Tag Archives: Sex and the City

ჩემი გადარეული სამყარო

არსებობს ხელოვნების ნაწარმოებები, რომლებსაც ადამიანმა ცხოვრებაში ერთხელ აუცილებლად უნდა შეიგრძნოს: ნახატები, რომელთა მშვენიერებაც უნდა განიცადოს; ფილმები, რომლებიც უნდა გაისიგრძეგანოს; წიგნები, რომლებშიც უნდა ჩაიძიროს…

ვერავინ იტყვის სერიალებიც ხელოვნების ერთგვარი დარგი არ არისო, ხოლო ჩემი სანტიაგო და ხუანიტას დაბრუნების მსგავს სერიალებს რომ არ ვგულისხმობ, ალბათ თავადაც მიხვდებოდით. თუმცა ყოველგვარ აზრს რომ პატივი ვცეთ, მოდი ასე ვთქვათ:

“ხელოვნება იქით იყოს და” კიდევ არსებობს სერიალები, რომლებსაც ერთხელ მაინც უნდა უყურო, რადგან მათი ნახვის შემდეგ ყველაფერი თავის ადგილზე დგება.

თითქოს უცებ ხვდები ყველა გაუგებარ ხუმრობას, შენი მეგობრები ერთმანეთს რომ ეუბნებიან, უცებ იგებ რატომ არ ვარგა ქართული სატელევიზიო სერიალები, უცებ ცნობ, რომელი საიდან არის გადმოღებული და კიდევ, რაც მთავარია, სერიალების გმირები შენი ცხოვრების ნაწილი და ოჯახის წევრები ხდებიან. ზოგს ეჩვევი, ზოგი გიყვარდება, ზოგი ნერვებს გიშლის, ზოგიც გეცოდება, მაგრამ ისინი შენია, შენი სამყაროს პერსონაჟები. მათზე უკვე მოყოლილი მაქვს. ახლა კი უბრალოდ ჩემს სამყაროზე მინდოდა მომეყოლა.

ჩემი ცხოვრება სკოლაში იწყება. ეს ჩვეულებრივი ამერიკული პროვინციის სკოლაა, ჩემი კლასელები რეიჩელი და ფინი, კურტი და მერსედესი არიან. ჩვენ ვმღერით, ვცეკვავთ, ვთამაშობთ. ვიგებთ და ვმარცხდებით მუსიკალურ კონკურსებში, გვიყვარდება და ვშორდებით. მერე ვიზრდებით და ნელ-ნელა პროვინციიდან ქალაქისკენ მიგვიწევს გული.

ქალაქში უამრავი საინტერესო რამ ხდება. ჩემი კარის მეზობელ გოგოს ჯესი ჰქვია. ის სამ ბიჭთან ერთად ცხოვრობს. მგონი ცოტა ვერ არის, თუმცა ჯერ კარგად არ ვიცნობ. მეორე კარის მეზობელიც მყავს – ბეტი. ძალიან კარგი გოგოა მასთან უფრო ახლოს ვარ. მოდების ჟურნალის რედაქციაში მუშაობს და საინტერესო ამბებს მიყვება ხოლმე.

სამსახურშიც ცოტა გადარეული თანამშრომლები მყავს. ერთზე ამბობენ ჰალუცინაციებსაც ხედავსო. მე კი მგონია ელი უბრალოდ თავის მეორე ნახევარს ეძებს. მასზე რომ ვფიქრობ, სულ მინდა ტედს გავაცნო.

ტედს ერთხელ ბარში შევხვდი. თავის მეგობრებთან ერთად იყო, რომელთაგან ყველაზე მეტად ლილის დავუახლოვდი. ტედი აგერ უკვე შვიდი წელია თავის მომავალი შვილების დედას ეძებს. ასე მგონია ეგ და ელი ერთმანეთს გაუგებენ.

ხანდახან უქმეებზე ჩემს ბავშვობის მეგობარ Penny-სთან მივდივარ. ვერთობი მის ისტორიებზე მეზობლების შესახებ. შერეკილი ფიზიკოსების გვერდით ცხოვრობს. მათ შორის ყველაზე მეტად შელდონი მაღიზიანებს. კარზე მუდამ ურცხვად აკაკუნებს. ერთხელ სკამიდან ამაგდო, ეგ ჩემი ადგილიაო. (დეგენერატი!)

საღამოობით კი აუცილებლად მაღალ ქუსლიან ფეხსაცმელებს ვიცვამ და მანჰეტენზე გასართობად მივდივარ. ზუსტად ვიცი, რომელიმე კლუბში ოთხ არაჩვეულებრივ ქალს წავაწყდები. იქნებ მერე ერთადაც გავაგრძელოთ მხიარულება.

ხოლო როცა ქალაქის ცხოვრება მბეზრდება გარეუბანში ჩემს სახლს ვსტუმრობ ხოლმე ვესტერია ლეინზე. იქ კი გაბრიელს, სიუზანს, ბრის და ლინეტს პოკერს ვეთამაშები.

ცხოვრება მშვენიერია.

right? :)

What I’ve Been Up To

ბოლო დროს იშვიათად ვიცლი საწერად. არადა რამდენი რამ ხდება.

არა, არა, ეს წინადადება სხვანაირად უნდა დამეწყო:
ბოლო დროს იმდენი რამ ხდება, რომ საწერად ვეღარ ვიცლი.

ბოლო ერთი თვის მანძილზე:

  • ექიმმა დამინიშნა სათვალე, რომელიც კომპიუტერთან და კითხვის დროს უნდა მეკეთოს.

  • სტუმრად მიმიწვიეს ფორტუნა პლიუსზე გადაცემა “ბლოგომანიაში”.

მთელი თინეიჯერობა “ფორტუნა პლიუს”-თან ერთად მაქვს გატარებული. ვიცოდი ყველა DJ, ყველა გადაცემა, 24/7-ზე რადიო მქონდა ჩართული. ერთი პერიოდი DJ-ობაზეც კი ვოცნებობდი. ჩემი მუსიკალური გემოვნება ამ რადიომ ჩამოაყალიბა (იმიტომაც მეძახის ყველა – პაპსავიკს :D ). ამ რადიო სადგურმა ჩემზე და ჩემს თაობაზე მართლა დიდი გავლენა მოახდინა და მე მომწონს ეს გავლენა. დღემდე მჯერა – “ფორტუნა პლუსი”, MTV და ინტერნეტი რომ არ ყოფილიყო, ახლა ასეთი არ ვიქნებოდი, არც ეს ბლოგი მექნებოდა, არც თქვენ წაიკითხავდით ამ სიტყვებს. ა, ხო, და ეს რეკლამა არ იყო. დღეს მე რადიოს საერთოდ აღარ ვუსმენ (თუ internetradio.ge-ს არ ჩავთვლით). Continue reading

სექსი დიდ ქალაქში – თბილისური პრემიერა

გუშინ საღამოს 9-ის ნახევარზე კინოთეატრ ამირანში ფილმის “სექსი დიდ ქალაქში 2” პრემიერა გაიმართა. მოსაწვევი ადრევე მქონდა, ჩემი და სალომეს ახალი ბლოგის დამსახურებით.

სხვათაშორის გავოცდი მოსაწვევის ორიგინალურობით. მოსაწვევი წარმოადგენდა ახალი ფილმის საუნდტრეკების კრებულს!

(სიმღერების გადმოწერა უკვე ჩვენი ბლოგიდან შეგიძლიათ)

"სექსი დიდ ქალაქში 2" - მოსაწვევი/CD

"სექსი დიდ ქალაქში 2" - მოსაწვევი/CD

ჩემი უთავბოლობის გამო გახსნით ნაწილზე დამაგვიანდა. კინოს დაწყებამდე 10 წუთით ადრე მივედი. ფოიეში ულამაზესი სარკის კუბებით გამოსახული მანჰეტენის ინსტალაცია იყო განთავსებული. მე რომ შევედი მთელი ფოიე ბრჭყვიალა სარკის ნამტვრევებით, თეთრი ყვავილებით, სანთლებით და ბევრი, ბევრი კოქტეილის ჭიქებით იყო მოფენილი. გული დამწყდა, რომ ერთი კოსმოპოლიტენიც კი არ შემხვდა.

საბედნიეროდ უშუალოდ კინოზე არ დამაგვიანდა, რაც HairHaus-ის ჯადოსნური სტილისტის, ნატალის დამსახურებაა, რომელმაც 2 წუთში მოიფიქრა თუ რა უნდა ექნა ჩემი თმისთვის და გამოუვალი სიტუაციიდან გამომიყვანა. გარდა იმისა რომ HairHaus-მა მთლიანად იზრუნა ჩემს გუშინდელ გარეგნობაზე, მათ ისეთი მოულოდნელი სითბო და გულისხმიერება დამახვედრეს, რომ მე სხვა სალონისკენ არასდროს, არასდროს აღარ გავიხედავ! (შეგიძლიათ HairHaus-ს დაუმეგობრდეთ Facebook-ზე)

დარბაზში რომ შევედი, საჩუქრების გათამაშება მიმდინარეობდა. სცენაზე ორგანიზატორებთან ერთად ია ფარულავა და ნანიკო ხაზარაძე იდგნენ და მოგებულ საჩუქრებს არიგებდნენ.

მერე დაიწყო ფილმი.

სალომემ, რომელიც პრემიერაზე რაღაც მიზეზების გამო ვერ წამოვიდა, ვერ მოითმინა და ადრევე უყურა ფილმს. გაფრთხილებული ვყავდი, რომ დიდი მოლოდინი არ უნდა მქონოდა, თვითონ უფრო მეტ ინტრიგას და სკანდალს მოელოდა, მაგრამ იმედი ცოტათი გაუცრუვდა.

იმდენმა ადამიანმა დაწერა twitter-ზე – უბანძესი ფილმიაო – დიდი მოლოდინი არც მქონია, ამიტომაც თამამად ვამბობ, რომ ფილმმა ჩემს მოლოდინს ნამდვილად გადააჭარბა.

ფილმის ყურებისას ყველა ჩემი არსებული პრობლემა დამავიწყდა, მთლიანად ჩართული ვიყავი და როცა დავინახე ქერი დიორის “გაზეთის” კაბაში (სეზონი 3) გამოწყობილი ჩამოვიდა თავისი სახლის კიბეებზე…

ვიგრძენი, რომ ეს იყო Sex and the City-ს ფანებთან გამოსამშვიდობებელი სერია.

არ ვიცი, ვის ნოსტალგიაზე იყო აგებული მთელი სიუჟეტი, რეჟისორის, სცენარის ავტორების, მსახიობების თუ ყველასაზე ერთად, მაგრამ ფილმში კარგად ჩანდა, თუ როგორ ენატრება ქერის 90-იანები, ხოლო დარბაზში – როგორ ენატრებათ ფანებს სერიალი.

ჩვენ ყველამ ვიცით, რომ არც ერთი კინო ის აღარაა რაც 90-იანების 45 წუთიან ეპიზოდებად მოწოდებული მეგობრობა, სიყვარული, სტილი, მოდა, სექსი და ნიუ იორკი. არც ქერი და მისტერ ბიგი არიან იგივე, რაც 10 წლის წინ იყვნენ.

როცა კერი შეხვდა ბიგს, ბიგმა თქვა – Abso-fucking-lutely! ჩვენ ყველანი იქ ვიყავით!

და კერის 10 წელი დასჭირდა, რომ მისთვის თავი შეეყვარებინა და ცოლად გაჰყოლოდა. ჩვენ კი 10 წელი დაგვჭირდა იმისთვის, რომ მისტერ ბიგი შეგვეყვარებინა!!!

ახლა ქერი და ბიგი ერთად ბერდებიან. ბიგი ზის მათ საერთო ნიუ-იორკულ ბინაში, უყურებს ტელევიზორს და ქერის ეშინია, რომ ისინი გახდებიან კიდევ ერთი მოსაწყენი წყვილი, რომლებიც საღამოობით მხოლოდ ტელევიზორის ყურებით ირთობენ თავს…

ბედნიერება არ არის მიზნის მიღწევა, ბედნიერება მიღწეულის შენარჩუნებაა. ჩვენ კი ხანდახან თვითონაც არ ვიცით რა გვინდა ცხოვრებაში.

მიღწეული მიზნები და ახდენილი ოცნებები ძალიან მალე უფასურდება. მიზნამდე მისასვლელი გზის გავლა ბევრად უფრო საინტერესო გვეჩვენება, ვიდრე ის მდგომარეობა, როდესაც მიზანს ვაღწევთ.

ცხოვრებაში არ არსებობს ბედნიერი დასასრულები, მაგრამ არც ჩვეულებრივი დასასრულები არსებობს… ყველაფერი რაც გვგონია, რომ დასრულდა, სინამდვილეში ყოველთვის გრძელდება რაღაც ახალი სახით, ახალ ფორმად.

დედა გრძელდება შვილად, სიყვარული – მეგობრობად, სერიალი – კინოდ… და მერე კინოც მთავრდება.

“სექსი დიდ ქალაქში” დასრულდა, მაგრამ ქერი, შარლოტა, სამანტა, მირანდა და მე ისევ ვეძებთ ბედნიერებას.

ახალი ბლოგი – SexandtheCity.ge

ქალბატონებო და ბატონებო!

მაქვს პატივი წარმოგიდგინოთ ჩემი და მეცამეტე დარიჩინის საერთო შვილი,

ახალი ბლოგი ყველაზე ერთგული თაყვანისმცემლებისთვის ცნობილი სერიალის და ფილმის შესახებ!

Sex and the City.ge

აქ დაიწერება უამრავი სტატია და კულუარული ინფორმაცია Sex and the City-სთან დაკავშირებით. ასევე დაიდება სერიალის ეპიზოდების გადმოსაწერი ბმულები.

თუ თქვენ გიყვართ ეს სერიალი, შეგიძლიათ შემოუერთდეთ ამ ბლოგს თანაავტორად! გაიარეთ რეგისტრაცია!

აქვე გათამაშდება საინტერესო პრიზები!

სულ მალე ამუშავდება Sex and the City-სთან დაკავშირებული ნივთების მაღაზია.

ასევე გვსურს მოვაწყოთ ფანების ერთობლივი სვლა ახალი ფილმის პრემიერაზე – 27 მაისს.

ამიტომ შემოგვიერთდით ყველგან სადაც შესაძლებელია და არ გამოტოვოთ სიახლეები!

ბლოგი | Facebook | Twitter

ესეც მომცრო რეკლამა:Sexy Dresses

2 books

ორი წიგნი ვიყიდე გუშინ:

Sex and the City: the Movie

Sex and the City: the Movie

გუშინ პროსპეროში ვნახე 36 ლარი ღირდა, ძალიან მომინდა მქონოდა, მაგრამ ყიდვისგან თავი შევიკავე.
მერე ამაზონზე ვიყიდე $4.73-ად.

the Devil Wears Prada

The Devil Wears Prada

ამაში – $3.99 მივეცი