2008 წლის მარტში LSPR-ში ჩავაბარე.

ამის შესახებ პოსტიც მეწერა, თუ როგორ მოვიგე კოსმოპოლიტენის კონკურსში 50%-იანი დაფინანსება, როგორ გამოვთხოვე დედაჩემს დანარჩენი 50% და როგორ გავხდი სტუდენტი კიდევ ერთხელ, ოღონდ ამჯერად მხოლოდ და მხოლოდ 6 თვით.

6 თვის შემდეგ როდესაც საბოლოო გამოცდა ჩავაბარეთ და პროექტიც გაგზავნილი გვქონდა ლონდონში, სერტიფიკატები უნდა აგვეღო, მაგრამ გვითხრეს სექტემბერში ჩამოვა სერტიფიკატებიო.

როგორც ჩანს ცოტა კიდევ დააგვიანა ჩვენმა ნანატრმა სერტიფიკატებმა და ერთი კვირის წინ იმეილზე მივიღე მოსაწვევი საკუთარ Graduation ცერემონიალზე.

მოსაწვევი

მართალია მოსაწვევი ცოტა რთულად იკითხებოდა, მაგრამ ჩემმა სიხარულმა გადაფარა ეს ლაფსუსი.

ჩემი გონება უკვე ჩაძირული იყო გარდერობის გადახარისხებაში და ფიქრებში – ”ისე გავსუქდი, აღარაფერში ჩავეტევი!”

საბოლოოდ რაღაცაში მაინც ჩავეტიე. (მადლობა კოტეს დედას! )

Outfit

სამწუხაროდ  ცერემონიალს ჩვენი ჯგუფიდან მხოლოდ ხუთი ადამიანი ესწრებოდა. (ალბათ იმიტომ რომ ღონისძიება შუა კვირაში, ხუთშაბათ დღეს იყო დანიშნული)

სერთიფიკატების გადაცემისას კოტე მიღებდა ფოტოაპარატით. თეონამ (LSPR-ის PR მენეჯერი) ისე მაღალფარდოვნად წარმადგინა, გავწითლდი. (დაახლოებით ეს ეპითეტები გამოიყენა, ”ყველაზე პოპულარული ბლოგერი”, ”ქართული ბლოგოსფეროს დედა”, ”ბლოგინგის ექსპერტი” და ა.შ.)

თეონა აცხადებს ჩემს ”ტიტულებს”

გადაცემა

Showing Off

”სერტიფიცირების” შემდეგ საღამოს შედარებით ”გემრიელი” და ”არა-მშრალი” ნაწილი დაიწყო – ანუ ალაფურშეტი!

ალაფურშეტი

ცერემონიალი ბაგრატიონი 1882-ის დარბაზში შედგა და სტუმრებს უგემრიელესი ნაევრად-ტკბილი ”ბაგრატიონი”-ს შამპანურით გაგვიმასპინძლდნენ.

(მე პირადად ის შამპანური იმდენად მომეწონა, რომ საახალწლოდ ”ბაგრატიონის” ჯაკუზს მოვიწყობ!)

ალაფურშეტი ამ (უგემრიელესმა) ტორტმა დახურა.

ტორტი

ესეც შემთხვევითი ფოტოები

ძალიან ვარდისფერი ნამცხვარი

კოტე-ბოტე

გიორგი, თამილა, ანკა, სოფო

გიორგის თვალები დავუპიქსელე, რაღაც დახუჭულივით ჰქონდა…