#2: დააკვირდით სტატისტიკას

მოგესალმებით ყველას, ვინც ჩემს პროექტში – “30 პროფესიონალური გაკვეთილი ბლოგერებს” – მონაწილეობის მიღება გადაწყვიტა.

პირველი გაკვეთილი შეგიძლიათ ამ ბმულზე იხილოთ: #1: პრეზენტაცია ლიფტისთვის

Clip Art Graphic of a Pink Guy Characterდღეს წარმოგიდგენთ მეორე თემას და დავალებას, რომელიც სტატისტიკას და მის ანალიზს შეეხება.

სანამ პრაქტიკულ დავალებაზე გადავალთ, პირველ რიგში თეორია გავიაროთ და ჩამოვთვალოთ ის ძირითადი მაჩვენებლები, რომლებსაც უნდა მიაქციოთ ყურადღება ბლოგის სტატისტიკურ მონაცემებში:

1. უნიკალური ვიზიტორების რაოდენობა

მნიშვნელობა: ყველაზე მნიშვნელოვანი მაჩვენებელი. იგი გვიჩვენებს თუ რამდენი განსხვავებული IP დაფიქსირდა ბლოგზე ერთი დღის განმავლობაში.

როგორ გავიგოთ: უნიკალური ვიზიტორების შეტყობა შეგიძლიათ Top.ge-ს მთვლელიდან ან Google Analitycs-დან.

2. გვერდების ნახვების რაოდენობა

მნიშვნელობა: რამდენი გვერდი დაათვალიერეს დღის/კვირის/თვის განმავლობაში.

როგორ გავიგოთ: Google Analitycs და Top.ge

3. გვერდების ნახვა ერთ უნიკალურ ვიზიტორზე

მნიშვნელობა: გვერდების მთლიანი ნახვები (დღის განმავლობაში) გაყოფილი უნიკალური ვიზიტორების რაოდენობაზე (დღის განმავლობაში)

როგორ გავიგოთ:  Google Analitycs და Top.ge

4. Bounce Rate

მნიშვნელობა: გვიჩვენებს ვიზიტორების რამდენი პროცენტი ტოვებს საიტს დამატებითი გვერდების გაუხსნელად. მაგალითად ჩემი bounce rate არის 60%. ეს იმას ნიშნავს რომ ვიზიტორების 60% ბლოგზე შემოსვლისას ნახულობს მხოლოდ იმ გვერდს სადაც შემოვიდა და ეგრევე გადის სხვა დამატებითი გვერდების უნახავად. რაც უფრო დაბალია ეს % მით უფრო კარგია ეს ბლოგისთვის.

როგორ გავიგოთ: Google Analitycs

5. ყველაზე პოპულარული გვერდები

მნიშვნელობა: გვერდები რომელთაც ყველაზე ხშირად ათვალიერებენ ვიზიტორები. ეს გიჩვენებთ თუ რა კონტენტია მოტხოვნადი და საინტერესო მკითხველისთვის.

როგორ გავიგოთ: Google Analitycs და Top.ge

6. რეფერალი ბმულები

მნიშვნელობა: გვიჩვენებს თუ საიდან შემოდიან უმეტესად ვიზიტორები. ჩემთან უმეტესად Top.ge-დან და Facebook-იდან შემოდიან. თქვენთან შესაძლოა სხვა საიტებიდან უფრო ხშირად შემოდიოდნენ. ამ მაჩვენებლის დაკვირვება ნათელს ხდის თუ სად უნდა არეკლამოთ აქტიურად თქვენი ბლოგი.

როგორ გავიგოთ: Google Analitycs და Top.ge

გაფრთხილება!

არ გადაიქცეთ სტატისტიკის ხამად. ახალი ბლოგერების უმეტესობას უდგება პერიოდი, როდესაც ისინი თავიანთი ბლოგის სტატისტიკას ყოველ საათში ამოწმებენ. ეს ნორმალური მოვლენაა მაგრამ დროთა განმავლობაში ბევრ დაკარგულ დროს უდრის.

სტატისტიკის ყოველწუთიერ შემოწმებას გირჩევნიათ ახალი, სასარგებლო და საინტერესო პოსტების დაწერაში დახარჯოთ დრო.

პრობლოგერი იძახის რომ სტატისტიკას დღეში 2-3-ჯერ ვამოწმებო და ისიც მხოლოდ ტრაფიკსო (ანუ უ.ვ.-ებს და გ.ნ-ებს).  მეც ზუსტად სამჯერ ვამოწმებ Top.ge-ს მთვლელს: დილით როცა ვიღვიძებ, შიადღისას საქმე რომ არაფერი მაქვს და საღამოს როცა ახალ პოსტს ვწერ.

პრაქტიკული დავალება:

მინდა ამ კვირის განმავლობაში გაარკვიოთ და ჩაინიშნოთ ზემოთ ჩამოთვლილი მონაცემები და გაიმეოროთ ეს პროცესი ყოველი თვის ბოლოს.

Top.ge-ს მთვლელის დაყენების ტუტორიალი დაწერილი მაქვს.

რაც შეეხება Google Analytics-ს, შეგიძლიათ გუგლის Help Group-ები გამოიყენოთ ან კონკრეტული შეკითხვები დამისვათ ვიდრე ტუტორიალი გაჩნდებოდეს.

ინგლისურ ენაზე შეგიძლიათ აქ ნახოთ შესაბამისი ტუტორიალი.

კურსის ბოლოს ყველამ დავწეროთ სტატისტიკის რაპორტი ამ მაჩვენებლების შესახებ.

დავალების ჩემი ვერსია:

ამ წუთას ჩემი ბლოგის სტატისტიკური მონაცემები შემდეგნაირია

უ.ვ./დღეში – საშუალოდ 386 (წყარო Top.ge & Google Analitycs)

გ.ნ./დღეში – საშუალოდ 900

გ.ნ/უ.ვ2.13 (Google Analitycs )

BR63% (Google Analitycs )

P.S. ვისაც სურს გამოიწეროს პოსტები RSS-ით მხოლოდ ამ კურსისთვის გამოიყენეთ შემდეგი ბმული:

30 Weeks (RSS) | 30 Weeks (for GReader)

31 Comments

  1. შენ კი ყველაფერს მშვენივრად და დაწვრილებით განმარტავ, მაგრამ მე ვარ აშკარად გონებაშეზღუდული!
    ძალიან მადლობელი ვარ შენი, შენ რომ არა, საერთოდ ვერ შევქმნიდი ბლოგს და ზოგადად ახლებურად არ შევხედავდი უამრავ რამეს. გაიხარე!

      1. მარი, Google Analytic-ze დავრეგისტრირდი, კოდიც მომცა, მაგრამ ვორდპრესში მაგის ჩასმა სად უნდა ვერ მივხვდი კარგად. აქ რომ CSS შეცვალო, ფული ღირს და ეგ ხომ არ მჭირდება? თუ ვცდები?

            1. თაზო ეგ მეც დავაყენე და ბლოგზე არ გამოჩნდება მარტო შენს dashboardze. თუ მაფის დაყენება გინდა სხვა საქმე ა:)

  2. პირველი ჩაინიკი მოვედი :D

    ანუ, კვირის ბოლოს დავდოთ ერთხელ სტატისტიკა, ხომ?

    1. იქითა ორშაბათამდე დააკვირდი შენს სტატებს და პირველი 4 მონაცემი დადე. თუ ქაუნთერები დაყენებული არ გაქვთ დააყენეთ.

      ანუ ეს ერთი კვირა მაგისთვისაა. სტატისტიკის მოსაწესრიგებლად და ქაუნთერების დასაყენებლად.

      Google Analytics-ს ყველას ვურჩევ!

  3. ვაჰ, საინტერესო დავალებაა! : ))

    პ.ს აი, თავიდან ვინც ვერ შემოგიერთდათ, შეიძლება რომ შუიდან დაიწყოს? :user:

    პ.პ.ს სექტემბერში რაღაც სიახლე რომ უნდა ყოფილიყო, ეს არის თუ კიდევ სხვა რამეა? :)

    1. კიდევ სხვა რამე იქნება ;)

      ხოდა შემოგვიერთდი. წინაც დაწერე ოღონდ და დაგვაწიე… ;)

  4. ააჰ, მაშინ მუზას უნდა დაველოდო, ერთხელ ვიცი ძალიან მენდომება და ყველაფერს დავწერ :)

  5. რავი მეც გავაკეთე მგონი ეს დავალება მთვლელები დავაყენე ასე თუ ისე ვაკვირდები სტატისტიკას :) ხოდა ერთი რაც ვერ გავიგე უნიკალური მნახველები რას ნიშნავს? :)))))))))))

  6. უ.ვ./დღეში – საშუალოდ 85-88 ადამიანი
    გ.ნ./დღეში – საშუალოდ 113
    გ.ნ/უ.ვ – 1.32
    BR – ვერაფერი გავიგე როგორ უნდა ვიჩალიჩო

    წყარო Top.ge

    მეორე გაკვეთილიც შევასრულე :)

  7. მე არ მჭირდება არც top.ge_ს მთვლელი და არც google_ს.. ისეტი მაგარი ვარ რომ მეც ვიცი :))=)) სულ მყავდა 2 სტუმარი ბლოგზე :))=)):))=))

  8. აუფ ასეთი დაგვიანებული რატო ვარ რაა.. :შ
    ტოპ.გეს მთვლელი დავაყენე ეგ ისედაც ვიცოდი მარა დანარჩენები როგორ გავიგო?

Leave a Reply

This site uses Akismet to reduce spam. Learn how your comment data is processed.