Tag Archives: ტანსაცმელი

It Girl – პოსტი, რომელსაც პრინციპში გააჩნია საიდან შეხედავ

ამას წინათ დავწერე, რომ ერთ თამაშს ვთამაშობ facebook-ზე, It Girl ჰქვია.

ვთამაშობ მაშინ როცა დრო მაქვს და გასართობად. მიჯაჭვული არ ვარ და შემიძლია არც ვითამაშო, მაგრამ დღეს ამ თამაშს ისე ფილოსოფიურად შევხედე, რომ უცებ თავის დანებება მომინდა…

თამაშის პრინციპი მარტივია:

ირჩევ character-ს, რომელიც ასრულებს ქვესტებს, დადის მაღაზიებში, ყიდულობს ტანსაცმელს, იცვამს ამ ნაყიდ ტანსაცმელს, დადის წვეულებებზე, ბრძოლაში იწვევს თამაშის სხვა მონაწილეებს და იჩენს boyfriend-ებს. ერთი სიტყვით მთელი თავისი ვირტუალური ცხოვრება აქვს.

თამაშში არსებობს რამდენიმე პარამეტრი, რომლის მიხედვითაც განისაზღვრება შენი პროგრესი:

hotness - 102

hotness - 354

გამოცდილება – რომელსაც აგროვებ მაღაზიებში სიარულით და სხვა მოთამაშეების გამოწვევით. ამ გამოცდილების მომატებით იმატებ ე.წ. ლეველებს და იზრდები. რაც მეტი ლეველის ხარ, მით მეტი მაღაზია გეხსნება და მეტი ტანსაცმლის შეძენა შეგიძლია. სულ 90 ლეველი არსებობს.

ფული – შოულობ გამოწვევებში გამარჯვების შედეგად, ქვესტების შესრულებით და საათობრივად გარკვეული თანხაც შემოდის, როგორც სამსახურიდან. თუმცა ყველაზე მეტი ფული გამოწვევებით შემოდის.

hotness – რომელიც ყველა ტანსაცმელს/ფეხსაცმელს გააჩნია. რაც ძვირფასია ტანსაცმელი, მით მეტია hotness. თუმცა ორი მაღალი ლეველის დიდ hotness-ანი ტანსაცმელი ერთმანეთს შეიძლება საერთოდ არ უხდებოდეს.

არსებობს ფულის და გამოცდილების შოვნის ორგვარი ხერხი:

1. “მოწინააღმდეგე” გოგოების გამოწვევა –


ამ შემთხვევაში გამარჯვებული მხოლოდ hotness-ის მიხედვით ვლინდება. ამიტომ მათთან გამოწვევისას უმჯობესია მაქსიმალურ hotness-ზე გეცვას. რაც ყოველ ჯერზე მომგებიან შედეგს იძლევა, თუმცა ვიზუალურად საშინლად მახინჯია!


2. იმ გოგოების გამოწვევა, რომლებიც წვეულებებზე დადიან –

მათთან ბრძოლაში ყურადღება მეგობრების რაოდენობას, შენი ტანსაცმლის კარადის მოცულობას და ლეველს ექცევა, ამიტომ უმჯობესია დაბალ hotness-იანი, მაგრამ ლამაზი და შეხამებული ტანსაცმელი ჩაიცვა. რაც პრინციპში არის კიდევაც ამ თამაშის მთავარი მიმზიდველი მხარე – შოპინგი და შმოტკები.

ამასთანავე არსებობს გარკვეული რისკი, რომ ბრძოლაში მოულოდნელად დამარცხდე, რაც პირველი ტიპის ბრძოლაში გამორიცხულია, იქ ზუსტად იცი შენი და მოწინააღმდეგის შესაძლებლობები.

ანუ თამაშში არსებობს პროგრესირების 2 გზა:

შეგიძლია წყნარად იარო წვეულებებზე, ჩაიცვა ის, რაც ლამაზია. არ იყო აჯაჯულ-დაჯაჯული. მშვიდად მოიგო წვეულებების გამოწვევები. შეაგროვო ფული, იყიდო ის რაც მართლა მოგწონს/გიხდება. მართალია ამ გზით ლეველს უფრო ნელა აიღებ, მაგრამ თამაშისგან მიღებული სიამოვნება მეტი იქნება…

დაიკიდო წვეულებები! ჩაიცვა მაქსიმალური hotness-ის მქონე ტანსაცმელი, რაც საშინლად არ გიხდება. დაამარცხო მოწინააღმდეგეები სწრაფად და იშოვო ბევრი ფული, თუმცა ამით გამოცდილებაც ბევრი გემატება და რეალურად, მაღალ ლეველზე უფრო და უფრო მეტი მაღაზიები გეხსნება.

ახალი მიღწევები და შემოსული ფული იმ შესაძლებლობებს ვეღარ აკმაყოფილებს, რომელიც მეტ გამოცდილებას მოაქვს.

სრული ისტერიკის და თამაშისგან მიღებული 0 სიამოვნების ფონზე აღწევ 90 ლეველს, რომლის იქით თამაში აღარ გრძელდება. ერთადერთი რაც შეგიძლია აკეთო, არის მაღაზიებში სიარული და დარჩენილი ნივთების შესყიდვა სანამ ყველაფერს არ იყიდი.

შემდეგ თამაში გბეზრდება და ერთ დღესაც, დახურავ და არასდროს აღარ მიუბრუნდები.

დასკვნა:

თამაშის განმავლობაში შოულობ უამრავ ფულს, რომელსაც ხარჯავ უამრავ ნივთზე, მაგრამ იმდენს მუშაობ ამ ფულის საშოვნელად, რომ შეძენილი ნივთების გამოყენებასა და სიამოვნების მიღებასაც ვერ ასწრებ. მერე კი თამაში უეცრად მთავრდება ან გბეზრდება.

ნეტა შევძლებ ამ უკიდურესობების დაბალანსებას?…………..

In the Closet

წინა პოსტში ვწერდი, რომ ოთახის დალაგებას მივყავი ხელი. ამ დალაგების პროცესს ძალიან გლობალურად მივუდექი. შევეცადე განმესაზღვრა, თუ როგორ უნდა დავალაგო კარადა ისე, რომ მომავალში აღარ ამერიოს.

ამის შესახებ ვეძებე ინტერნეტშიც: წავიკითხე უამრავი სტატია ონლაინ–ჟურნალებიდან სახლის კეთილმოწყობის შესახებ, ვიძრომიალე ბლოგებზე და ა.შ. ბოლოს მივაგენი საოცარ ნივთებს, რომლებიც შეიძლება ძალიან კარგად გამოიყენო ტანსაცმლის კარადაში, დაზოგო ადგილი და რომლებიც აქ საქართველოში ჯერ არცერთ მაღაზიაში არ მინახავს (თუ თქვენ გინახავთ, აუცილებლად მომწერეთ – სადაა!!!).

ქამრების საკიდი

ქამრების საკიდი

ქამრები

რამდენი ტანსაცმლის კარადა, უჯრა თუ კომოდი მქონია, მთელი ცხოვრება ქამრებს ადგილს ვერასდროს ვუჩენდი. დაკეცილი – ფუჭდება, დახვეული – იშლება, გაშლილი – ბევრ ადგილს იკავებს, კარადის შიდა კაუჭებზეც ვერ დაკიდებ – ძალიან ბევრია და ამდენ კაუჭს ვერსად მიამაგრებ.

ჰოდა, თურმე ამ დილემის გადასაწყვეტათ გენიალური ნივთი გამოუგონიათ… შესაბამის ინსტანციებს. :D

ქამრების გარდა ასეთ კაუჭზე შეგიძლია მომცრო ზომის ჩანთებიც ჩამოკიდო. Continue reading

იანვრის შოპინგი

დარწმუნებული ვარ ბევრ თქვენთაგანს არ მოსწონს ასეთი “რა ვიყიდე” პოსტები, მაგრამ ფოტოსა და ფოტოს შუა მაინც ვწერ პირად რაღაცეებს. თანაც ზოგჯერ ონლაინ შოპინგის კარგ რჩევებს / ფასდაკლების კუპონებს დავწერ.

ასე რომ ვისაც არ მოგწონთ გამოტოვეთ, ვისაც მოგწონთ და…

ნივთები რაც გამოვიწერე იანვარში

ჩანთა

$ 25.80

Forever21.com | $ 25.80

ცოტა გამოსასვლელია. გეთანხმებით. Continue reading

Jayden’s Birthday

ჯეიდენი არის ყველაზე Cool სინგაპურელი ბლოგერი ბიჭი. მისი ბლოგი არის შავ ფონზე და ძალიან ბანძი URL აქვს და წესით არ უნდა იყოს ეგრე განთქმული მაგრამ უბრალოდ სხვანაირად ვერ იქნება. უზომოდ საყვარელია. <3

ეს ვიდეო დღეს დაპოსტა თავის ბლოგზე. ახლახანს შეუსრულდა 21 წელი და აღსანიშნავად მეგობარი ბლოგერები დაპატიჟა ფართიზე, რისთვისაც სასტუმროში დაიქირავა სპეციალურად ნომერი ერთი ღამით.

უყურეთ ვიდეოს, სულ რაღაც 2 წუთიანია. ცრემლები მომადგა ლამის… სულ მინდა რომ ხელახლა და ხელახლა ვუყურო. რა მაგარი ხალხია. :D მანდ ვინც არიან 50%-ის ბლოგებს ვკითხულობ და უცებ ყველა ერთად შეყრილი… ძალიან გულის ამაჩუყებელია. თან ყველას რაღაც სულ ფერადი ტანსაცმელი აცვია და ძალიან ინდივიდუალური ხალხია. ის გოგო ძალიან დიდი სათვალეებით როა, ესთერია, ჩემი ერთ-ერთი საყვარელი ბლოგერი, და ყვითელკაბიანი, ნადია, ძალიან მაგარი ქალი, ან აი ის კოპლებიანი მაისური რო აცვია, რა მაგარი კაცია. ქართველი ბლოგერებიდან რომელი ჩაიცვამს ეგეთ მაისურს? :D

ეხლა წარმოვიდგინე, რომ ვინმე ჩვენს ბლოგოსფეროზე ასე იყოს შეყვარებული, როგორც მე – სინგაპურულზე და ჩვენს სურათებს და ვიდეოებს ასე გულაჩუყებული ათვალიერებდეს ხოლმე ჩვენს ბლოგებზე… მიყვარხარ, ვინც არ უნდა იყო <3 :love:

ჯეიდენის დაბადების დღე:

ზუსტი წონა

დღეს დავინახე სასწორი წარწერით “ზუსტი წონა” და დავფიქრდი, როგორ შეიძლება რომელიმე სასწორმა ზუსტი წონა გაჩვენოს ან რა არის სიზუსტე?

ყველაფერი საბოლოოდ ხომ მაინც შედარებითია? გარდა ამისა ვინ გაითვალისწინებს იმას რომ ჩემი ფეხსაცმელი დაახლოებით 600 გრამს იწონის, მაცვია კილონახევრიანი პალტო და ჩანთაშიც ალბათ ერთ კილოგრამამდე სხვადასხვა ნივთი მიწყვია.

ყველა სასწორი რთმანეთისგან განსხვავებულ წონებს გვიჩვენებს, ისევე როგორც ყველა საათი განსხვავებულ დროს და ყველა თერმომეტრი განსხვავებულ ტემპერატურას.

ანუ რა უნდა ვქნა? როგორ უნდა გაიგოს ადამიანმა საკუთარი ზუსტი წონა?

სახლში დაიდგას სასწორი და ტანსაცმლის გარეშე აიწონოს ხოლმე? მერე როგორ გაიგებს, რომ სწორედ ეს სასწორი უჩვენებს “ზუსტ წონას” და არა ის, რომელიც მაღაზიაში მეორე თაროზე იდო, ანუ ორი სასწორი უნდა დაიდგას შესადარებლად? და თუ წონები ერთმანეთს დაემთხვევა ესე იგი ორივე ზუსტია? არსებობს სხვა მესამე სასწორი რომელიც განსხვავებას მისცემს რამოდენიმე გრამში და ა.შ. და ა.შ.

თუ მინდა გრამებში გავიგო ჩემი სხეულის ზუსტი წონა? ჭამამდე უნდა ავიწონო თუ ჭამის შემდეგ? დილით თუ საღამოს? ორშაბათს თუ შაბათს? დაბანამდე თუ დაბანის შემდეგ? [ვინც ერთი დაბანაა დარჩენილი, იმათ დაბანამდე აიწონონ :D ]

მოკლედ, დღეს დავინახე სასწორი წარწერით “ზუსტი წონა” და მინდოდა თქვენთვის მეთქვა, რომ თქვენც თუ შეგხვდებათ მსგავსი, არ დაიჯეროთ, ასეთი რამე არ არსებობს. :D

how-to-lose-weight-1

და საერთოდ, ვინ მოიგონა ცოცხალი ორგანიზმების წონის გარკვევა. ბლინ :confused: