პოსტები ტეგით ‘ბლოგინგი’
#11: რევიუ-პოსტი (Review – Post)
ამ გაკვეთილის მიზანია, დაგანახოთ თუ რატომ არის რევიუ-პოსტები პოპულარული მკითხველებში და როგორ იწერება კარგი რევიუ-პოსტი.
დარწმუნებული ვარ ყველა თქვენგანმა იცის რა არის review (ანუ მიმოხილვა).
ასევე დარწმუნებული ვარ, რომ ბევრ თქვენგანს არაერთხელ დაუწერია რევიუ-პოსტი. ზოგი კი მხოლოდ მიმოხილვების წერით შემოიფარგლება. ასეთი ბლოგის ნათელი მაგალითია ნიკა ესებუას (იგივე ლეონარდ შელბი) ბლოგი – Faukclub.
მეც არა ერთხელ დამიწერია რევიუები და მათ უზარმაზარი გამოხმაურებაც მოჰყოლია. ხანდახან იმასაც ვფიქრობ, უფრო ხშირად რომ ვწერო მიმოხილვითი პოსტები, ჩემი მკითხველების რაოდენობა გაცილებით სწრაფად გაიზრდებოდა.
ჩემი რევიუ-პოსტები (რაც მახსენდება):
- სექსუალური რევოლუცია და შორენას ღამეები
- როგორ აშტერებენ ჯეო-გადაცემები ქართულ საზოგადოებას
- ბოლოს ნანახი 5 ფილმი: SUCK’s and RULE’s
- Gossip Girl: Review
რა სარგებლობა მოაქვს რევიუებს მკითხველისთვის?
ამ გაკვეთილების განმავლობაში ალბათ ხშირად მიხსენებია, რომ თუ გსურთ გყავდეთ ბევრი მკითხველი და იყოთ წარმატებული ბლოგერი, უნდა წეროთ მკითხველისთვის სასარგებლო და გამოსადეგ თემებზე.
ინტერნეტში მოხეტიალე ძალიან ბევრი ადამიანი ეძებს რჩევებსა და განხილვებს ამა თუ იმ პროდუქტისა და მომსახურების შესახებ. [მეტი...]
#10: სასარგებლო გვერდები
ეს არის მეათე გაკვეთილი კურსიდან 30 გაკვეთილი პროფესიონალური ბლოგინგისთვის
დღევანდელი თქვენი დავალებაა შექმნათ პოსტი/გვერდი სადაც ჩამოთვლილი იქნება თქვენი ბლოგის პოსტები სხვადასხვა თემების ან კატეგორიების მიხედვით.
თემას არ აქვს მნიშვნელობა. მთავარია რომ ეს პოსტები ბლოგზე მოხვედრილ მკითხველს გამოადგება და მათ ბლოგის სიღრმეებში ჩაძირავს, აიძულებს უფრო ძველი და რთულად საპოვნელი პოსტები ამოქექონ და წაიკითხონ.
არსებობს სასარგებლო გევრდის რამდენიმე ტიპი:
- თემატური სასარგებლო გევრდი – მაგალითი: დამხმარე პოსტები ბლოგიდან Sweet.ge; დამხმარე პოსტები კიკიტოს ბლოგიდან;
- სერიული პოსტების სასარგებლო გვერდი – მაგალითი: 30 გაკვეთილი
- დროის მიხედვით დაკავშირებული პოსტების სასარგებლო გვერდი – ასეთი გევრდი ჯერ არ მაქვს შექმნილი ამ ბლოგზე მაგრამ უახლოეს მომავალში შევქმნი. დროის მიხედვით დაკავშირებული პოსტებია წელიწადის/თვის/კვირის ერთი და იგივე მონაკვეთში დაწერილი პოსტები. მაგალითად “საზაფხულო პოსტები”, “სეზონის საუკეთესო პოსტები”, “წლის ყველაზე პოპულარული ოცეული” და ა.შ.
მაგალითები პრობლოგერის ბლოგიდან:
- How to Make Money Blogging
- How to Find Readers for Your Blog
- How to Write Great Blog Content
- Search Engine Optimization for Bloggers
- Using Social Media Sites to Grow Your Blogs Traffic
რატომ უნდა გააკეთოთ ეს?
სასარგებლო გვერდს სასარგებლო იმიტომ ჰქვია რომ მას ყველასთვის სარგებელი მოაქვს:
1. კარგად ჩანს ბლოგის არქივი – ძველი, კარგი პოსტების მოძებნა გაცილებით ადვილია
2. გეხმარება საძიებო სისტემებისთვის ოპტიმიზაციაში – გუგლი უფრო ადვილად აინდექსირებს არქივებში ჩაძირულ პოსტებს.
3. იზიდავს მკითხველს და მოტივაციას უჩენს მას, რეგულარულად შემოიხედოს თქვენს ბლოგზე სასარგებლო კონტენტის წასაკითხად.
გააპიარეთ სასარგებლო გვერდი
მსგავსი სასარგებლო გვერდების გაპიარება სოციალურ მედიაში უფრო მეტ მკითხველს შეგძენთ ვიდრე – ბლოგის მთავარი გვერდისა, რადგან როგორ უკვე ავღნიშნე, მსგავსი პოსტების ნაკრები უფრო ადვილად გაარკვევს ახალ მკითხველს ბლოგის სტრუქტურაში და აიძულებს მას ძველი პოსტების წასაკითხად კიდევ და კიდევ დაბრუნდეს ბლოგზე.
დავალება:
შექმენით სასარგებლო გვერდი და განათავსეთ მისი ლინკი გამოსაჩენ ადგილას. შეგიძლიათ საქმეს კრეატიულად მიუდგეთ და პატარა ბანერიც გააკეთოთ, რომელიც თვალს ლინკზე მეტად მოიტაცებს.
სასარგებლო გვერდების ლინკები როგორც ყოველთვის კომენტარებში გამოუშვით! 
#9: გადაჭერი მკითხველის პრობლემა
ეს გახლავთ რიგით მეცხრე გაკვეთილი პოსტების სერიაში 30 გაკვეთილი პროფესიონალური ბლოგინგისთვის.
თეორია
დღევანდელი თქვენი გაკვეთილი ეხება, მკითხველისთვის პრობლემის გადაჭრას.
ამ ‘დავალებას’ ბევრი წარმატებული ბლოგერი ყოველდღიურად თავისი სურვილით ასრულებს.
მათი მოტივაციაა:
- მკითხველებზე შთაბეჭდილების მოხდენა
- მკითხველების მოტივირება მეორედაც დაბრუნდნენ ბლოგზე
- მკითხველების მოტივირება გაავრცელონ ბლოგი მეგობრებში
პრობლემების აღმოჩენის 6 მეთოდი
1. გადაჭერით საკუთარი პრობლემები
მშვენივრად მოახერხა ეს ჩვენმა მეგობარმა ბლოგერმა – კიკიტომ, როდესაც დაწერა პოსტი Email Me from Blogger.
კიკიტოს გაუჩნდა სურვილი გაეკეთებინა ბლოგის sidebar-ში ისეთი ბმული რომელზე დაწკაპუნებითაც მკითხველი პირდაპირ მისწერდა მას იმეილს. [მეტი...]
Blogger.com with Custom Domain
მთხოვეს დაწერეო ტუტორიალი დომენის მიბმის შესახებ, მაგრამ რომც დამეწერა უმეტესობა ვერ გააკეთებდა.
ამიტომ გთავაზობთ ასეთ ვარიანტს…
მთელი მუღამი იმაშია რომ ბლოგსპოტზე ებმება ჰოსტი და არა დომენი.
თუ ჰოსტი გაგაჩნიათ მაშინ ვერ ვხვდები რად გინდათ ბლოგსპოტი, როდესაც შესაძლებელია ვორდპრესის ძრავის დაყნება და მშვიდად ცხოვრება.
თუ ჰოსტი გაგაჩნიათ, მაგრამ მაინცდამაინც ბლოგსპოტი გსურთ, ჰოსტინგის სერვისი რომელიც Sweet.ge-ს (ანუ მე), Spieler.ge-ს და Tiny.ge-ს ემსახურება, იძლევა უფასო შეუზღუდავ ჰოსტინგს ყველა ბლოგერისთვის და შეგიძლიათ მოგვმართოთ!
აქვე მივაწერ, რომ ვორდპრესის ბლოგების ინსტალაციას/გამართვა, დიზაინების შექმნა შეგიძლიათ მე შემიკვეთოთ.
ამ ამბავში ჰოსტი არაფერ შუაშია, ეს ჩემს მიერ შემოთავაზებული ერთ-ერთი მომსახურებაა.
ანუ საბოლოოდ – თქვენ გაქვთ შემდეგი ვარიანტები:
მიბმა .Com დომენზე:
1) თუ დომენი შეძენილი არა გაქვთ, შეგიძლიათ პირდაპირ ბლოგსპოტის ადმინკიდან შეიძინოთ და ის ავტომატურად მიებმება ბლოგს.
2) თუ დომენი შეძენილი გაქვთ, იგი უნდა მიაბათ ჰოსტინგს. მიბმის პროცესის შესახებ ადმინკაში არის ტუტორიალი და ჰოსტინგის არსებობის შემთხვევაში ეს ძალიან მარტივი პროცესია.
მიბმა .Ge დომენზე:
1) თუ დომენი შეძენილი არა გაქვთ, შეუკვეთეთ registration.ge-დან NS-ებში ჩაწერეთ თქვენი ჰოსტის მიერ მოცემული NS-ები (თუ ჩემი ჰოსტი გინდათ, მომწერეთ და მე მოგცემთ NS-ებს!)
2) თუ დომენი შეძენილი გაქვთ უნდა შეიძინოთ ჰოსტი რადგან რეგისტრაციისას NS-ები დაგჭირდებათ. (ან ისევ და ისევ აიღოთ ჩვენი ჰოსტი, რომლის NS-ებია: ns.alva.ge და ns2.alva.ge)
—
ვიცი რომ ეს არ არის სრულყოფილი ტუტორიალი, მაგრამ ამაზე კონკრეტულად ვეღარ დავწერ. ყველა ჰოსტს თავისი ადმინკა აქვს და თავისებურად დასჭირდება მიბმა.
კელტროპებთან…
ბოლო დროს ბევრი რაღაც მოხდა:
blogroll.ge გაეშვა და წარმატებით მუშაობს.
ჩემი ბლოგის დღიური უნიკალური ვიზიტორების რაოდენობამ 500-ს გადააჭარბა.
უკვე მესამედ, აზიური ბლოგოსფეროს საუკეთესო ბლოგის ჯილდო სიაშუემ მიიღო.
ახალი სამსახური მაქვს – სხვათაშორის ძალიან საინტერესო (თუ მოვიცალე დავწერ მაგაზეც მერე). ორშაბათიდან ვიწყებ სიარულს.
ერთ ჩემს თანამშრომელს თურმე „ჩემთან კონტაქტი არ შეუძლია“ და საშინელ რაღაცეებს ლაპარაკობს ჩემზე. თუ თმით თრევას გადამირჩა, ღვთის რისხვას მაინც ვერ გადაურჩება.
რუსთავი 2-დან დამიკავშირდნენ, რაღაც რეალითი შოუში სჭირდებათ ხალხი. იმედია აქედან რაღაც გამოვა. (მომწერეს, ნუ ნერვიულობ, მარინა ბერიძე მანდ არ იქნებაო… 
)
თუთბერიძემ პატრიარქის მიმდევრები გაანაწყენა. პატრიარქის მიმდევრებმა კი თუთბერიძე კოცონზე დაწვეს.
ჩემს ერთ ნაცნობს თურმე ქმარი ღალატობს. არადა რა შეხმატკბილებული წყვილი მეგონა… მძაგს თვალთმაქცი და მოღალატე ხალხი!
მე კი კელტროპებმა მომიტაცეს…
ამის შესახებ წინა პოსტში ზურიუსმა და თინიმ უკვე დაწერეს.
მე კი ჩემის მხრივ დამავატებ იმას, რომ კელტროპები კარგად მკვებავდნენ და არც ნასკებ მახდევინებდნენ სიმთვრალეში. მათ მიერ ჩემი გატაცების მიზანი და მიზეზი უცნობია.
ერთი ეს იყო, ტუალეტი ჰქონდათ ჭალის გადაღმა და ღამით გასვლა ძალიან მეზარებოდა…
იქ ყოფნისას მივხვდი სამ რამეს:
- ინტერნეტის გარეშე ცხოვრება შეუძლებელია – ამიტომ გადავწყვიტე ლეპტოპისთვის “ყველგანმავალი” ინტერნეტის მოდემი ვიყიდო. თუმცა, ვაღიარებ, 5 დღის განმავლობაში უინტერნეტოდ, უტელეფონოდ და უტელევიზოროდ ყოფნისას დავწერე უამრავი პროექტის გეგმა – ამ სამი კომპონენტიდან ერთ-ერთის არსებობის შემთხვევაში არცერთ პროექტს დღის სინათლე არ ეღირსებოდა.
- ლეპტოპში ყოველთვის უნდა გქონდეს რამე გასართობი – მაგალითად რამდენიმე დღის სამყოფი ფილმები, სერიალი ან უკიდურეს შემთხვევაში დაინსტალირებული ფოტოშოპი. იქ ყოფნისას გადავიღე უამრავი ფოტოსურათი, მაგრამ რომ მახსენდება მათი გადატანა კომპიუტერში, ვნატრობ, ნეტა არ გადამეღო. ფოტოშოპი რომ მქონოდა, ლეპტოპშივე გავამზადებდი საბლოგედ…
- ძალიან მომენატრა ბლოგი – პოსტების წერა და კითხვა, ბლოგოსფეროზე დაკვირვება, ახალი ბლოგების აღმოჩენა, კომენტარების დატოვება, და რაც მთავარია, თქვენი – მკითხველების მიერ გამოთქმული აზრები ჩემს თითოეულ პოსტზე. ეს ყველაფერი იმაზე მეტად მყვარებია, ვიდრე ოდესმე ვიფიქრებდი!
P.S. Facebook-ზე ბლოგის გვერდის მისამართი გავაოფიციალურე და ამიერიდან შეგიძლიათ შემომიერთდეთ აქ: facebook.com/sweet.ge
ერთი საინტერესო feature-ც დაემატა თუ მობილურიდან გააგზავნით SMS-ს ნომერზე 32665 ტექსტით “fan Sweet.ge” ავტომატურად შემოუერთდებით ამ გვერდს
