა ყიდვა ეგეთის, მაგრამ მერე ის ბეწვიანი ვიყიდე, რაც ქვედა სურათში მაცვია.

ვიცოდი რომ დაბალი იყო მაგრამ მაინც არ მეგონა ასეთი ციცქნა. მეხუთე კლასელი გოგოსავით ჩანდა, არადა 4 წლით უფროსია ჩემზე…

ორივე ძალიან მეგობრულად და თბილად შემხვდა. გადამეხვივნენ.

ჯერ აეროპორტიდან წესიერად გამოსული არ ვიყავით, რომ ვენდიმ მითხრა – “I like your shoes!”

მივხვდი, რომ ჩემი ვენდი ჩამოვიდა…

აეროპორტიდან პირდაპირ სასტუმროში წავიყვანეთ და დავაბინავეთ.

აღფრთოვანებაში მომიყვანა ვენდის ვარდისფერმა ჩემოდანმა. ლამაზია და პრაქტიკული.

xiaxue's luggage

ავიყვანეთ ნომრებში. ვენდის ნომერი დიდი აივნით აღმოჩნდა, ჯილიანის კი – პატარათი. ჯილიანს შევთავაზე, შეგიცვლით ნომერს ოღონდ ერთი სართულით მაღლა იქნები-მეთქი, მაგრამ ვენდიმ – ღამე მარტო დარჩენის მეშინია და ამიტომ ამ სართულზე იყოს ჯილიანიც, თუ რამე, ადვილად დავუძახებო.

რაა საყვარელიაააა!!!

13 საათიანი ფრენის შემდეგ ორივე ძალიან დაღლილი ჩანდა, ამიტომ სასტუმროში დავტოვეთ რომ ცოტა აზრზე მოსულიყვნენ, შევპირდით საღამოს სავახშმოდ წაგიყვანთ მეთქი და მეც სახლში დავბრუნდი შხაპის მისაღებად და ცოტათი დასასვენებლად. იმდენად დაღლილი ვიყავი ემოციების და ნერვიულობისგან, რომ სიხარულის თავიც არ მქონდა.

საღამოს წავედით ერთ რესტორანში რომელიც მეტრო ავლაბართანაა, სახელი არ მახსოვს.

13 საათიანი ფრენის შემდეგ დაღლილები

აქვე აღმოჩნდა რომ ვენდი ბიოლოგიურად ვერ იტანს მწვანილს და სიგარეტის კვამლს. გვერდით ვიღაც ქალი ეწეოდა არადა იმნ ოთახში მოწევა არ შეიძლებოდა, კედელზე ნიშანი ეკიდა. დაიწყო ამან წრუწუნი. აუტყდა ხველება.  ახსენა თუ როგორ არის აკრძალული სინგაპურში მოწევა ყველა საზოგადოებრივ ადგილას. შემრცხვა. შემეცოდა. თან გავბრაზდი ამ რესტორანზე.

ოფიციანტი დავიბარე და საკმაოდ ხმამაღლა ვკითხე, “კედელზე მოწევის ამკრძალავი ნიშანია გაკრული და აქ მოწევა შეიძლება თუ არა მეთქი”, ოფიციანტმა მიპასუხა – “თუ გსურთ მოწიეთო”, მე ამაზე გავბრაზდი – “ჩვენ მოწევა კი არ გვინდა, სხვების კვამლი გვაწუხებს”- მეთქი, ოფიციანტმა მხრები აიჩეჩა და უხერხულად ჩაიბურტყუნა “რა გიყოთო” …

საბედნიეროდ იმ ქალმა ყველაფერი გაიგონა და ჩააქრო.

მერე ვენდი ტუალეტის საძებნელად გავიდა, უკან გავყევი, შემეშინდა არ დაკარგულიყო. რაღაცნაირი დედობრივი ინსტინქტი გამიჩნდა მის მიმართ, დაცვის და მფარველობის.

სანამ ტუალეტში იყო, ასე ვერთობოდი.

როგორც იქნა საჭმელიც მოგვიტანეს. გავასინჯეთ ქართული საჭმელები. ჯილიანს ხაჭაპური მოეწონა, ვენდი შქმერულით აღფრთოვანდა.

იქვე იმავე მაგიდასთან და იმ დროს წარიმართა ავადხსენებული დიალოგი ჩემსა და ვენდის შორის.

შეციებული სინგაპურელები

ვახშმის მერე ყველანი ისეთი დაღლილები ვიყავით, თვალებს ძლივს ვახელდით. მე და მამუკამ ვენდი და ჯილიანი სასტუმროში მივაცილეთ და ოფისში დავბრუნდით. გვიან ღამით კი, როცა უკვე მეორე დღისთვის ყველაფერი მზად იყო, ყველანი სახლებში დავიშალეთ.

ის, რაც ამ ხნის განმავლობაში პარალელურად ოფისში ხდებოდა შეგიძლიათ წაიკითხოთ სინგულარის ბლოგზე.

კონფერენციის დღის შთაბეჭდილებები – შემდეგ პოსტში იქნება.

რესტორნის მისაღებში

I’m Blessed

ალბათ იცით iTV Conference-ს რომ ატარებს Singular ჯგუფი. გადავყევი ამ კონფერენციას, ბლოგისთვისაც ვერ ვიცლი,  მაგრამ ვხედავ, რომ შრომა მიფასდება და ძალიან ვამაყობ.

პირველად მაქვს ისეთი სამსახური, სადაც დილით რომ ვიღვიძებ, წასვლა არ მეზარება, იქ როცა ვარ, მუშაობა მეხალისება და სამუშაო დღე როცა მთავრდება, ეგრევე სახლში გამოქცევა არ მინდება.

საუკეთესო გუნდი ვართ! ყველა თავის საქმის 10000000% პროფესიონალი და ნიჭიერია. ბედნიერი ვარ, მათთან ერთად რომ მიწევს ყოველდღე მუშაობა…

რაც შეეხება კონფერენციას, უამრავი საქმეა პიარის თვალსაზრისით. გარდა ამისა, ჩემი პრეზენტაციისთვისაც უნდა მოვემზადო და კონფერენციასაც სიტყვით მე ვხსნი ორივე დღეს. მომიწევს უამრავი ინტერვიუს და სიუჟეტის ჩაწერა, როგორც ორგანიზატორს და როგორც ერთ-ერთ სპიკერს. ძალიან ვღელავ, მაგრამ ვიცი, თავს გავართმევ ყველაფერს!

ყველაზე მეტად სიაშუესთან შეხვედრაზე ვნერვიულობ…

ზუსტად ერთ კვირაში აქ იქნება! ისე ვარ ღონისძიების ორგანიზებაზე კონცენტრირებული, ჯერ კარგად ვერც გავიაზრე, რომ მართლა ჩამოდის.

კონფერენციაზე დარეგისტრირებული სტუმრების რიცხვმა უკვე გადააჭარბა დაშვებული მოსაწვევების რაოდენობას და ძალიან ბევრი შეიძლება სამწუხაროდ ვერ მოხვდეს პრეზენტაციებზე (მაგრამ ეს არ ნიშნავს, რომ რეგისტრაცია დამთავრდა, ჯერ კიდევ შეგიძლიათ დარეგისტრირება – itvc.ge-ზე!). ამიტომ მინდა, რომ ბლოგერებისთვის ცალკე სადმე მყუდრო გარემოში პატარა შეხვედრა მოვაწყო ვენდისთან.  ვიცი, რომ ბევრი მის სანახავად დარეგისტრირდა iTVC-ს საიტზე. ასე რომ გული არ გაიტეხოთ, ვისაც ვენდის ნახვა გინდოდათ, მაგრამ კონფერენციაზე ვერ მოხვდებით. რამეს აუცილებლად მოვიფიქრებ!

და კიდევ ერთი და ჩემთვის ყველაზე სასიხარულო…

როგორც იცით, ვენდისთან ერთად სინგაპურიდან ჩამოდის მისი მენეჯერი და Clicknetwork.tv-ს დამფუძნებელი – ჯილიან ტენი. მისი გადაღებულია Xiaxue’s Guide to Life-იც (რომლის თითოეულ სერიას 100’000-მდე მნახველი ჰყავს) და ყველა სხვა შოუ clicknetwork-ზე.

დღეს ჯილიანისგან მივიღე წერილი, სადაც იტყობინება, რომ სურს აქ ყოფნისას გადაიღოს Xiaxue’s Guide to Life-ის მორიგი სერია – Xiaxue’s Guide to Georgia, რომელშიც ვენდი გაეცნობა ქართულ კულტურას და სამზარეულოს.

ჯილიანმა წერილში ახსენა:

“თუ არ იქნები წინააღმდეგი, შენც გადაგიღებ ვენდისთან ერთად ამ სერიაში, როგორც არაფორმალურ გიდსო.”

ჰო, ვიცი, ვიცი… I am blessed! :)