პროფესია: PR ანუ საზოგადოებასთან ურთიერთობა [რესურსები და სასარგებლო რჩევები]

keep calm and hire a PR agency

ამ სტატიის დაწერაზე როცა ვფიქრობდი, არ მინდოდა “პიარის დღეების  ქრონიკა” გამომსვლოდა, არც “პიარის უახლესი ისტორია”, ამიტომ გადავწყვიტე, პატარა “სახელმძღვანელო” გამეკეთებინა იმ გოგონებისთვის და ბიჭებისთვის, ვისაც, თუნდაც ტელევიზორში, თვალში მოხვედრია პიარის სფეროს რომელიმე წარმომადგენელი და შთაგონებულს უფიქრია:

  • რა პროფესიაა პიარი?
  • როგორ დავეუფლო ამ პროფესიას საქართველოში?
  • როგორ გავხდე მასავით წარმატებული?

საზოგადოებასთან ურთიერთობა, ანუ პიარი, საზოგადოებასა და ორგანიზაციებს (ან ინდივიდებს) შორის ინფორმაციის გავრცელების/მიმოცვლის მენეჯმენტის პრაქტიკაა, ” – გვეუბნება 1984 წლის განმარტება.

პიარი შედარებით ახალგაზრდა პროფესიაა. ისევე როგორც ყველაფერი ახალი, საქართველოში პიარის აღქმაც ხანდახან მახინჯ ფორმებს იღებს. ზოგჯერ კომპანიები საზოგადოებასთან ურთიერთობის მენეჯერად ცნობილ ადამიანებს ან ჟურნალისტებს ნიშნავენ. მჯერა, რომ ისინი თავის საქმის პროფესიონალები და ზოგადად წარმატებული ადამიანები არიან, თუმცა ხანდახან ეს არ უზრუნველყოფს მათი პიარ საქმიანობის წარმატებასაც.

პიარ სპეციალისტს უნდა ჰქონდეს საბაზისო განათლება ბიზნესში, კომუნიკაციებში, მარკეტინგში ან მინიმუმ გავლილი ჰქონდეს საზოგადოებასთან ურთიერთობის პროფესიული პროგრამა. განათლების მიღება ამ სფეროში სავსებით შესაძლებელია ჩვენივე ქვეყნის ფარგლებში.

თუ გინდა, რომ პიარის სპეციალისტი გახდე, შეგიძლია ორი სტრატეგია გამოიყენო:

  1. აიღო ბიზნესის ბაკალავრის დიპლომი, რაც მოგცემს ფუნდამენტურ განათლებას ბიზნესში. ბაკალავრიატის შემდეგ კი შეგიძლია გაიარო პიარის სასერტიფიკატო კურსები ან მაგისტრატურა კომუნიკაციების განხრით. BBA პიარის სპეციალისტისთვის საჭირო ცოდნას ნამდვილად იძლევა, მომავალში კი, თუ პროფილის შეცვლას მოისურვებ, ზოგადი მიმართულების განათლება ამის შესაძლებლობასაც მოგცემს.
  2. შეგიძლია ბაკალავრიატშივე ჩააბარო პიარის მიმართულებაზე. ეს უფრო ნაკლებ შესაძლებლობებს მოგცემს სამომავლოდ, მაგრამ ცოდნას უფრო სწრაფად მიიღებ.

უდიდესი მნიშვნელობა აქვს, სად მიიღებ განათლებას, ვინ იქნება შენი მასწავლებელი. რამდენიმე სასერთიფიკატო თუ სამაგისტრო პროგრამა ჩემი ძალებით მოვიძიე. სხვები შეგიძლიათ კომენტარების სახით დაამატოთ.

სამაგისტრო პროგრამები:

  1. კავკასიის უნივერსიტეტი – სტრატეგიული კომუნიკაცია (პიარი)
  2. საზოგადოებრივ საქმეთა ინსტიტუტი (GIPA) – საზოგადოებასთან ურთიერთობის და კომუნიკაციის მენეჯმენტი
  3. საქართველოს უნივერსიტეტი – რეკლამა და საზოგადოებასთან ურთიერთობა

 სასერტიფიკატო პროგრამები:

  1. PR School – სხვადასხვა
  2. PR აკადემია – სხვადასხვა კურსები
  3. კავკასიის აკადემიური ცენტრი – PR საზოგადოებასთან ურთიერთობა
  4. Cambridge Study – საზოგადოებასთან ურთიერთობის (PR) სტრატეგიული მენეჯმენტი

ისევე როგორც სხვა პროფესიებში, მხოლოდ საბაზისო განათლება საკმარისი არასდროს არის. თუ პიარის სპეციალისტობას გადაწყვეტ, უნდა შეეგუო იმ აზრს, რომ მუდმივად ცოდნის განახლება და გადახალისება მოგიწევს. აუცილებლად უნდა იკითხო ბევრი სფეროს შესახებ და არ უნდა ჩამორჩე უკანასკნელ ტენდენციებს. ჩემი რეკომენდაცია იქნება, გამოიწერო ყველაზე პოპულარული ბლოგები და რესურსები ამ თემის გარშემო. მათთვის, ვინც ინგლისურ ენაზე ვერ კითხულობს, რამდენიმე კარგი რესურსი ქართულ ენაზეც მოვიძიე.

სასარგებლო რესურსები ქართულ ენაზე:

  1. PR Guide
  2. PR Hypermarket
  3. PR Club
  4. Peritus-ის ბლოგი
  5. GEPRA-ს ნიუსლეთერი
  6. PR School-ის ბლოგი
  7. PR Agenti
  8. Publicity.ge
  9. Marketer.ge

შეგიძლიათ სხვა რესურსები კომენტარებში დამიტოვოთ და პერიოდულად განვაახლებ მონაცემებს.

სად შეიძლება დასაქმდე?

დღეს ყველა კერძო და სამთავრობო ორგანიზაციას ესაჭიროება პიარის სპეციალისტი. დიდ კომპანიებში ცალკე პიარის განყოფილებები არსებობს. თუ ორგანიზაციული ცხოვრება შენთვის მიუღებელია, შეგიძლია საკონსულტაციო საქმეს მიჰყო ხელი. ვინ არის საქართველოში დაკავებული პროფესიული პიარ საქმიანობით? მე სულ ორი ფირმა ვიპოვე. თუ სხვებიც იცით, გამიზიარეთ.

  1. Peritus Group
  2. GePRA

გარდა ამისა,  უამრავ პოლიტიკოსს თუ ცნობილ ადამიანს საკუთარი პირადი “ფაბლისისტი” ჰყავს, რომელიც სწორედ პიარ საქმიანობითაა დაკავებული.

და ბოლოს – 3 რამ, რაც ყოველთვის უნდა გახსოვდეს პიარ საქმიანობისას:

1. პიარი არ არის მხოლოდ მედიის წარმომადგენლებთან “მეგობრობა”;

ხშირად ჰგონიათ, რომ პიარი მხოლოდ კარგად გაშუქებული სიუჟეტი ან დროულად გამოქვეყნებული სტატიაა. მიუხედავად იმისა, რომ მედიასთან ურთიერთობა პიარ საქმიანობის უდიდეს ნაწილს იკავებს, ეს არ არის ყველაფერი. პიარ პრაქტიკოსების ფუნქციებში შედის პრეზენტაციებზე და პრეს-კონფერენციებზე სიტყვით გამოსვლა, სხვადასხვა პიარ-მასალებისთვის კონტენტის შექმნა, ღონისძიებების ორგანიზება, სახელმწიფო სტრუქტურებთან ურთიერთობა, ხალხთან ურთიერთობა, კვლევების ჩატარება.

2. პიარი არ არის მხოლოდ ტრადიციული არხების გამოყენება;

ახალი მედიის მოხმარების ზრდამ განაპირობა პიარ პრაქტიკის დიჯიტალიზაცია. დღეს პიარ პრაქტიკოსის მიმართ აუცილებელი მოთხოვნაა სოციალურ მედიაში ღრმა ცოდნა და გამოცდილება.

3. პიარი არ არის მხოლოდ ორგანიზაციის გარეთ მიმართული ურთიერთობა;

“ციხე შიგნიდან ტყდებაო” – ნათქვამია. ეს გამოთქმა პიარ პრაქტიკაშიც ძალიან აქტუალურია. ხშირად პიარ სპეციალისტები მთელ ყურადღებას და ძალისხმევას გარე ფაქტორებს და მოვლენებს უთმობენ, მაშინ როდესაც ძალიან მნიშვნელოვანი სამიზნე აუდიტორია, საკუთარი ორგანიზაციის თანამშრომლები, ყურადღების მიღმა რჩებათ.

სხვა დასამახსოვრებელი რჩევებიც თუ გაგახსენდებათ, კომენტარებში დამიტოვეთ. აუცილებლად ჩავამატებ.

ბლოგის ბრენდინგი

ეძღვნება მარიანას, ჩემს ბრენდინგის ლექტორს

მიუხედავად იმისა რომ მარკეტინგის მეცნიერებები ყოველთვის მაინტერესებდა და გულმოდგინედ ვსწავლობდი, ESM-ში ბრენდინგის ფინალურ გამოცდაზე სამარცხვინოდ ჩავიჭერი. თომას გედის “4D ბრენდინგს” გავდიოდით, საგანი ძალიან მომწონდა და მაინტერესებდა, მაგრამ გამოცდაზე ტესტები პირდაპირ წიგნიდან იყო მოტანილი და წიგნის ეგრე დეტალურად წაკითხვა ძალიან დამეზარა.

დედაჩემმა ამ ჩაჭრის ამბავი რომ გაიგო, ისე ინერვიულა, კინაღამ გულმა დაარტყა. მისი აზრით, ნიშნები რადგან გამიფუჭდა, მარკეტინგის სფეროში ვერასდროს მივაღწევდი წარმატებას.

დედა, შეხედე ამ ბლოგს! უამრავი ადამიანი ხშირად მეუბნება კომპლიმენტებს მის ბრენდზე და პიარზე. დიდი ამბავი, მეოთხე კურსზე ბრენდინგში ნიშანი თუ ვერ მივიღე.

ახლა კი ვბედავ და ბლოგის ბრენდინგზე და მარკეტინგზე ერთი-ორი სიტყვასაც დავწერ.

ამ პოსტის იდეა ნატოშას პოსტმა შთამაგონა. ნატოშა ეძებს ახალ დიზაინს და ბრენდს, რომელსაც კარგად გააპიარებს და დიდი ხნის განმავლობაში აღარ შეცვლის. მე მის პოსტზე უკვე დავაკომენტარე საკმაოდ ვრცლად და აღარ მინდა აქ განვმეორდე. თუმცა იქ მხოლოდ დიზაინთან დაკავშირებული რჩევები მივეცი. ბლოგის ბრენდინგი კი ბევრად უფრო რთული მოვლენაა, ვიდრე ადვილად დასამახსოვრებელი ლოგო, მსგავსი ჰედერი და ფოტოსურათების watermark-ი.

ჩემი აზრით ბლოგის ბრენდინგი ერთ-ერთი აუცილებელი შემადგენელია მის პიარში და სამომავლო წარმატებაში.

წინა პოსტშიც დავწერე და აქაც ვიმეორებ – მთავარი კონტენტი მაინც არასდროს არ არის! ხანდახან შეფუთვა და რეკლამა უფრო მეტს აკეთებს, ვიდრე უბრალოდ კარგი ხარისხის პროდუქტი.

მაგრამ სანამ პროდუქტის შეფუთვაზე გადახვალთ, აუცილებლად უნდა დაფიქრდეთ მის იდეაზე.

ამაში თომას გედის ბრენდ-კოდიც დაგეხმარებათ, რომელიც ბრენდის ოთხი აბსტრაქტული განზომილებისგან შედგება: ფუნქციონალური, სოციალური, სულიერი და მენტალური. თითოეულზე უფრო ვრცლად ქვემოთ გვექნება საუბარი. Continue reading ბლოგის ბრენდინგი

Leadership Masterclass & Graduation

dsc01497
asd

ოთხშაბათს, დილის 11 საათზე სასტუმროში – “ძველი თბილისი”- LSPR-ის დამფუძნებელი პროფესორი ჯონ დალტონი მასტერკლასს ატარებდა Leadership-ში.

საღამოს კი წინა ჯგუფების დიპლომების გადაცემის ცერემონიალი იყო დაგეგმილი.

ჩვენი ჯგუფიდან ყველა მიიწვიეს ორივე ივენტზე.

მასტერკლასი ძაან საინტერესო აღმოჩნდა. დაახლოებით 100-მდე ადამიანი დაესწრო. დიდი საკონფერენციო დარბაზში ჩატარდა.

ჩვენი ჯგუფი ჯონ დალტონთან ერთად
ჩვენი ჯგუფი ჯონ დალტონთან ერთად

ზოგი LSPR-ის კურსდამთავრებული იყო, ზოგმა კი jobs.ge-ზე ნახა მასტერკლასის შესახებ განცხადება.

ორი 15 წუთიანი coffe-break-ი გვქონდა, ბევრი ყავა, ნაღები, ჩაი, ნამცხვრები… აივანი, კარგი ამინდი, ძალიან მაგარი ხედი…

5 საათზე, იგივე დარბაზში Dalal Nageh-მ (LSPR-ის course Director, რომელიც ჯონ დალტონთან ჩამოვიდა ლონდონიდან) ჩაგვიტარა ტრენინგი Events Management და Sponsorship-ში. Continue reading Leadership Masterclass & Graduation

მ… მ… მ…

პიარის სკოლაში პირველი ლექცია მქონდა წინა სამშაბათს და პირველმა ტრენერმა გასაცნობად ასეთი თამაში-დავალება მოგვცა: ყველას უნდა დაგვეწერა რაც შეიძლება მეტი ზედსართავი სახელები, რომლებიც იწყებოდნენ ჩვენი სახელის პირველ ასოზე და ამავე დროს გვახასიათებდნენ ჩვენ.

იმ წუთას მხოლოდ შვიდი ზედსართავი მოვიფიქრე:

ხიარული

ეგობრული

უსიკალური

შვენიერი

ახვილგონიერი

ისტიკური

ადისაღმძვრელი

არ ვიცი რამდენად კარგი მეთოდია ადამიანების გასაცნობად, რადგან სულ ორად-ორი ადამიანის სახელი დამამახსოვრდა ამ ტესტის შემდეგ:

ექსუალური ესილი

და

ნებიანი ახო

(რომელიც ასევე კოსმოპოლიტენის გამარჯვებული არის და 100%-იანი დაფინანსება მიიღო. )

თქვენც გთავაზობთ მოიფიქროთ და აქვე კომენტარებში დაწეროთ თქვენი სახელის პირველ ასოზე დაწყებული რაც შეიძლება მეტი ზედსართავი, რომლებიც კარგად გახასიათებენ თქვენ.

(LSPR) გავსტუდენტდი

სწავლა, სწავლა და სწავლაო, ამბობდა ბილ კლინტონი! :D

ხვალიდან პიარისა და ბრენდინგის სტუდენტი ვხდები და 4 თვის განმავლობაში ვისტუდენტებ.

ცოტა რამ ჩემი სკოლის შესახებ:

LSPR 1992 წელს დაფუძნდა ლონდონში და მას შემდეგ მზარდი პოპულარობით სარგებლობს, როგორც დიდ ბრიტანეთში, ისე მსოფლიოს მრავალ ქვეყანაში. საქართველო მეთვრამეტე ქვეყანაა, სადაც London school of Public relation-ის წარმომადგენლობა გაიხსნა.

London School of Public Relations-ის თბილისის ოფისი მსმენელებს სთავაზობს კურსს:

An Integrated Approach to Public Relations for the 21st Century

კურსი მოიცავს კომპლექსურ მიდგომას ისეთი ტრადიციული თუ ინოვაციური საკითხების მიმართ, როგორებიცაა:

  • ბრენდინგი [ეს საგანი იესემში გავლილი მაქვს და საშინაო დავალებების დაწერა მეზარებოდა ხოლმე. საბოლოოდ გამოცდა კი ჩავაბარე მაგრამ ნიშანი არ გამომივიდა და Fail-ზე დამსვეს. მაგრამ კრედიტი ჩამეთვალა. ხოდა ახლა კარგად უნდა ვისწავლო რომ გადავფარო ის Faili-ი. ერთადერთი მახინჯი Fail-ი მყავს ჩემს გაზინზილებულ დიპლომში. რა სირცხვილია…]
  • ინტეგრირებული მარკეტინგული კომუნიკაციები
  • მიზნობრივი აუდიტორიის კვლევა
  • კორპორატიული იდენტობა და იმიჯი
  • ვირტუალური მარკეტინგი [რა საინტერესოა, ბლოგისთვის თუ გამოვიყენებ :user: ]
  • მედიასთან ურთიერთობა
  • სტრატეგიული ანალიზი და დაგეგმვა
  • სპონსორობა და ივენთ-მენეჯმენტი
  • ბიზნეს ეთიკა
  • მედია ანალიზი, ბაზრის კვლევა
  • e-PR და m-Commerce
  • კორპორატიული სოციალური პასუხისმგებლობა
  • ინვესტორებთან ურთიერთობა
  • რისკების და კრიზისების მართვა
  • რეპუტაციის მენეჯმენტი [წიპა “როგორ დავიცვათ თავი ანტი-სვითებისგან?” :D ]

cosmopolitan_bg_logo50%-იანი დაფინანსება მოვიგე კომოპოლიტენის SMS კონკურსში!!!

ჭკუაზე არ ვარ!!! თანაც როგორც ხმები მოვიდა, ჩემთან ერთად თვითონ კოსმოს რედაქტორი გაივლის ამ კურსს. რა პატივია :user:

ხვალ საღამოს შვიდის ნახევარზე მაქვს პირველი ლექცია.

ბედის ნებიერი ვარ ნამდვილად… ალბათ იმიტომ რომ ჩემს აქტიურობას, ენთუზიაზმს და თავდაჯერებულობას საზღვარი არ აქვს :P

ლირიული გადახვევა: ერთი მეუბნებოდა, რომ ზედმეტად თავდაჯერებული და აქტიური ხარო, და ითრგუნებოდა ჩემგან. ხოდა აბა კარგად მიყუროს, ვინ არი ეხლა მაგარ პონტში აა?…

თქვენ რას ფიქრობთ, რატომ მიმართლებს ასე? :D [ეს რიტორიკული შეკითხვაა და პასუხის გაცემა საჭირო არ არის :P ]