ქართული რეალობა

მოწვეული ბლოგერის პოსტი: Yob

“დაგვიბრუნეთ გაყინული ანაბრები ! “

„ბენდუქიძე იუდა!“

„სოროსის მონები!“ „იაღოველები!“ „მიშისტები!“ „ნაცისტები!“

„გვშიაააა!“ „მეც მშიააა!“ „ჩვენც გვშიაა!“

„ლილიპუტინი!“

ან კიდე….

„ჰელოუინი! – სატანისტები!“ „ღმერთი არ გწამთ?!“ „თუთბერიძისნაირებო!“ „იაღოველებო!“

„ღმერთი არ გწამს, შენი დედ ********** ! “

„გადაგვჭამეს ჩინელებმა!“

ან კიდე….

„ოდნოებში ხაარ?“  „+5 დამიწერეეე…“ „გოგო ოდნოები ჩაბანძდა, ფეისბუქზე ხო არ გადავიდეთ?“

მრავალფეროვანია ჩვენი საზოგადოება… მრაფალფეროვანი…. მაგრამ ძალიან ცოტაა ამ ფერებში ნათელი ფერები… მუქი ფერი სჭარბობს..  შავი… ნაცრისფერი… ღია შავი, მუქი ნაცრისფერი,  კიდე უფრო მუქი ნაცრისფერი….. და ა.შ….

მრავალფეროვანია ჩვენი საზოგადოება… მრავალფეროვანი…. ჭრელა-ჭრულა…. მაგრამ ვერაფერი გაგვიგია  ფერებისა… დალტონიკები გავმხდარვათ ყველანი…

მრავალფეროვანია ჩვენი სალანძღავი ლექსიკონი… გამოთქმაც ხომ გვაქვს – „ანბანისდა მიხედვით გინება“…

მრავალფეროვანია საქართველო საკუთარი ეთნიკური ჯგუფებით… მაგრამ უმრავლესობა ვერ ხედავს ამ მრავალფეროვნებას… უმცირესობა მუდამ იჩაგრება…

მრავალფეროვანია საქართველო რელიგიური მრწამსის მიხედვით… მაგრამ თუ მართლმადიდებელი არ ხარ, რატომღაც აუცილებლად იაღოველი ხარ…. ან თუ ეგეც არ ხარ, საერთოდ რა ხარ?… ნებისმიერ შემთხვევაში, „ვერ ცხონდები“….

მრავალფეროვანია ჩვენი პოლიტიკური სივრცე… მაგრამ იმდენად მრავალფეროვანია, რომ ერთი ფერი, წითელი და ისიც 5 ნომერი, ყველაზე კარგად ჩანს მათ შორის…

მრავალფეროვანი ნამდვილად არ არის ჩვენი ინტერნეტ სივრცე… „ოდნოები“ დომინირებენ…. ვისაც „ოდნოები“ უტყდება „ფეისზე“ გადმოდის…

პარადოქსალური ქვეყანაა საქართველო… პარადოქსალური… უცნაური….

ამაყი ხალხით სავსე… აქ არავის სურს იყოს უბრალო მუშა (ყველას უტყდება). ყველას უნდა ჰქონდეს დამთავრებული „უმაღლესი“….. და რა „უმაღლესი“??? რისთვის? როგორ? ამაზე არავინ ფიქრობს…

აქ გოგოებს ისევ მოსწონთ „მანქანიანი ბიჭები“…. აქ არ მოსწონთ ეგრეთწოდებული „შკოლნიკები“, ანუ ის ხალხი, ვისაც მართლა სურს სწავლა….

აქ შატალოზე არ წასვლა „გრეხად“ ითვლება…

აქ ქელეხი „პალატკებში“ იშლება და ღრეობად იქცევა… ან რა საჭიროა ქელეხი….

აქ არავინ იცის, რას ნიშნავს კრემატორიუმი…

აქ ყველას უნდა, რომ ჰქონდეს შავი მარმარილოს ქვით ნაკეთი სასაფლაო…

აქ არავინ იცის, რა ფუნქცია აკისრია შუქნიშანს…. ჩვენ ხომ “დალტონიკები” ვართ, ფერებს ვერ ვარჩევთ და………

აქ  ყველას მაგარი მანქანა, მაგარი მობილური უნდა რომ ჰქონდეს…. და ამისთვის მზადაა მთელი კვირა იშიმშილოს…

საქართველო ავტორიტეტების ქვეყანაა…. ამითიც მრავალფეროვანია საქართველო…..

ეს ჩამონათვალი უსასრულოდ შეიძლება გაგრძელდეს…

და გრძელდება….. და გრძელდება.. და გრძელდება…..

….. ….. …..

…….. …..

……

..

.

მოწვეული ბლოგერის პოსტი: Yob

37 Comments

  1. არა, მე საფლავზე პრეტენზია არ მაქვს, უბრალოდ, შავი და თეთრსარჩულიანი კუბო მინდა..

    სხვა ფერში არ ჩავწვები.. :უსერ:

  2. მე მომბეზრდა ესეთი პოსტების კითხვა რაღაც წიპა “მხოლოდ საქართველოში…” და “ფუ რა ვართ ეს ქართველები”.
    აღარ უნდა დაიხუროს ეს თემა?! მსგავსი რაღაცები არ გამოსწორდება! რამდენიმე ადამიანი მაინც იქნება ასეთი.. პოზიცია ოპოზოცია. ადნები თუ აღარ იქნება სხვა დასაცინს ვიპოვით რამეს და ასე შემდეგ… მოკლედ “საკაიფო” და “ტკივილ ნარევი” თემები ყოველთვის იქნება და რა აზრი აქვს ამ წყლის ნაყვას ვინმეს თვალები აეხილება და ადნაკლასნიკებს გააუქმებს თუ ერთმანეთს აღარ აგინებენ?!

    1. გეთანხმები, მაგრამ როდესმე ხომ უნდა მოეღოს ბოლო ამ ყველაფერს :|

      მე პირადად ყელში ამომივიდა :X

    1. მარი, მე ყოველთვის პირველ პირში ვწერ.. ასე რომ ეს ისევე მეხება მეც, როგორც შენც და სხვასაც…
      ამაზე თუ არ ვისაუბრეთ, ესევე დავრჩებით.
      გასაგებია, რომ შეიძლება მოგბეზრდათ ასეთი პოსტები კითხვა.
      მარტივი გამოსავალია.. ნუღარ წაიკითხავთ, და ამით ადმთავრდება :)

      ეს უბრალოდ ჩემი აზრია და პოსტში გამოვხატავ…

      კრიტიკისთვის მადლობა.. (არაირონიულადაა ნათქვამი) მართლა მადლობა.

  3. და ბოლოში მიაწერე:
    აქ ყველას სხვებზე მაგარი გონია თავი და მოდაშია იმის ლაპარაკი თუ როგორი “ცუდები” არიან ქართველები!

  4. :D :D “ასფალტი ვჭამო?” გამოგრჩა :D

    არა, კრემატორიუმს არ ვეთანხმები, დანარჩენში +1

  5. მიუხედავად ყველა ნაკლისა მე მაინც მიყვარს ქართველები. რაც დაწერე სინამდვილეა და მართლა ეგრეა მაგრამ ეს არ ნიშნავს იმას რომ ყველა ეგეთია. კი არა და უმეტესობა ეგეთი არაა. უბრალოდ ცუდი უფრო კარგად ჩანს.და რაც არ უნდა მონდომო მათი გამოსწორება არ იქნება.

  6. ტაკს…
    პოსტი მომწონს ძალიან. კარგად არის მილაწუნებულ–მოლაწუნებული. დაჟე ჩემი 5–მეგაპიქსელიანი დუოსი ამიკანკალდა ხელში :)) :))
    მააააააგრამ: ამ ბლოგზე რა უნდოდა, ვერ გავიგე :))
    გავატარეთ…
    ერთმანეთის ჯინაზე რომ იწყებენ გოგოები სიგარეტის მოწევას და ერთმანეთის ჯინაზე რომ ლეზბიანკდებიან ლიტერატორები – ესეც გეხსენებინა ბარემ და დაგლიჯავდი! ;)
    ისე, კარგად წერ. კარგად კი არა, სხარტ–გონივრულად და დაკ დერჟატ ;)

    1. ამ ბლოგზე თვეში ერთხელ ხვდება მოწვეული ბლოგერის პოსტი, რომელიც რასაც უნდა იმას წერს :) ასე რომ ვისაც სურს, შეუძლია შემდეგი თვისთვის გამომიგზავნოს თავისი ნამუშევარი :))

  7. მეთქი მარი რამ გაამწარა :))
    რაც შეეხება პოსტს: მანქანიანი ბიჭების და შკოლნიკების საკითხო საერთაშორისოა და სულაც არ ვრცელდება მარტო საქართველოზე. ეს უფრო ახალგაზრდული თემაა, რომელიც ყველა ქვეყანაში ყველა მეცადინი და უმანქანო ბიჭისთვის ერთნაირად მტკივნეულია.
    კრემაციას არ აღიარებს მართლმადიდებლური ეკლესია და ვინაიდან ქართველთა დიდი უმრავლესობა მორწმუნეა, ამიტომ “ბანალურ” დაკრძალვას და საფლავის ქვებს ამჯობინებენ (პომპეზურობაზე გეთანხმები).
    ნუ ეხა ადამიანი სათქვლეფს თუ მოიკლებს ცოტას და მუცლის ამოყორვის მაგივრად კარგ ტელეფონს იყიდის ამაშიც ცუდი არაფერია :D უკიდურეს გაჭირვებაზე არ მაქვს ლაპარაკი.
    საერთო ჯამში, მეც მომბეზრდა ესეთი პოსტები და ქართველებისთვის ყველაფრის შეტენვა. თუმცა, ამ შემთხვევაში ავტორს უფრო ვეთანხმები, ზედა დებულებების გარდა :P OMG რამდენი ვწერე :)

  8. სრული უაზრობა..

    რა აზრი აქვს ამდენ წერას ?
    მაინც არაფერი არ იცვლება
    და არც შეიცვლება
    პირიქით
    უფრო გაუარესდება
    ასეთია ჩვენი ბუნება..

    არ მოგწყინდათ ?
    სალაპარაკო თემას ეძებთ ??

  9. აქ ყველას მაგარი მანქანა, მაგარი მობილური უნდა რომ ჰქონდეს…. და ამისთვის მზადაა მთელი კვირა იშიმშილოს…

    <<< ძალიან მომწონს ეს ჩვევა :) ბევრი იმსახურებს საუკეთესოს.. და რა გზით მიიღებს რა მნიშვნელობა აქვს.. მაგრამ მივხვდი შენს ჩანაფიქრს ამ სიტყვებში ასე რომ ნაწილობრივ მაინც შენ აზზრზე ვარ..

  10. ეგ მშია მეც მშია ჩვენ უფრო გვშია ჩვენ ისევ გშია და ა.შ. მთელი კედლები როა რუსთაველზე აჭრელებული მაგარი კრეატივია :)
    ბუღაძე რულამს.

  11. რეალობაა და მართალია მარაზმია მაგრამ ესეთი მარაზმები მარტო ჩვენ არ გვჭირს : )

    ჩინელების გადაჭმაზე მარტო ჩვენთან არ ამბობენ :D (თუმცა სხვა ქვეყნებში მათი რიცხვი გაცილებით დიდია)

    სხვა ქვეყნებშიც დადის ხალხი ქელეხში საჭმელად :D

    მანქანებიანი ბიჭების პოპულარობა ხო საერთოდ მთელ მსოფლიოშია .. უყვარს ხალხს ფული და რა ქნან :D

    ესეთები მანამდე იარსებებენ სანამ ხალხი იარსებებს. ხალხი კი ყოველთვის იარსებებს. ასე რომ ვერაფერს ვიზამთ : )

  12. კიდევ მხოლოდ ქართველებს შეუძლიათ წერონ ესეთი პოსტები საკუთარ თავზე(ნუ თუ ქართველებად თვლიან თავს არ ვიცი…)შემდეგ სხვებმა იკითხონ და თან უხაროდეთ:D
    ისე მართლა მაინტერესებს ეგრე თეხავს ქართველობა?
    ყველა განსაკუთრებული და ზედმეტად კარგი როგორ არის ამ ქვეყნისთვის გადავირიე:Dჩვეულებრივ ადამიანს ვეღარ ნახავ ყველა ფილოსოფოსია და ყველას ბედმა დასცინა რომ ამ ქეყანაში გაჩნდა…..
    რავი მე მაინც არ მეპაზორება ქართველობა

    1. ნინონინო, ქართველობა რომ “მეპაზორებოდეს” საერთოდ დავიკიდებდი და არაფერს არ დავწერდი. უბრალოდ მინდა უკეთესი საზოგადოება იყოს, და ეს ცუდია? პროგრესი ცუდია? როდემდე უნდა ვიყოთ დეგერდირებული და საქართველოს იქით ვერ ვიხედებოდეთ?
      მე ქართველი ვარ და მინდა უკეთეს ქვეყანაში და რაც მთავარია უკეთეს საზოგადოებაში ვცხოვროვბდე.
      ეს არის და ეს…

  13. DEVI, იცი რა მაინტერესებს, რა არის კარგი მაგარი მობილური რომ აქვს ყველას და ანგარისისთვის ფული აღარ რჩებათ და მაგარ მანქანას რომ იყიდან და ბენზინის ფულისთვის მათხოვრობენნ… ეგ არის კარგი? და აჭრელებული რომ არის მთეეელი თბილისი პაპროტესტო გამოსვლებით?? არაფრის კულტურა ჩვენ არ გვაქვს… და იგივე პრობლემა ალბათ ყველა ქვეყანაშია, მაგრამ იქაური პრობლემები იქაურ ბლოგებზე გაარჩიონნნ….:P:P:P რახან სხვაც ცუდია, ამიტომ ჩვენც იგივე ნაირები უნდა ვიყოთ???????

  14. ქართველები მაინც მაგრები ვართ.
    და ამ პოსტის დამწერს კიდე უ გონია რომ რამეს გამოასწორებს ამითი შემცდარა.
    და თუ იცის რომ ვეღაფაერს გამოასწორებს რა საჭიროა ამდენი ძახილი ნაგვები ვართო?
    რავიცი რავიცი…

    1. კარგი, მაშინ ვიძახოთ “რაც კარგები ვართ – ქართველები ვართ!”.. და ქვეყანაც აშენდება….

      მე ამ პოსტით ჩემი აზრი გამოვხატე. That’s it !

  15. ჩემთბის მტკივნეული თემა – პირადი ჰიგიენის პრობლემა არ გიხსენებია ჩვენს ქვეყანაში, ზამთარ-ზაფხულ საზოგადოებრივ ტრანსპორტში ასული ვიგუდები, ყოველგვარი ირონიის გარეშე ვამბობ. თან ის მაოცებს უმეტესობას რომ არ აწუხებს აუტანელი სუნი და ფანჯრის გამოღება თუ დაიწყე, აქაოდა ცივაო შეიძლება ჩაგქოლონ…სანამ გლობალური პრობლემების მოგვარებას შევუდგებით, ჩემი აზრით ზოგადად პირადი კულტურა გვაქვს ასამაღლებელი…
    რაც შეეხემა იმას, რომ ქარველობა “პაზორია”, მოყვარეს პირში უძრახეო ხომ გაგიგონიათ…

  16. განწყობა მეცნო :)) და არ მეყო, კიდევ ბევრი რამაა რაც “აქ”-ით იწყება :)
    პოსტის პირველი ნაწილის შესავსებად: http://ekaterinaoniani.blogspot.com/2008/02/blog-post_10.html
    ხოლო მეორე ნაწილისთვის, ეს: http://ekaterinaoniani.blogspot.com/2009/02/home-sweet-home.html

  17. აუ იცით რა? ქართველების პლუსებზეც ილაპარაკეთ ეს ლანძღვა უკვე იქცა ტენდენციათ, არაა ყველა ისეთი როგორსაც შენ წერ რადგან შენ გვერდით დღეს დიდებული ქართველებიც დადიან და ნუ მიაყენებ მათ შეურაცხყოფას!!! მე რაღაცებში გეთანხმები თუმცა შენ თვითონ ხატავ ყველაფერს მუქად რა!!! საქართველო იყო არის და იქნება ყოველთვის ყველა ძლიერი ქვეყანა (და არა მთავრობა) საქართველოში ვაჟა ილია და აკაკი ერთად დადიოდნენ და ერთ ეპოქაში ქმნიდნენ საოცრებებს!!! ეს დაიმახსოვრეთ!!!

    1. და ილია და აკაკი წერდნენ “მოყვარეს პირში უძრახე”-ს პრინციპით და ბევრად უფრო მკაცრად :) უბრალოდ იმათ ჩვენზე “ცოტა” ნიჭიერად გამოსდიოდათ ეგ ამბავი და “იმ სიძულვილში ბევრი სიყვარული” იყო :)

  18. არამგონია ასე ცუდად იყოს საქმე შენს საქართველოში. “ნუ იკითხავ რა გამიკეთა ქვეყანამ, იკითხე შენ რა გაუკეთე ქვეყანას”. რა გადაეკიდე ხალხს რომელიც ქელეხს იხდის ან საწყალ აბიტურიენტს რომელიც უმაღლესში სწავლას პრესტიჟულად მიიჩნევს.
    მეც ვცხოვრობდი საქართველოს ფარგლებს გარეთ!!!! ვთვლი რომ ყველა ქვეყნის ძაგებაც შეიძლება და სიყვარულიც. მაგალითად გერმანელებს ახლოს თუ დაუკვირდები ბევრ ცუდ თვისებას აღმოუჩენ და საქართველოში წამოსვა ანუ დაბრუნება მოგინდება. ასეა.
    არ არსებობს იდეალური ერი. ჩვენც ვართ ჩვენთვის. როგორც გვესმის ადამიანობა იმგვარად ვართ ადამიანები. სამაგიეროდ ქართველები ცუდი ადამიანები არ არიან. ქართველებს არ ჩამოუგდიათ ბომბი სადმე და არც ტერორისტული აქტი მოუწყვიათ არსად. სხვა ერებს კი რამდენიც გინდა.
    ქართველები თუ უშავებენ ვინმეს რამეს ეს მხოლოდ საკუთარ თავს. კლასიკური სილამაზის და გულუბრყვილობის ხალხი ვართ.
    გიყვარდეს საქართველო. დაანებე თავი კრემატორიუმს. ქართველმა უნდა თავისი მიწა იგრძნოს.
    ვინ გვჯობს რეგიონში ერთი ეგ გვითხარი???? სომეხი თუ თურქი, რუსი თუ აზერბაიჯანელი?

    რატო გვადარებ ფრანგებს!!!! არ ვართ და არც ვიქნებით! ჩვენ პატარა ხალხი ვართ!!! შეცდომებს ვუშვებთ!!!! ცხარედ ვტირით. მერე ისევ იმედებით ვივსებით!!!!

    რავ ქნა ასეთია ჩვენი არაპრაგმატული მაგრამ უბოროტო ბუნება!!!!!

  19. არამგონია ასე ცუდად იყოს საქმე შენს საქართველოში. “ნუ იკითხავ რა გამიკეთა ქვეყანამ, იკითხე შენ რა გაუკეთე ქვეყანას”. რა გადაეკიდე ხალხს რომელიც ქელეხს იხდის ან საწყალ აბიტურიენტს რომელიც უმაღლესში სწავლას პრესტიჟულად მიიჩნევს.
    მეც ვცხოვრობდი საქართველოს ფარგლებს გარეთ!!!! ვთვლი რომ ყველა ქვეყნის ძაგებაც შეიძლება და სიყვარულიც. მაგალითად გერმანელებს ახლოს თუ დაუკვირდები ბევრ ცუდ თვისებას აღმოუჩენ და საქართველოში წამოსვა ანუ დაბრუნება მოგინდება. ასეა.
    არ არსებობს იდეალური ერი. ჩვენც ვართ ჩვენთვის. როგორც გვესმის ადამიანობა იმგვარად ვართ ადამიანები. სამაგიეროდ ქართველები ცუდი ადამიანები არ არიან. ქართველებს არ ჩამოუგდიათ ბომბი სადმე და არც ტერორისტული აქტი მოუწყვიათ არსად. სხვა ერებს კი რამდენიც გინდა.
    ქართველები თუ უშავებენ ვინმეს რამეს ეს მხოლოდ საკუთარ თავს. კლასიკური სილამაზის და გულუბრყვილობის ხალხი ვართ.
    გიყვარდეს საქართველო. დაანებე თავი კრემატორიუმს. ქართველმა უნდა თავისი მიწა იგრძნოს.
    ვინ გვჯობს რეგიონში ერთი ეგ გვითხარი???? სომეხი თუ თურქი, რუსი თუ აზერბაიჯანელი?

    რატო გვადარებ ფრანგებს!!!! არ ვართ და არც ვიქნებით! ჩვენ პატარა ხალხი ვართ!!! შეცდომებს ვუშვებთ!!!! ცხარედ ვტირით. მერე ისევ იმედებით ვივსებით!!!!

    რავ ქნა ასეთია ჩვენი არაპრაგმატული მაგრამ უბოროტო ბუნება!!!!!

  20. ღმერთს მადლობას ვუხდი რომ ასეთი ბლოგი ვიპოვე. ძალიან სასტიკი რეალობაა, მაგრამ სამწუხაროდ ასეა, გერმანიიდან ეხლა ჩამოვედი და ვნანობ რომ დავბრუნდი. რომ ჩამოვედე ცას ავხედე და ვიფიქრე რომ გერმანიასაც და საქართველოსაც ერთი ცა აკრავს… მაგრამ რატომღაც თითქოს საქართველოს ცა ნაცრისფერი მეჩვენა, და მის ქვემოთ საქართველო კი თითქოს მაღალი ღობით შემოღობილი, გასვლა შეუძლებელი… აჰ… რაც ყველაზე მნიშვნელოვანია საკუთარი თავის გამოხატვის თავისუფლება არ გაქვს, შენ ეს ქვეყანა გზღუდავს იყო ის, ვინც შენ გინდა. ხალხი ერთმანეთს დასცინის ზურგს უკან და პირში უცინიან… დღე და ღამე ფიქრობენ იმაზე თუ “სხვა” რას ფიქრობს და ჩამოყალიბებულ ტენდენციებს მიყვებიან. და ვინც განსხავებულია, მეორენაირად რომ ვთქვათ “გაევროპებული”, ისე უყურებენ თითქოს უცხოპლანეტელი ჩამოვიდა. დედაჩემის სამსახურში რომ ვიყავი, cv-ები დავათვალიერე, ერთერთი დიდი კომპანიაა და ველოდი რომ საინტერესო cv-ებს ვნახავდი, მაგრამ რომ წავიკითხე ზოგს რომ “სამხატვრო” რომ ქონდა დამთავრებული ან “აგრონომიული” და ინგლისურზე რომ ან moderate ან არაფერი რომ ეწერათ, ასეთი ხალხი მაღალ თანამდებობებზე დაინიშნენ. რატომ? იმიტომ რომ ან ცენტრების უფროსის ბიძაშვილია ერთი, ან მეორე ვიღაცის ნაცნობი. მაგრამ ყველაზე გასაოცარი ის არის რომ ქართველები ქართველობას ლანძღავენ, არადა ლანძღვას რომ დაამთავრებენ, ზუსტად ისე აგრძელებენ ცხოვრებას, როგორც წუთების წინ საუბარში მიწამდე დაიყვანეს. აჰ, ჯობია მოვრჩე ამაზე ლაპარაკს, ან საკუთარი ბლოგი გავაკეთო ამ თემასტან დაკავშირებით…

  21. საინტერესო შენიშვნებია და საუბედუროდ სიმართლეც არის,მაგრამ ზოგადად ქართველობას ნუ ესვრით ნეხვსა და ტალახს….კარგი და ცუდი ყველგან არის და რა ვუყოთ რომ ისინი უფრო აჩენენ თავიანთ სიმყრალეს……..

Leave a Reply