Tag Archives: მარკეტინგი

IBSU – ტრენინგ ცენტრის სერთიფიკატი

დაახლოებით ერთი თვის წინ შავი ზღვის საერთაშორისო უნივერსიტეტმა ერთი უფასო ტრენინგი მაჩუქა. ქვემოთ ჩამოთვლილი კურსებიდან, ერთ-ერთის ამორჩევა შემეძლო ჩემი სურვილისამებრ:

  • ტრენინგი ბიზნესის ადმინისტრირებაში
  • ტრენინგი სასტუმროსა და საკურორტო მენეჯმენტში
  • ტრენინგი ონლაინ მარკეტინგსა და სოციალურ იმედიაში
  • ტრენინგი საგადასახადო სამართალში
  • ტრენინგი საბანკო საქმეში
  • ტრენინგი მენეჯმენტში
  • ტრენინგი ფინანსურ მენეჯმენტში
  • ტრენინგი საზოგადოებასთან ურთიერთობის მენეჯმენტში
  • ტრენინგი მარკეტინგსა და მომხმარებლის ქცევაში
  • ტრენინგი ადამიანური რესურსების მართვაში
  • ტრენინგი პროექტის მენეჯმენტში

მე პროექტის მენეჯმენტი ავირჩიე და ძალიანაც კმაყოფილი ვარ ჩემი არჩევანით.

ის თემები რაც ამ კურსის განმავლობაში გავიარე, ძირითადად ნასწავლი მქონდა ESM-ში, შემდეგ კი პრაქტიკულად გამოცდილი სხვადასხვა სამსახურებში. ამ კურსმა კი შეძენილ ცოდნასა და გამოცდილებას თავი მოუყარა, ერთმანეთს შეუსაბამა და ყველაფერი თავის ადგილას დაალაგა.
საბოლოო ჯამში, კურსის განმავლობაში ბევრი საინტერესო შემძინა. ასევე გავიცანი საინტერესო ადამიანები, რაც მსგავსი კურსების ერთ-ერთი მთავარი პლიუსი და ღირსებაა ხოლმე.

შაბათს, 25 ივნისს, ჩვენი კურსის დასრულების საზეიმო ცერემონიალი გაიმართა და ჩემი დიპლომების, სიგელების, სერტიფიკატების და ჯილდოების ნუსხას კიდევ ერთი წარმატების აღმნიშვნელი ქაღალდი შეემატა.

ისღა დამრჩენია საკუთარ თავს წარმატება და კარიერული წინსვლა ვუსურვო! :love:

NCIB – ფინალში გავედი!

ვაშა!!!

კონკურსის მეორე ეტაპზე გადავედი ანუ საუკეთესო ხუთეულში მოვხვდი!

ახლა 6 კვირის განმავლობაში სპეციალურად გამოყოფილი ვებ სივრცის (ბლოგის) მართვა მომიწევს.

NCIB-ს ოფისში, სხვა კონკურსანტებთან ერთად

ინტერვიუ.

NCIB – კონკურსის მეორე ეტაპი

მინდა ბლოგზე ერთი კონკურსის მიმდინარეობა გავაშუქო, რომელშიც ვმონაწილეობ და საკმაოდ ვნერვიულობ მის შედეგებზე.

19 მაისს NCIB-მ ვებმარკეტინგის კონკურსი დაიწყო, რომელშიც ყველა მსურველს შეეძლო მონაწილეობის მიღება.

კონკურსის პირობები ერთი შეხედვით მარტივია:

I ეტაპზე – უნდა დარეგისტრირებულიყავი საიტზე, აგერჩია ლობისტი კომპანია და დაგეგროვებინა მინიმუმ 50 ხმა.
II ეტაპზე – უნდა გაგეგზავნა ლობისტი კომპანიისთვის შექმნილი ვებმარკეტინგის სტრატეგია.
III ეტაპზე – 5 ფინალისტი სტრატეგიის ავტორმა უნდა მართოს ვებ-მარკეტიგნის კამპანია.

გამარჯვებულის გამოვლენის საკითხი ჩემთვის ცოტა ბუნდოვანია. როგორც კონკურსის საიტზე წერია, თითოეული კონკურსანტისთვის გამოიყოფა სპეციალური ვებ-სივრცე სადაც მან უნდა განახორციელოს თავისი სტრატეგია.
შედეგები კი ვიზიტორების რაოდენობის მიხედვით დაითვლება.

აქ უამრავი კითხვა მიჩნდება:

  • როგორ დაითვლიან ვიზიტორებს?
  • გაითვალისწინებენ თუ არა ისეთ პარამეტრებს, როგორიცაა bounce rate? საიტზე გაჩერების ხანგრძლივობა? returning visitors?
  • ჩაითვლება თუ არა ნაყიდი და სერფინგებით მიღებული ტრაფიკი?
  • საშუალება ექნებათ თუ არა ფინალისტებს გამოიყენონ ლობისტი კომპანიის უკვე არსებული პლატფორმები? (მაგალითად facebook-ის გვერდი)

ამ შეკითხვებზე პასუხები მართლაც საინტერესოა, თუმცა იმედია მალევე გაირკვევა.

პრიზი კი ძალიან მიმზიდველია – კონკურსში გამარჯვებული 5000 ლარს მიიღებს!

მე ავირჩიე კომპანია “კამპა” და საკონკურსო ნაშრომიც გაგზავნილი მაქვს. ამ კვირის ბოლოს დაიდებაო პასუხები. ძალიან მინდა ფინალში გადასვლა.

ვნერვიულობ…

(LSPR) გავსტუდენტდი

სწავლა, სწავლა და სწავლაო, ამბობდა ბილ კლინტონი! :D

ხვალიდან პიარისა და ბრენდინგის სტუდენტი ვხდები და 4 თვის განმავლობაში ვისტუდენტებ.

ცოტა რამ ჩემი სკოლის შესახებ:

LSPR 1992 წელს დაფუძნდა ლონდონში და მას შემდეგ მზარდი პოპულარობით სარგებლობს, როგორც დიდ ბრიტანეთში, ისე მსოფლიოს მრავალ ქვეყანაში. საქართველო მეთვრამეტე ქვეყანაა, სადაც London school of Public relation-ის წარმომადგენლობა გაიხსნა.

London School of Public Relations-ის თბილისის ოფისი მსმენელებს სთავაზობს კურსს:

An Integrated Approach to Public Relations for the 21st Century

კურსი მოიცავს კომპლექსურ მიდგომას ისეთი ტრადიციული თუ ინოვაციური საკითხების მიმართ, როგორებიცაა:

  • ბრენდინგი [ეს საგანი იესემში გავლილი მაქვს და საშინაო დავალებების დაწერა მეზარებოდა ხოლმე. საბოლოოდ გამოცდა კი ჩავაბარე მაგრამ ნიშანი არ გამომივიდა და Fail-ზე დამსვეს. მაგრამ კრედიტი ჩამეთვალა. ხოდა ახლა კარგად უნდა ვისწავლო რომ გადავფარო ის Faili-ი. ერთადერთი მახინჯი Fail-ი მყავს ჩემს გაზინზილებულ დიპლომში. რა სირცხვილია…]
  • ინტეგრირებული მარკეტინგული კომუნიკაციები
  • მიზნობრივი აუდიტორიის კვლევა
  • კორპორატიული იდენტობა და იმიჯი
  • ვირტუალური მარკეტინგი [რა საინტერესოა, ბლოგისთვის თუ გამოვიყენებ :user: ]
  • მედიასთან ურთიერთობა
  • სტრატეგიული ანალიზი და დაგეგმვა
  • სპონსორობა და ივენთ-მენეჯმენტი
  • ბიზნეს ეთიკა
  • მედია ანალიზი, ბაზრის კვლევა
  • e-PR და m-Commerce
  • კორპორატიული სოციალური პასუხისმგებლობა
  • ინვესტორებთან ურთიერთობა
  • რისკების და კრიზისების მართვა
  • რეპუტაციის მენეჯმენტი [წიპა “როგორ დავიცვათ თავი ანტი-სვითებისგან?” :D ]

cosmopolitan_bg_logo50%-იანი დაფინანსება მოვიგე კომოპოლიტენის SMS კონკურსში!!!

ჭკუაზე არ ვარ!!! თანაც როგორც ხმები მოვიდა, ჩემთან ერთად თვითონ კოსმოს რედაქტორი გაივლის ამ კურსს. რა პატივია :user:

ხვალ საღამოს შვიდის ნახევარზე მაქვს პირველი ლექცია.

ბედის ნებიერი ვარ ნამდვილად… ალბათ იმიტომ რომ ჩემს აქტიურობას, ენთუზიაზმს და თავდაჯერებულობას საზღვარი არ აქვს :P

ლირიული გადახვევა: ერთი მეუბნებოდა, რომ ზედმეტად თავდაჯერებული და აქტიური ხარო, და ითრგუნებოდა ჩემგან. ხოდა აბა კარგად მიყუროს, ვინ არი ეხლა მაგარ პონტში აა?…

თქვენ რას ფიქრობთ, რატომ მიმართლებს ასე? :D [ეს რიტორიკული შეკითხვაა და პასუხის გაცემა საჭირო არ არის :P ]