დილით კოტემ ჩემ გაღვიძებამდე საუზმე მოამზადა. “ყიყლიყოები” განსაკუთრებულად ოქროსფერი გამოუვიდა – ვინც არ იცის, “ყიყლიყო” კვერცხში ამოვლებული შემწვარი პურია.
ვერ აგიღწერთ, როგორ გამიხარდა.
ბოლო დროს ცოტა დაგვეძაბა ურთიერთობა და რამდენიმე დღის წინ სერიოზულად ვილაპარაკეთ. იმის მერე ძალიან კარგად ვართ.
მაკდონალდსშიც დამპატიჟა, კინოშიც (ოღონდ არ წავყევი 
ძალიან დამეზარა ), სტუმრადაც ვიყავით, ფილმსაც ვუყურეთ ერთად, მაღაზიაში ჩასვლაც არ ეზარება, სახლში საქმიანად ფუსფუსებს, ადრე წვება, ადრე დგება და დღეს დილით საუზმეც მოამზადა.
მაკდონალდსში: სანამ კოტეს მოაქვს მენიუ, მე როგორც ყოველთვის - ვსლეფშოტერობ
მეც უფრო ნაყოფიერად ვმუშაობ და საქმესაც მეტ დროს ვუთმობ და პირად ცხოვრებასაც.
განსაკუთრებული შეგრძნებაა, როდესაც გვერდით ისეთი ადამიანი გყავს, ვინც ყველაფერში მხარს გიჭერს და გეხმარება.
მიყვარს! 
* * *
ამ ბედნიერების პერიოდში საჭმლის კეთება დავიწყე აქტიურად. ლეპტოპი მაინც სულ სამზარეულოში მიდევს. მომწონს სამზარეულოს აურა. თან ვჩეტაობ/ვმუშაობ/ვბლოგავ/ფილმებს ვუყურებ და თან სამზარეულოში ვფუსფუსებ.
წეღან 13 სმ სიმაღლის და 30 სმ დიამეტრის ბორში გავაკეთე. (სახაზავით გავზომე!)
სულ 4 ლარი დამიჯდა მასალის ყიდვა და ალბათ 2 კვირა მოგვიწევს ჭამა.
ეკონომია, მეგობრებო!
გიგანტური ბორში
P.S. Header-ი გვაქვს შესაცვლელი. შეგვახმა, ბლოგო, ნაძვის ხე! 
ამ პოსტში გავამხელ ნამდვილ მიზეზს თუ რატომ წავედი ბათუმში მარტო (კოტეს გარეშე) და რა შედეგები მოჰყვა ამას.
რაც კოტემ სამსახურს თავი დაანება და 24 საათიან რეჟიმში სახლში დაჯდა, ემოციურად იმდენად გადავიღალე, რომ ხანდახან მისი დანახვაც არ მინდოდა. იმიტომ კი არა, რომ მაღიზიანებდა ან ცუდად იქცეოდა ან აღარ მიყვარს, არამედ შეუჩვეველი ვიყავი მის 24/7-ზე სახლში ყოფნას და მითუმეტეს რომ არსად არ დამყვება – არც კაფეში, არც კინოში, არც მეგობრებთან – ძალიან ასოციალურია.
მოკლედ მისი სახლში ჯდომის გამო ძალიან დავიძაბე და მინდოდა დასასვენებლად სადმე წავსულიყავით 1 კვირით მაინც. თავიდან ბათუმში ერთად წასვლას ვაპირებდით, მაგრამ მერე მივხვდი რომ 24/7-ზე ბათუმშიც ვერ ავიტანდი ჩვენს ერთად არსებობას და ძლივს დავიყოლიე, რომ სახლში დარჩენილიყო.
წასვლამდე ბოლო დღეებში ძაღლი და კატასავით ვიყავით მართლა. ერთმანეთს ყველაფერზე ვკბენდით და ვესწერვებოდით.
სამაგიეროდ… სრულად წაკითხვა →
მე თაზო ვარ, თავისუფალი სიტყვის ბლოგიდან. გუშინ Sweet Baby Girl-მა შემომთავაზა მისი ბლოგისთვის რამე პოსტი დამეწერა. “ბიჭი ხარ და პირველად შენ სწორედ ამიტომ გითხარიო”. სწორედ ამიტომ, დღეს “სვითლენდის” სტუმარი ვარ. ამაყ!
ამ პოსტში ვისაუბრებ ქალისა და კაცების ურთიერთობაზე. უფრო კონკრეტულად ჩემზე და ქალებზე, რომლებიც ჩემს გარშემო ტრიალებენ(თუ მე ვტრიალებ მათ გარშემო…ნუ რა მნიშვნელობა აქვს). დაწყნარდი, განვლილი ვნებიანი ღამეების აღწერას და ამით ტრაბახს არ ვაპირებ (ხოხ!). არაფერი მსგავსი.
ჩემი ბედნიერება მეათე კლასიდან დაიწყო. გადავედი სკოლაში, სადაც კლასში 22 გოგო და მხოლოდ 5 ბიჭი ვიყავი. აი იქ მივხვდი, რომ მაგრად გამიმართლა. ტკბილია უმცირესობაში ყოფნა, მეტისმეტად ტკბილი. აი, სწორედ მაგ დროიდან დავუწყე ზოგიერთ ვირგლას გატრაკება, გოგოებს რომ აჩმორებდნენ. ჰო, აჩმორებდნენ.
“რო გლეწავ გაგაკრავ კედელზე!”, “მოგაჯენ პოლზე!”, “აგილეწავ როჟას!”-ზოგიერთი ქუთაისელი ჩმო ასე ეკონტაქტებოდა საპირისპირო სქესს. ეს თავიდან, მერე უკვე აღარ. ყოველ შემთხვევაში ჩემი და ჩემი მეგობრების “სამოქმედო კვადრატში” ასე ხდებოდა.
“დეტსკი” ისტორიებს მოვრჩეთ.
მეორედ უკვე უნივერსიტეტში გამიმართლა. თავად განსაჯეთ: კურსზე 80-მდე გოგო და 15-მდე ბიჭი ვართ. სრულად წაკითხვა →
სწავლა, სწავლა და სწავლაო, ამბობდა ბილ კლინტონი! 
ხვალიდან პიარისა და ბრენდინგის სტუდენტი ვხდები და 4 თვის განმავლობაში ვისტუდენტებ.
ცოტა რამ ჩემი სკოლის შესახებ:
LSPR 1992 წელს დაფუძნდა ლონდონში და მას შემდეგ მზარდი პოპულარობით სარგებლობს, როგორც დიდ ბრიტანეთში, ისე მსოფლიოს მრავალ ქვეყანაში. საქართველო მეთვრამეტე ქვეყანაა, სადაც London school of Public relation-ის წარმომადგენლობა გაიხსნა.
London School of Public Relations-ის თბილისის ოფისი მსმენელებს სთავაზობს კურსს:
An Integrated Approach to Public Relations for the 21st Century
კურსი მოიცავს კომპლექსურ მიდგომას ისეთი ტრადიციული თუ ინოვაციური საკითხების მიმართ, როგორებიცაა:
- ბრენდინგი [ეს საგანი იესემში გავლილი მაქვს და საშინაო დავალებების დაწერა მეზარებოდა ხოლმე. საბოლოოდ გამოცდა კი ჩავაბარე მაგრამ ნიშანი არ გამომივიდა და Fail-ზე დამსვეს. მაგრამ კრედიტი ჩამეთვალა. ხოდა ახლა კარგად უნდა ვისწავლო რომ გადავფარო ის Faili-ი. ერთადერთი მახინჯი Fail-ი მყავს ჩემს გაზინზილებულ დიპლომში. რა სირცხვილია...]
- ინტეგრირებული მარკეტინგული კომუნიკაციები
- მიზნობრივი აუდიტორიის კვლევა
- კორპორატიული იდენტობა და იმიჯი
- ვირტუალური მარკეტინგი [რა საინტერესოა, ბლოგისთვის თუ გამოვიყენებ
]
- მედიასთან ურთიერთობა
- სტრატეგიული ანალიზი და დაგეგმვა
- სპონსორობა და ივენთ-მენეჯმენტი
- ბიზნეს ეთიკა
- მედია ანალიზი, ბაზრის კვლევა
- e-PR და m-Commerce
- კორპორატიული სოციალური პასუხისმგებლობა
- ინვესტორებთან ურთიერთობა
- რისკების და კრიზისების მართვა
- რეპუტაციის მენეჯმენტი [წიპა "როგორ დავიცვათ თავი ანტი-სვითებისგან?" ]
50%-იანი დაფინანსება მოვიგე კომოპოლიტენის SMS კონკურსში!!!
ჭკუაზე არ ვარ!!! თანაც როგორც ხმები მოვიდა, ჩემთან ერთად თვითონ კოსმოს რედაქტორი გაივლის ამ კურსს. რა პატივია
ხვალ საღამოს შვიდის ნახევარზე მაქვს პირველი ლექცია.
ბედის ნებიერი ვარ ნამდვილად… ალბათ იმიტომ რომ ჩემს აქტიურობას, ენთუზიაზმს და თავდაჯერებულობას საზღვარი არ აქვს
ლირიული გადახვევა: ერთი მეუბნებოდა, რომ ზედმეტად თავდაჯერებული და აქტიური ხარო, და ითრგუნებოდა ჩემგან. ხოდა აბა კარგად მიყუროს, ვინ არი ეხლა მაგარ პონტში აა?…
თქვენ რას ფიქრობთ, რატომ მიმართლებს ასე? [ეს რიტორიკული შეკითხვაა და პასუხის გაცემა საჭირო არ არის ]
ხანდახან ისეთი რაღაცეები მესმის ახალგაზრდა შეყვარებულ წყვილებზე, ვგიჟდები ხოლმე. ბებერი არც მე ვარ, მაგრამ ყოველ შემთხვევაში, იმდენი გამოცდილება მაინც მაქვს რომ თინეიჯერ გოგოებს რჩევები მივცე სასიყვარულო ურთიერთობების ამბავში.
მოკლედ, ურთიერთობებში გამოუცდელი ყველა თინეიჯერი გოგოს საყურადღებოდ!
არავითარ შემთხვევაში არ დაშორდე, თუ ის:
- გპატიჟებს კინოში და თვითონ იხდის ბილეთის ფულს
- გეუბნება ბევრ სასიყვარულო სიტყვებს ან სიყვარულს სიტყვით თუ არა, საქმით მაინც გამოხატავს
- ცდილობს დაუმეგობრდეს შენს მეგობრებს
- გაცნობს თავის მეგობრებს და ეუბნება მათ, რომ შენ მისი ოცნების გოგო ხარ
- გჩუქნის თუნდაც იაფფასიან ყვავილებს ისე, უბრალოდ…
- დაინტერესებულია შენი გატაცებებით
- პატივს სცემს შენს მუსიკალურ გემოვნებას, როგორი უცხოც არ უნდა იყოს მისგან.
- პატივს სცემს შენს აზრს
- გეხმარება იდეების განხორციელებაში
- გჩუქნის საჩუქრებს დღესასწაულებზე
- ხშირად გეუბნება რომ შენ ყველაზე ლამაზი ხარ
- განათლებულია და მისი ინტერესების სფერო მარტო სპორტით ან ავტომანქანებით არ შემოიფარგლება
სასწრაფოდ დაშორდი, თუ ის:
სრულად წაკითხვა →
