გადავწყვიტე აღარასოდეს ვიმოგზაურო

There is no place like home.

გადავწყვიტე აღარასოდეს ვიმოგზაურო.

ამიერიდან ყოველ ახალ ქალაქს საკუთარი სახლივით შევიყვარებ და იქ ისე დავფუძნდები, თითქოს აღარსად მაქვს წასასვლელი, იქამდე მაინც, სანამ ახალ ქალაქში მომიწევს გადანაცვლება.

ყოველ ახალ ქალაქში მოვაშენებ სახლს, და დავრგავ ხეს, და გავაკეთებ ცოტა სიკეთეს.

ყოველ ახალ ქალაქში ზუსტად ისე, როგორც მშობლიურში, ძილისწინ წიგნებს წავიკითხავ, ზოზინა საუზმეებს მივირთმევ და კვირაობით ვიზარმაცებ, თითქოს არსად მეჩქარებოდეს.

არც ბევრ ფოტოს გადავიღებ, რადგან მეცოდინება, რომ ყოველი ახალი ქალაქი ჩემი ქალაქია და ფოტოსურათები არ მჭირდება, რადგან ჩემი ქალაქები მუდამ ჩემთან ერთად იქნებიან. ჩემს ქალაქებში ისევ ყოველთვის დავბრუნდები. მაშინაც კი დავბრუნდები, როცა მეცოდინება, რომ აღარასოდეს დავბრუნდები. კი არ დავბრუნდები, არამედ სამუდამოდ იქ დავრჩები, რადგან ჩემდაუნებურად ვისწავლე, როგორ უნდა ვიყო სხვადასხვა ქალაქებში ერთდროულად.

ყოველ ახალ ადგილას შენობებს ჩავუვლი ისეთივე აღტაცებით, როგორც მშობლიურ ქალაქში ჩავუვლიდი და პირიქით, მშობლიური ქალაქით აღვტაცდები ისე, თითქოს აქ ადრე არასდროს ვყოფილვარ.

რადგანაც მე უკვე ვნახე ახალი ქალაქები. და ადამიანებიც და შენობებიც ყველგან თვისობრივად ისეთივენი იყვნენ, როგორიც სახლში.

საკვებიც თვისობრივად ისეთივე იყო, როგორიც სხვაგან.

მზეც ისეთივე იყო, ოდნავ მეტად ან ნაკლებად მწველი, მაგრამ მაინც ისეთივე.

ჰაერიც, წყალიც და ხეებიც ისეთივე ფუნქციას ასრულებდნენ.

ყველგან იმდენივე მეგობარი შევიძინე, რამდენიც მშობლიურ ქალაქში და ყველგან ისევე მარტო ვგრძნობდი თავს, როგორც ყოველთვის.

ნაცვლად იმისა, რომ გავმხდარიყავი დერვიში, სამყაროს მოქალაქე გავხდი.

გადავწყვიტე აღარასოდეს “ვიმოგზაურო”, რადგან მოგზაურობა თავის მოტყუება აღმოჩნდა. ჩვენ მგზავრებად ვიბადებით და მთელ ცხოვრებას მოგზაურობაში ვატარებთ.

ყველგან გზა არის.

მე ვეღარასოდეს დავბრუნდები სახლში,

რადგან არსად აღარ მაქვს სახლი,

რადგან ყველგან ჩემი სახლი ყოფილა.

There is no place like home.

Home film

Moving on…

“все, что не убивает, делает меня сильнее!”

დედამიწა თავის ჩვეული ღერძიდან 8 სანტიმეტრით გადაიხარა! მე უბედური კი იმაზე ვდარდობდი, სად და როგორ დამექირავებინა ბინა უახლოეს მომავალში.

აბსოლუტური უმწეობის შეგრძნება არ მასვენებს! ასე მგონია სამყაროში სრულიად მარტო ვარ გამოკიდებული და მიზიდულობის ძალაც კი არ მოქმედებს ჩემზე. უჰაერო სივრცეში ვცურავ…

ჩემთვის ახალი ცხოვრება დაიწყო. თანაც – ნულიდან!

ბოლო რამოდენიმე დღე არ ვეგუებოდი ამ აზრს, დეპრესიის ნიშნებიც მქონდა, შანსიც კი ვითხოვე, მაგრამ არ მომეცა. აღმოჩნდა, რომ ზოგ შეცდომას ვერ გამოასწორებ, ან არ გაპატიებენ.

ჰოდა, სხვა გზა არ მაქვს! ფეხზე უნდა დავდგე. მარტომ უნდა მოვახერხო ცხოვრების გაგრძელება. არავინ მჭირდება. თუნდაც იმ დრომდე, სანამ ჩემს ახალ ნულოვან ცხოვრებას არ შევეგუები…

ყოველთვის მინდოდა, ოჯახისგან დამოუკიდებელი ვყოფილიყავი. არ ვიცი რამ გამოიწვია ეს ჩემი სწრაფვა დამოუკიდებლობისკენ და თავისუფლებისკენ, მაგრამ იმდენად მინდოდა ჩემი გათხოვების გადაწყვეტილების მიღებაში ამან თავისი მცირეოდენი როლიც კი ითამაშა. Continue reading Moving on…

Feng Shui

რამდენიმე დღის წინ ნანუკას ბლოგზე წვაიკითხე პოსტი რომ სახლი ფენ შუის სტილში უნდა მოვაწყოო და დავინტერესდი რა იყო ფენ შუი. სიტყვა გაგონილი მქონდა მაგრამ ზუსტი მნიშვნელობა არ ვიცოდი.

დღეს ჩავატარე მცირე კვლევა და რაღაც e-წიგნიც გადმოვწერე ფენ შუის შესახებ. ისე ჩამითრია და გამიტაცა მეტი რომ არ შეიძლება.

აქვე: ვინმეს ქართულად თუ გაქვთ ფენ შუის შესახებ რამე წიგნი ან ბროშურა, სიამოვნებით ვითხოვებდი. :user:

მაშ ასე…

რა არის ფენ შუი?meditation_feng_shui

ფენ შუი არის ძველი ჩინური ხელოვნება. სახელი ჩინურად ნიშნავს ”ქარი და წყალი”.

ქარსაც და წყალსაც უდიდესი ენერგია აქვს, რაც ჩვენს ცხოვრებას დადებითი აურით ავსებს. ფენ შუი თავისი ძირეული აზრით ნიშნავს ცხოვრების ძირითადი ელემენტების – ყველაფერი რაც გარს გვაკრავს ყოველდღიურად – მოწესრიგებას ოპტიმალური და ჰარმონიული ენერგიის (წყლისა და ჰაერის მსგავსი) ნაკადის შესაქმნელად.

ფენ შუი ძირითადად საცხოვრებელი და სამუშაო სივრცის მოწყობის ფორმულაა, თუმცა იგი ასევე იძლევა რჩევებს ცხოვრების წესის გასაუმჯობესებლად და სულიერი ჰარმონიის მისაღწევად.

ისე დავინტერესდი, რომ ბლოგზე დავიწყებ სხვადასხვა საინტერესო სტატიების გადმოქართულებას ფენ შუის შესახებ, რასაც ინტერნეტში ძრომიალისას წავაწყდები. მოდით დღეს ზოგადი აურის გასაწმენდი რჩევებით დავკმაყოფილდეთ:

  • ღრმად ჩაიხედეთ საკუთარ გულში და არ შეგეშინდეთ ამის! ეს ერთადერთი გზაა განავითაროთ და შეცვალოთ საკუთარი თავი. იყავით საკუთარ თავთან მართალი – თქვენ იმსახურებთ სიმართლეს და დაფასებას.
  • გაშალეთ ხელისგულები, დახუჭეთ თვალები და გაიწოდეთ ხელები მაღლა, თითქოს ელით რომ ვიღაცამ უნდა აგწიოთ და გულში ჩაგიკრათ. ეს საჭიროა იმისთვის, რომ სული გააერთიანოთ სამყაროსთან (ჩემს წინა პოსტს მაგონებს ეს ფრაზა)
  • წარმოიდგინეთ თქვენი გულიდან, ფილტვებიდან და ხელისგულებიდა გამოსხივებული ენერგია და ეს ენერგია ეხება ყველაფერს რაც გზად შეხვდება.
  • განასხივეთ ენერგია თქვენი სხეულიდან, გაგზავნეთ იგი სამყაროს ყველაზე მიუწვდომელ ადგილებში
  • ხმამაღლა გაიმეორეთ მანტრა: ”მე მზად ვარ ნებისმიერი სახის დადებითი ცვლილებისკენ”

შემდეგი პოსტი ამ თემაზე იქნება ფერების მნიშვნელობა ფენ შუის მიხედვით.

პ.ს. ხვალ ვაპირებ სახლის კარგად დალაგებას და ფენ შუის პრინციპების განხორცილებას.