Tag Archives: Blog.ge

მზადება ბარკემპისთვის

პასპორტზე შევიტანე საბუთები. 24-ში მოდი და წაიღებო – ასე მითხრეს.

ძალიან აღტაცებული ვარ ამ მოსალოდნელი მოგზაურობით. ტელეფონი განვაახლე, ფოტოაპარატი მაქვს. ხოლოდ პასპორტი და ბარგის ჩალაგება მაკლია :D

ა, კიდევ პრეზენტაცია.. რომელიც მოსამზადებელი მაქვს. ვფიქრობ, ბლოგ-ჰოსტნგებზე გავაკეთო. და ბლოგ.გე-ზეც ვილაპარაკო. სამუშაო ენად ინგლისური ავირჩიე და ახლა სულ ინგლისურ ფილმებს ვუყურებ და ბიბისის გადაცემებს რომ გადავერთო.

infoკსტაწი, Blog.ge-ს ვამთავრებ ამ კვირაში ალბათ…

ერთი ფორუმელი თარგმნიდა ვორდპრესს და სხვათაშორის ძალიან კარგად იყო ნათარგმნი ზოგადად. თავიდან იმ ბაზას ვიყენებდი, მაგრამ მერე ბედად სათარგმნ ფაილში ჩავიხედე და გული გამისკდა. საერთოდ არ გამოდგებოდა კონკერტულად Blog.ge-სთვის.

თარგმნა ძალიან დიდი შრომაა. განსაკუთრებული სპეციფიკური ტერმინების და ფრაზების მოგონება დამჭირდა, რომელიც მთელს სისტემაზე ყველგან ერთნაირად უნდა იხმრებოდეს და მეორდებოდეს. ერთიანი სტილიზება სჭირდებოდა.

დაახლოებით 70% თავიდან გადასათარგმნი გამიხდა მაგრამ ეგ პრობლემაც გადავჭერი. ჩავუჯექი და მივაკვდი… სამაგიეროდ ახლა შეგიძლიათ დატკბეთ. Continue reading

Interviewed

Transition Online – მედიის განვითარების საერთაშორისო, არა-სამთავრობო ორგანიზაციაა, რომელიც ოპერაციებს აწარმოებს 29 პოსტ-საბჭოთა ქვეყანაში. სათაო ოფისი მდებარეობს პრაღაში (ჩეხეთი).

მათი მიზანია ამ ქვეყნებში ახალი მედიის პროფესიონალიზმის, დამოუკიდებლობისა და გავლენის გაუმჯობესება.

Transition Online Georgia კი არის მათი წარმომადგენლობა საქართველოში, რომელიც ორიენტირებულია საქართველოში ბლოგოსფეროს განვითარებაზე.

3 დღის წინ დამიკავშირდა Transition Online Georgia-ს წარმომადგენელი ჟურნალისტი და ინტერვიუ მთხოვა, როგორც Blog.ge-ს წარმომადგენელს და ბლოგინგის ექსპერტს ( :D ).

ჩემი ინტერვიუ:

1. თქვენი აზრით როგორ არის საქარველოში ბლოგოსფერო განვითარებული?

– როგორც არ უნდა იყოს, სულ მალე უკეთესად იქნება. :)

სულ ასამდე აქტიური ბლოგის ჩამოთვლა შემიძლია და 90%-ს ე.წ. პირადი დღიურის კატეგორიაშია. თუმცა ზოგადად, მთელს მსოფლიოში ასეა, პირადი ბლოგები ძირითადი ბლოგოსფეროს 80-%-ს შეადგენს, რადგან ასეთი ტიპის ბლოგებს უფრო მეტი მკითხველი ჰყავს. დანარჩენი თემატური ბლოგების სეგმენტია.

თუმცა ერთი-ორი წლის წინანდელთან შედარებით ბლოგოსფერო ნამდვილად განვითარებულია.  მაშინ სულ ათიოდე ბლოგერი არსებობდა, ვინც აქტიურად წერდა, თუნდაც კვირაში ერთხელ. ახლა კი დღეში დაახლოებით 50-70 ახალი პოსტი იწერება.

ამის მისაღწევად ბევრი ვიშრომეთ მე და ჩემმა მეგობრებმა. ვცდილობდით ფართო მასებისთვის აგვეხსნა, რას წარმოადგენდა ბლოგინგი და რამხელა პერსპექტივები ჰქონდა მას, როგორც მედიის საშუალებას.

Continue reading