ამ გაკვეთილის მიზანია, დაგანახოთ თუ რატომ არის რევიუ-პოსტები პოპულარული მკითხველებში და როგორ იწერება კარგი რევიუ-პოსტი.

დარწმუნებული ვარ ყველა თქვენგანმა იცის რა არის review (ანუ მიმოხილვა).

ასევე დარწმუნებული ვარ, რომ ბევრ თქვენგანს არაერთხელ დაუწერია რევიუ-პოსტი. ზოგი კი მხოლოდ მიმოხილვების წერით შემოიფარგლება. ასეთი ბლოგის ნათელი მაგალითია  ნიკა ესებუას (იგივე ლეონარდ შელბი) ბლოგი – Faukclub.

მეც არა ერთხელ დამიწერია რევიუები და მათ უზარმაზარი გამოხმაურებაც მოჰყოლია. ხანდახან იმასაც ვფიქრობ, უფრო ხშირად რომ ვწერო მიმოხილვითი პოსტები, ჩემი მკითხველების რაოდენობა გაცილებით სწრაფად გაიზრდებოდა.

ჩემი რევიუ-პოსტები (რაც მახსენდება):

• სექსუალური რევოლუცია და შორენას ღამეები
• როგორ აშტერებენ ჯეო-გადაცემები ქართულ საზოგადოებას
• ბოლოს ნანახი 5 ფილმი: SUCK’s and RULE’s
• Gossip Girl: Review

რა სარგებლობა მოაქვს რევიუებს მკითხველისთვის?

ამ გაკვეთილების განმავლობაში ალბათ ხშირად მიხსენებია, რომ თუ გსურთ გყავდეთ ბევრი მკითხველი და იყოთ წარმატებული ბლოგერი, უნდა წეროთ მკითხველისთვის სასარგებლო და გამოსადეგ თემებზე.

ინტერნეტში მოხეტიალე ძალიან ბევრი ადამიანი ეძებს რჩევებსა და განხილვებს ამა თუ იმ პროდუქტისა და მომსახურების შესახებ.

შეიხედეთ თქვენი გუგლის საძიებო ტერმინებში. იქ აუცილებლად აღმოაჩენთ თუ რას ეძებდა თქვენი მკითხველი და რა თემები აინტერესებს მას. შემდეგ კი განავრცეთ ეს თემები და დაწერეთ მიმოხილვითი პოსტები.

გარდა რჩევის მიცემისა, თქვენ აჩვენებთ მკითხველს რომ გაგაჩნიათ საკუთარი აზრი ამა თუ იმ საკითხთან დაკავშირებით. რაც მას თქვენდამი პატივისცემის გრძნობას უჩენს.

შესაძლოა, გარკვეული პერიოდის მერე, რომელიმე კონკრეტულ სფეროში Opinion Leader-ადაც ჩამოყალიბდეთ, აი, მაშინ კი ჩათვალეთ, რომ პოპულარობისა და წარმატების 70-80% უკვე მიღწეული გაქვთ.

რა უნდა ქნათ, თუ მიმოხილვები თქვენს ბლოგის ფორმატს არ შეესაბამება?

ასეთი რამ არ არსებობს. მთავარია საკითხს მიუდგეთ კრეატიულად.

არ არსებობს ბლოგი, რომელსაც ჰყავს მკითხველი და ეს მკითხველი რაღაც გარკვეულ ნიშას არ შეადგენს. მთავარია განსაზღვროთ, თუ ვინ კითხულობს თქვენს ბლოგს. რა აინტერესებს მათ და რას მოელიან ისინი თქვენგან.

ცოტაოდენი იდეები რევიუ-პოსტებისთვის:

• წიგნის მიმოხილვა
• ისეთი ფილმის ან სატელევიზიო გადაცემის მიმოხილვა, რომელიც თქვენი ბლოგის აუდიტორიისთვისაა გამიზნული
• თქვენს ნიშაში არსებული სხვა ვებსაიტის/ბლოგის მიმოხილვა
• სტატიის მიმოხილვა რომელიმე ჟურნალიდან ან ვებსაიტიდან
• თქვენს ნიშასთან დაკავშირებული რაიმე ხელსაწყოს,  მოწყობილობის ან აღჭურვილობის მიმოხილვა
• თუ ბლოგი საჭმლის შესახებ გაქვთ, რომელიმე რესტორანი მიმოიხილეთ
• თუ ბლოგი მოგზაურობის შესახებ გაქვთ, ტურისტული სააგენტო, სასტუმრო ან ავიახაზები მიმოიხილეთ.
• თუ ბლოგი მოდის შესახებ გაქვთ, რომელიმე ცნობილი ადამიანის ჩაცმულობა მიმოიხილეთ
• თუ ბლოგი პოლიტიკის შესახებ გაქვთ, რომელიმე პოლიტიკოსის წარმოთქმული სიტყვა მიმოიხილეთ
• თუ ტექნიკური ბლოგი გაქვთ, მიმოიხილეთ რომელიმე გაჯეტი
• თუ თქვენი ბლოგი ხელოვნება ეხება, რომელიმე გამოფენა იმოიხილეთ
• თუ თქვენი შვილების შესახებ წერთ, თქვენს აუდიტორიას სათამაშOების მიმოხილვა დააინტერესებს
• თუ ბლოგზე მუსიკას ეხებით, რომელიმე მუსიკალური ინსტრუმენტის მიმოხილვა შეგიძლიათ და ა.შ.

როგორ დავწეროთ ეფექტური რევიუ-პოსტი?

1. გამოხატეთ თქვენი აზრი – მკითხველი მიმოხილვას იმიტომ კითხულობს, რომ თვითონ ადვილად მიიღოს გადაწყვეტილება ამ საკითხის შესახებ. სწორედ ამიტომ – დაეხმარეთ მას! ეს თქვენს მკითხველებს დაანახებს, შეგიძლიათ თუ არა ნამდვილად სასარგებლო რჩევების მიცემა.
2. მიანიჭეთ რეიტინგი – როდესაც მკითხველი რიცხვებით გამყარებულ მოსაზრებას კითხულობს, უფრო ადვილად იაზრებს და ეხმაურება მას. მაგალითად, ფილმების მიმოხილვის დროს მე ვიყენებ საკუთარ მოგონილ რეიტინგს და ყოველ ახალ პოსტში ამ რეიტინგს ვიყენებ ამა თუ იმ ფილმის შესაფასებლად. რამდენჯერმე მოხდა ისე, რომ მკითხველმა კომენტარში თავისი აზრი ჩემი მოგონილი რეიტინგის საშუალებით გამოხატა. ეს რეიტინგი გახდა ჩემს ბლოგზე შეფასების და კომუნიკაციის კიდევ ერთი სისტემა.
3. დააბალანსეთ მოსაზრება – თქვენი აზრის გამოხატვა არ ნიშნავს იმას, რომ შეუძლებელია დაბალანსებული რევიუ-პოსტის დაწერა. საერთო ჯამში, მკითხველისთვი ისეთი პოსტები უფროა საინტერესო, სადაც განსახილველი საგნის როგორც პოზიტიური, ისე ნეგატიური მხარეებია დაფიქსირებული.
4. იფიქრეთ გასაღებ სიტყვებზე – წერის დროს იფიქრეთ იმ სიტყვებზე ან ფრაზებზე, რომლებსაც თქვენი მკითხველები საძიებო სისტემებში ჩაწერენ ამ მიმოხილვის მოსაძებნად. განსაკუთრებით ხშირად იძებნება სიტყვები “პრობლემა”, “მიმოხილვა”, “ფასი”. ასევე ტექსტში რამდენჯერმე აუცილებლად ახსენეთ იმ “პროდუქტის” სახელი რაზეც წერთ, განსაკუთრებით კი სათაურში. ეს იმას არ ნიშნავს, რომ პოსტი გასაღები სიტყვებით გადაჭედოთ, (არ დაივიწყოთ, რომ პირველ რიგში თქვენი პოსტები ადამიანებისთვისაა და შემდეგ Google-ის რობოტებისთვის) მაგრამ მაინც ცოტაოდენი დაფიქრება გმართებთ ტექსტის უკეთესი SEO-სთვის.
5. მოიყვანეთ შედარებები – წარმოიდგინეთ პოსტი “ყველა დროის საუკეთესო სერიალი – „სექსი დიდ ქალაქში“” და მეორე პოსტი – “„სექსი დიდ ქალაქში“ „სასოწარკვეთილი დიასახლისები“-ს წინააღმდეგ!”. თქვენი აზრით, რომელს ექნება უფრო მეტი გამოხმაურება? რა თქმა უნდა მეორეს! რატომ? იმიტომ, რომ პირველ პოსტში მხოლოდ ერთი სერიალია განხილული და ისიც – პოზიტიური თვალსაზრისით. მეორე კი – მკითხველს დისკუსიის თავისუფლად განვითარების საშუალებას აძლევს. დანარჩენი თავად განსაჯეთ…
6. ხაზი გაუსვით, თუ ვისთვისაა ეს პროდუქტი – მკითხველი ყოველთვის სვამს შეკითხვას – „ეს მე გამომადგება?“. შესაბამისად თქვენგან მოითხოვს ახსნა განმარტებას, თუ ვისთვისაა ის, რაზეც თქვენ საუბრობთ. მიუთითეთ ასაკი, სქესი, წლიური შემოსავალი ან თუნდაც ოჯახური მდგომარეობა. მაგალითად, „ეს შესანიშნავი ელექტრო საპარსია 45 წელს გადაცილებული, ცოლს ახლახანს გაშორებული, ქილვაშ-შეჭაღარავებული მამაკაცებისთვის, რომლებიც ცხოვრობენ საბურთალოზე, ორ ოთახიან ბინაში (მიშენების პერსპექტივით).“ ასევე კარგი იქნება თუ დაწერთ, თქვენ თვითონ გამოიყენებდით თუ არა ამ პროდუქტს და როგორ.
7. შეინარჩუნეთ პირადი ტონი – მკითხველის პრობლემას უფრო მეტად გამოეხმაურება, ისეთ პოსტი რომელშიც საკუთარ ისტორიას მოყვებით და აღწერთ თუ რა სარგებელი/უსიამოვნება მოგიტანათ ამა თუ იმ პროდუქტმა. ნამდვილი ისტორიები ყოველთვის უფრო ადვილი დასაჯერებელია და გადაწყვეტილების მიღებაში უფრო მეტად ეხმარება გზააბნეულ ადამიანს.
8. გამოიყენეთ ვიზუალური მასალა – ისევ და ისევ, ფოტო, ვიდეო, აუდიო მასალა, სკრინშოტები, დიაგრამები, ყველაფერი რაც მკითხველს პროდუქტის ან მისგან მიღებული სარგებელის ვიზუალიზაციაში დაეხმარება უდავოდ დიდ გამოხმაურებას ჰპოვებს.
9. დეტალურად აცნობეთ მკითხველს, თუ სად შეიძლება ამ “პროდუქტის” შეძენა – თუკი რაიმეს აქებთ, მკითხველმა უნდა იცოდეს სად არის ეს რაღაც, რათა იყიდოს ან მიიღოს. თუკი რაიმეს ლანძღავთ, მკითხველმა მაინც უნდა იცოდეს, რათა მოერიდოს. ნებისმიერ შემთხვევაში დეტალური ინფორმაცია საჭიროა.

დავალება

1. ერთი კვირის განმავლობაში დაწერეთ რევიუ-პოსტი თქვენთვის სასურველ თემაზე.
2. გაგვიზიარეთ პოსტის ბმული კომენტარებში.

Related Posts

1. #3: ლისტ-პოსტი
2. 30 გაკვეთილი
3. #1: “პრეზენტაცია ლიფტისთვის”

ეს არის მეათე გაკვეთილი კურსიდან 30 გაკვეთილი პროფესიონალური ბლოგინგისთვის

დღევანდელი თქვენი დავალებაა შექმნათ პოსტი/გვერდი სადაც ჩამოთვლილი იქნება თქვენი ბლოგის პოსტები სხვადასხვა თემების ან კატეგორიების მიხედვით.

თემას არ აქვს მნიშვნელობა. მთავარია რომ ეს პოსტები ბლოგზე მოხვედრილ მკითხველს გამოადგება და მათ ბლოგის სიღრმეებში ჩაძირავს, აიძულებს უფრო ძველი და რთულად საპოვნელი პოსტები ამოქექონ და წაიკითხონ.

არსებობს სასარგებლო გევრდის რამდენიმე ტიპი:

• თემატური სასარგებლო გევრდი – მაგალითი: დამხმარე პოსტები ბლოგიდან Sweet.ge; დამხმარე პოსტები კიკიტოს ბლოგიდან;
• სერიული პოსტების სასარგებლო გვერდი – მაგალითი: 30 გაკვეთილი
• დროის მიხედვით დაკავშირებული პოსტების სასარგებლო გვერდი – ასეთი გევრდი ჯერ არ მაქვს შექმნილი ამ ბლოგზე მაგრამ უახლოეს მომავალში შევქმნი. დროის მიხედვით დაკავშირებული პოსტებია წელიწადის/თვის/კვირის ერთი და იგივე მონაკვეთში დაწერილი პოსტები. მაგალითად “საზაფხულო პოსტები”, “სეზონის საუკეთესო პოსტები”, “წლის ყველაზე პოპულარული ოცეული” და ა.შ.

მაგალითები პრობლოგერის ბლოგიდან:

• How to Make Money Blogging
• How to Find Readers for Your Blog
• How to Write Great Blog Content
• Search Engine Optimization for Bloggers
• Using Social Media Sites to Grow Your Blogs Traffic

რატომ უნდა გააკეთოთ ეს?

სასარგებლო გვერდს სასარგებლო იმიტომ ჰქვია რომ მას ყველასთვის სარგებელი მოაქვს:

1. კარგად ჩანს ბლოგის არქივი – ძველი, კარგი პოსტების მოძებნა გაცილებით ადვილია

2. გეხმარება საძიებო სისტემებისთვის ოპტიმიზაციაში – გუგლი უფრო ადვილად აინდექსირებს არქივებში ჩაძირულ პოსტებს.

3. იზიდავს მკითხველს და მოტივაციას უჩენს მას, რეგულარულად შემოიხედოს თქვენს ბლოგზე სასარგებლო კონტენტის წასაკითხად.

გააპიარეთ სასარგებლო გვერდი

მსგავსი სასარგებლო გვერდების გაპიარება სოციალურ მედიაში უფრო მეტ მკითხველს შეგძენთ ვიდრე – ბლოგის მთავარი გვერდისა, რადგან როგორ უკვე ავღნიშნე, მსგავსი პოსტების ნაკრები უფრო ადვილად გაარკვევს ახალ მკითხველს ბლოგის სტრუქტურაში და აიძულებს მას ძველი პოსტების წასაკითხად კიდევ და კიდევ დაბრუნდეს ბლოგზე.

დავალება:

შექმენით სასარგებლო გვერდი და განათავსეთ მისი ლინკი გამოსაჩენ ადგილას. შეგიძლიათ საქმეს კრეატიულად მიუდგეთ და პატარა ბანერიც გააკეთოთ, რომელიც თვალს ლინკზე მეტად მოიტაცებს.

სასარგებლო გვერდების ლინკები როგორც ყოველთვის კომენტარებში გამოუშვით!

Related Posts

1. #2: დააკვირდით სტატისტიკას
2. #9: გადაჭერი მკითხველის პრობლემა
3. 30 გაკვეთილი

ეს არის “30 პროფესიონალური გაკვეთილი ბლოგერებისათვის” კურსის სტუდენტების რეიტინგი.

ვისაც ჯერ არ დაგიწყიათ დავალებების კეთება – შეგიძლიათ ამ წუთიდან შემოგვიერთდეთ.

გახსოვდეთ რომ პირველი სამი ადგილი საპრიზოა!

ვინც 30 გაკვეთილის დასრულებისას მოიპოვებს ამ საპრიზო ადგილებს, მათ სასიამოვნო საჩუქრები ელით

მაშ ასე!

მერვე კვირის შედეგები სტუდიაში!

• კიკიტო – 24 ქულა
• Meloholica – 19 ქულა
• თაა – 19 ქულა
• Chaotic – 18 ქულა
• Angeldilo – 15 ქულა
• ლილიანი – 14 ქულა
• Kate_Alukard – 11 ქულა
• Killer – 6 ქულა
• vasasi -6 ქულა
• ნატოშა – 3 ქულა
• ირინა_ქ – 3 ქულა
• რაჭველა – 3 ქულა
• Mr.Picasso – 3 ქულა
• Supernatural – 3 ქულა
• Alice – 2 ქულა
• უტვინო – 2 ქულა

თქვენ შეგიძლიათ გადმოიწეროთ Excel-ის ცხრილი (სადაც მაქვს დათვლილი ქულები).

თუ რომელიმე დავალება გამომრჩა და არ არის ცხრილში შეტანილი მომწერეთ კომენტარებში და გამოვასწორებ!

კიდევ ერთხელ ვამახვილებ თქვენს ყურადღებას იმ ფაქტზე, რომ თუ არ გაგიკეთებიათ არცერთი დავალება – ჯერ კიდევ არ არის გვიანი.

დაიწყეთ ახლავე – 30 პროფესიონალური გაკვეთილი ბლოგერებს

Related Posts

1. რეიტინგები
2. ქულების სისტემა ჩვენს გაკვეთილებში
3. განახლებული ქულები

ეს გახლავთ რიგით მეცხრე გაკვეთილი პოსტების სერიაში 30 გაკვეთილი პროფესიონალური ბლოგინგისთვის.

თეორია

დღევანდელი თქვენი გაკვეთილი ეხება, მკითხველისთვის პრობლემის გადაჭრას.

ამ ‘დავალებას’ ბევრი წარმატებული ბლოგერი ყოველდღიურად თავისი სურვილით ასრულებს.

მათი მოტივაციაა:

1. მკითხველებზე შთაბეჭდილების მოხდენა
2. მკითხველების მოტივირება მეორედაც დაბრუნდნენ ბლოგზე
3. მკითხველების მოტივირება გაავრცელონ ბლოგი მეგობრებში

პრობლემების აღმოჩენის 6 მეთოდი

1. გადაჭერით საკუთარი პრობლემები

მშვენივრად მოახერხა ეს ჩვენმა მეგობარმა ბლოგერმა – კიკიტომ, როდესაც დაწერა პოსტი Email Me from Blogger.

კიკიტოს გაუჩნდა სურვილი გაეკეთებინა ბლოგის sidebar-ში ისეთი ბმული რომელზე დაწკაპუნებითაც მკითხველი პირდაპირ მისწერდა მას იმეილს.

ვინაიდან არ იცოდა, თუ როგორ კეთდებოდა ეს, სავარაუდოდ დაგუგლა, გაარკვია და გახარებულმა დეტალური პოსტიც დაწერა, რათა საყვარელი მკითხველებისთვის გაეზიარებნა თავისი აღმოჩენა.

(ამის მერე კიკიტომ კიდევ ორი “პრობლემატური” პოსტი დაწერა და საერთოდაც, მომავალში ბევრჯერ უნდა ვახსენო “კიკიტოს ქეისები”, როგორც ერთ-ერთი ყველაზე საუკეთესო, ნიჭიერი და მზარდი ბლოგერის, მაგრამ – ეგ მომავალში…)

როდესაც პრობლემა გაქვთ, სავარაუდოდ მარტო არ ხართ და იგივე პრობლემა შესაძლოა ბევრ სხვასაც აწუხებდეს ამიტომ არ დაიზაროთ თქვენი პატარ-პატარა “ტექნიკური” თუ “თეორიული აღმოჩენების მკითხველებისთვის გაზიარება.

2. დააკვირდით შეკითხვებს საძიებო სისტემების რეფერალ სიტყვებში

თუ თქვენ შესრულებული გაქვთ წინა დავალება “დააკვირდით სტატისტიკას“, აუცილებლად გექნებათ ბლოგზე Google Analytics-ის კოდი ჩასმული.

Google Analytics გვაძლევს სრულ ისტორიას თუ ვინ რა სიტყვა/ფრაზა გამოიყენა ჩვენი საიტის საპოვნელად.

ჩემი ბლოგის საძიებო სიტყვებში ჩანს ასეთი რეზულტატი:

როგორ ვიშოვოთ ფული  – 9

რაც იმას ნიშნავს რომ ჩემმა მკითხველებმა ბოლო ერთი თვის განმავლობაში 9-ჯერ იპოვეს ჩემი ბლოგი ამ ფრაზით.

რაც ასევე იმას ნიშნავს რომ მომიწევს ამ თემაზე პოსტის გამოცხობა

ასევე შემხვდა საძიებო სიტყვა:

ოთახის მოწყობა, ყველაზე კარგი ფერები

რაც ჩემს ერთი პერიოდის ფენ-შუითი გატაცებას უნდა დავაბრალო, მაშინ ვწერდი სახლის მოწყობაზე და როგორც ხედავთ Google-მა არ მაპატია.

3. სთხოვეთ მკითხველებს დაგისვან შეკითხვები

ალბათ თვალი მოგიკრავთ ჩემს ბლოგზე გვერდისთვის ”მკითხე!” ეს გვერდი 2008 წელს შევქმენი და მართალია ბოლო თვეებში ცოტა მიგდებული მაქვს, მაგრამ ის ისევ მუშაობს და თქვენ ყველას შეგიძლიათ დამისვათ შეკითხვები ნებისმიერ თემაზე.

მაგრამ ყველაზე სასარგებლო ამ ისტორიიდან არის ის რომ თქვენც შეგიძლიათ იგივენაირი გევრდი შექმნათ თქვენი ბლოგისთვის. (იხილეთ მსგავსი გვერდი ტომუშკას ბლოგზე)

ამგვარი კითხვა/პასუხის გევრდები მკითხველის პრობლემებს ყველაზე ნათლად ასახავს და თქვენც მოგეცემათ საშუალება უკეთ გადაჭრათ ეს პრობლემები.

გარდა ამისა თქვენ შეგიძლიათ:

• დროდადრო მოაწყოთ გამოკითხვები
• შექმნათ საკონტაქტო ფორმა (Contact Form) – თუ არ იცით, დაგუგლეთ!
• მისწეროთ იმეილი ბოლო კომენტატორს და ჰკითხოთ ხომ არ აქვს რაიმე პრობლემა.

4. მოძებნეთ პრობლემები სხვა საიტებზე

ეს მეთოდი განსაკუთრებით გამოდგება იმ ბლოგერებისთვის ვინც ახლახანს დაიწყო ბლოგინგი და არ ჰყავს იმდენი მკითხველი რომ მათი პრობლემების შესახებ უხვი ინფორმაცია მიიღოს.

არსებობს ძალიან კარგი საიტი – GetSatisfaction.com – სადაც მომხმარებლები სვამენ შეკითხვებს და გამოთქვამენ უკმაყოფილებას ამა თუ იმ პროდუქტის / ბრენდის შესახებ. (ნუ, იქ იდეებს და ქება-დიდებასაც წერენ, მაგრამ ეგ ამ კონკრეტულ შემთხვევაში არ გვაინტერესებს)

შეგიძლიათ გადახედოთ და თავისუფლად მიიღოთ პრობლემების დღიური დოზა.

პირადად მე გირჩევთ რეგისტრაცია გაიაროთ და თქვენი ბლოგიც დაარეგისტრიროთ. რის შემდეგაც, პატარა მოცემული კოდის ბლოგზე ჩასმისთანავე, მარჯვნივ (ან მარცხნივ) გამოჩნდება ისეთივე Feedback-ის კნოპკა, როგორსაც ხედავთ ჩემს ბლოგზე.

სხვათაშორის ზედ თუ დააჭერთ, ძალიან საინტერესო რაღაც გაიხსნება

5. შეკითხვების შესაგროვებლად გამოიყენეთ სოციალური მედია და ფორუმები

Facebook-ი, Twitter-ი, თბილისის ფორუმი… ეს საიტები შესაძლებლობას გაძლევთ ადვილად მოიპოვოთ “დღის შეკითხვა” და პოსტი სახე მისცეთ მას.

6. ჰკითხეთ მეგობრებს და ოჯახის წევრებს

და ბოლოს – არ დაივიწყოთ თქვენი მეგობრები, ოჯახის წევრები და კოლეგები “რეალური ცხოვრებიდან”.

ხალხთან ყოველდღიური ურთიერთობა უამრავ ახალ პრობლემას აღმოგაჩენინებთ – მთავარია იყოთ ამ თემაზე ფოკუსირებული.

პრაქტიკა

1. გაარკვიეთ რა პრობლემები აქვს თქვენს მკითხველს
2. აირჩიეთ ისეთი პრობელმა რომელიც მკითხველების უმეტესობას აქვს
3. დაწერეთ პოსტი, სადაც გადაჭრით ამ პრობლემას
4. პოსტების ლინკები, როგორც ყოველთვის, კომენტარებში ან ტრეკბეკებით გამოუშვით.

წინა დავალებები შეგიძლიათ მოძებნოთ და შეასრულოთ აქ – 30 გაკვეთილი

Related Posts

1. #5: გააკეთე ბლოგერის კალენდარი!
2. #2: დააკვირდით სტატისტიკას
3. #10: სასარგებლო გვერდები

ბლოგერების უმეტესობა დროის 80%-ს საკუთარი ბლოგების დახვეწა-გაუმჯობესებაზე ხარჯავს.

წარმოიდგინეთ, რა შედეგი იქნებოდა, თუკი სხვის ბლოგსაც დაუთმობდით დროის მცირე ნაწილს.

განსაკუთრებით კი წინა დავალების შემდეგ – ვინც დავალებებს აკეთებდით, თითქმის ყველამ აირჩიეთ მეგობარი ბლოგერი. დადგა დრო, რომ მისთვის რამე სასარგებლო გააკეთოთ!

ვისაც მეგობარი ბლოგერი არ გყავთ, აირჩიეთ რომელიმე ბლოგი და მასზე მოახდინეთ ფოკუსირება.

შესაძლოა ამ წამოწყებამ ახალ “ბლოგურ კავშირს” დაუდოს საფუძველი.

როგორ გავაუმჯობესოთ სხვისი ბლოგი?

- როგორც გინდათ! რასაც აკეთებთ თქვენი ბლოგისთვის, ყველაფერი შეგიძლიათ გაუკეთოთ სხვას.

სიამოვნებით მოვისმენ თქვენს იდეებს თუ როგორ შეიძლება სხვისი ბლოგის გაუმჯობესება, ამიტომ აუცილებლად გაგვიზიარეთ კომენტარებში!

რამოდენიმე მაგალითი ჩემგან:

• დაწერეთ მის ბლოგზე ხარისხიანი პოსტი, რომელიც მის მკითხველებს რამეში გამოადგებათ – ტუტორიალები, რჩევები და ა.შ.
• დაწერეთ მის პოსტებზე ხარისხიანი / გამოსადეგი / დამხმარე კომენტარები
• დალინკეთ ბლოგი და გაუზიარეთ თქვენს მკითხველებს მისი პოსტები
• გააპიარეთ სოციალურ მედიაში
• მისწერეთ რჩევების იმეილი – რა თემაზე დაწერილ პოსტებს ისურვებდით მის ბლოგზე
• მისწერეთ იმეილი, სადაც გაუზიარებთ თუ როგორ და რატომ მოგეწონათ მისი რომელიმე პოსტი

სიის გაგრძელება უწყვეტად შეიძლება. უბრალოდ დაფიქრდით რა სჭირდება არჩეულ ბლოგს და თქვენ რისი გაკეთება შეგიძლიათ.

რჩევა: 20 სხვადასხვა ბლოგზე კომენტარების წერას ჯობია ერთი ბლოგი აირჩიოთ და საკითხს გულდასმით მიუდგეთ. რადგან მთავარია, რომ ამორჩეულ ბლოგს მართლაც რაიმე მნიშვნელოვანი შესძინოთ.

თუ თქვენს ძალისხმევას ბლოგის ავტორი ვერ შეამჩნევს, არ იდარდოთ ამაზე.

გარდა იმისა, რომ სხვა ბლოგერის ბლოგს გააუმჯობესებთ, პროცესში ცოტა დადებითი კარმაც მოგემატებათ.

ამ დავალებას ცალკე პოსტად ვერ დაწერთ, ამიტომ უბრალოდ კომენტარებში მომიყევით, რომელი ბლოგი აირჩიეთ და რა კრეატიულ ხერხებს მიმართეთ მის გასაუმჯობესებლად.

Related Posts

1. ახალი ბლოგი – SexandtheCity.ge
2. 2010 წელს საკითხავი 6 ვარდისფერი ბლოგი
3. Spieler-ის ბლოგი: წერილი…

ეს არის “30 პროფესიონალური გაკვეთილი ბლოგერებისათვის” კურსის სტუდენტების რეიტინგი.

ვისაც ჯერ არ დაგიწყიათ დავალებების კეთება – შეგიძლიათ ამ წუთიდან შემოგვიერთდეთ.

—

რეიტინგის დათვლის სისტემაში ცოტა ცვლილებებია.

გადავწყვიტე დისკუსიებში არ დავწერო ქულები. თავგზა მერევა…

ქულები დაიწერება მხოლოდ პოსტებზე: დროულზე -3, ხოლო დაგვიანებულზე – 2 ქულა.

წინა რეიტინგი გავანულე და თავიდან დავითვალე.

გახსოვდეთ რომ პირველი სამი ადგილი საპრიზოა! ვინც 30 გაკვეთილის დასრულებისას მოიპოვებს ამ საპრიზო ადგილებს, მათ სასიამოვნო საჩუქრები ელით

საერთო რეიტინგი:

• კიკიტო – 21 ქულა
• Meloholica – 19 ქულა
• Chaotic – 18 ქულა
• თაა – 16 ქულა
• ლილიანი – 14 ქულა
• Angeldilo – 10 ქულა
• Kate_Alukard – 9 ქულა
• Killer – 6 ქულა
• vasasi -6 ქულა
• ნატოშა – 3 ქულა
• ირინა_ქ – 3 ქულა
• რაჭველა – 3 ქულა
• Mr.Picasso – 3 ქულა
• Supernatural – 3 ქულა
• Alice – 2 ქულა
• უტვინო – 2 ქულა

თქვენ შეგიძლიათ გადმოიწეროთ Excel-ის ცხრილი (სადაც მაქვს დათვლილი ქულები).

თუ რომელიმე დავალება გამომრჩა და არ არის ცხრილში შეტანილი მომწერეთ კომენტარებში და გამოვასწროებ

კიდევ ერთხელ ვამახვილებ თქვენს ყურადღებას იმ ფაქტზე რომ თუ არ გაგიკეთეიათ არცერთი დავალება – ჯერ კიდევ არ არის გვიანი.

დაიწყეთ ახლავე – 30 პროფესიონალური გაკვეთილი ბლოგერებს

Related Posts

1. რეიტინგები – მერვე კვირა
2. ქულების სისტემა ჩვენს გაკვეთილებში
3. განახლებული ქულები

Related Posts

1. #1: “პრეზენტაცია ლიფტისთვის”
2. #6: 80 რჩევა პროფესიონალური ბლოგინგისთვის
3. Escape.ge-ს ბლოგერი ვარ!

ამ კვირაში დავალებები არ იქნება! ზარმაცმა მოსწავლეებმა შეგიძლიათ გაიხაროთ, ბეჯითებმა კი ეს პოსტი თავიდან ბოლომდე გულდასმით წაიკითხოთ.

ეს რჩევები გუშინდელ ფორუმზე პრეზენტაციის სახით ჩავატარე, რომელსაც უჩვეულო წრიული ფორმა ჰქონდა და ანონიმურ ალკოჰოლიკების ჯგუფს უფრო ჰგავდა, ვიდრე ბლოგინგისადმი მიძღვნილ სემინარს. რჩევები ამობეჭდილი დავარიგე და ყველას სახლში გავატანე, ზოგსაც ფლეშკაზე ჩავუწერე, თუმცა ამობეჭდილი – მხოლოდ 20 ცალი მქონდა. სწორედ ამიტომ გადავწყვიტე დღევანდელ დავალებაში იგი ყველასთვის ხელმისაწვდომი გამეხადა.

80 დავალება, რომელსაც ყველა ბლოგერს ვურჩევ შეასრულოს.

ისინი ამოკრებილია სხვადასხვა წარმატებული ბლოგებიდან, სტატიებიდან, ზოგიც მე დავამატე.

თეორია:

1. იყიდეთ დომენი და დააინსტალირეთ ვორდპრესი
2. თუ ფული არ გაქვთ ან გეზარებათ, გამოიყენეთ Blogger-ი. იგი ადვილია, უფასოა და Google-ისაა. ამიტომაც ძიებისას თქვენი ბლოგი უფრო ზედა რეზულტატებში გამოჩნდება.
3. მოიფიქრეთ ბლოგის მახვილგონივრული აღწერა (tagline)
4. ფოკუსირება მოახდინეთ ნიშურ თემაზე
5. გაუღიმეთ საძიებო სისტემებს – გამოიყენეთ ტეგები
6. მოფიქრეთ სხარტი სათაურები პოსტებისთვის
7. პოსტებში აუცილებლად დალინკეთ შიდა გვერდები და ძველი პოსტები
8. პოსტების ბოლოს განათავსეთ ”მსგავსი პოსტების” ჩანართი.
9. ებრძოლეთ სპამს!
10. იყავით ფოკუსირებული ბლოგის განვითარებაზე
11. დაიცავით ბლოგი უცხო პირთა შეჭრისგან – დააყენეტ ძნელად გამოსაცნობი პაროლები
12. იფიქრეთ პრემიუმ დიზაინზე
13. კარგად შეახამეთ ბრენდინგის ელემენტები
14. გადაიტანეთ RSS Feedburner-ზე
15. მიეცით მკითხველებს საშუალება გამოიწერონ ბლოგი იმეილით
16. მიეცით მკითხველებს კომენტარების გამოწერის საშუალება
17. დარეგისტრირდით Google Analytics-ზე
18. გახადეთ პოსტები სკანირებადი და კითხვადი
19. გაათავისუფლეთ ბლოგი ზედმეტი ნაგვისგან
20. შეინახეთ პოსტების და კომენტარების სამარქაფო ვერსია (ყოველი შემთხვევისთვის)
21. პოსტი გააფორმეთ მინიმუმ 1 სურათით
22. ატვირთეთ ისინი თქვენს საკუთარ სერვერზე ან ბლოგერის უფასო სერვისით ისარგებლეთ.
23. არ გამოიყენოთ უფასო იმიჯ-ჰოსტინგები
24. დაიცავით თვით-დისციპლინა
25. დარეგისტრირდით blogroll.ge-ზე
26. ბლოგიდან მოაცილეთ გაფუჭებული ბმულები რომლებიც არსად არ ილინკება.
27. უპასუხეთ მკითხველის კომენტარებს
28. დაწერეთ მიწვეული-პოსტი რომელიმე პოპულარულ ბლოგზე
29. იკითხეთ სხვა ბლოგები ახალი იდეებისთვის
30. იყავით აქტიური ინტერნეტში და ცხოვრებაში
31. გამოძვერით ”ტექსტი მეფობს”- ჩარჩოდან
32. შექმენით ალიანსი სხვა ბლოგერთან
33. შეიძინეთ ახალი უნარ-ჩვევები – შეისწავლეთ ბლოგის ტექნიკური მხარეები
34. გახადეთ მკითხველისთვის ადვილი თქვენთან დაკავშირება
35. იქონიეთ გამზადებული მედია კიტი რეკლამის დამკვეთებისთვის
36. გადაიღეთ ვიდეო-პოსტი
37. არ იპასიუროთ, დაარეკლამეთ თქვენი ბლოგი
38. მადლობა გადაუხადეთ თქვენს სტუმრებს
39. დაწერეთ ელექტრონული წიგნი და გაავრცელეთ უფასოდ.
40. მკითხველის რომელიმე საინტერესო კომენტარს ახალ პოსტში ციტირება გაუკეთეთ და განავრცეთ
41. არ შეიქმნათ ზედმეტი წარმოდგენები მკითხველის შესახებ, თქვენ მათ ჯერ კიდევ არ იცნობთ. – ამიტომ ნუ დაიწყებთ პოსტებს შემდეგი ფრაზით – “როგორც უკვე იცით, …” აუხსენით მათ ყოველი დეტალი.
42. დაილაგეთ სამუშაო მაგიდა
43. სპონსორი გჭირდებათ? მოიძიეთ!
44. გამორთეთ კომენტარების მოდერაცია
45. არ მოიხადოთ ბოდიში იმის გამო, რომ ვერ პოსტავდით. ეს არავის აინტერესებს. უბრალოდ დაწერეთ ახალი პოსტი. პაუზას ვერავინ შეამჩნევს.
46. დარეგისტრირდით Twitter-ზე. (აქვე არ დაგავიწყდეთ ჩემი ჩამატება – Sweet)
47. წაიკითხეთ წიგნი
48. გაყიდეთ ან გააჩუქეთ ტელევიზორი
49. იკითხეთ პრო-ბლოგერების ბლოგები და ისწავლეთ მათგან
50. მეტი კომენტარების მოსაპოვებლად პოსტებში დასვით შეკითხვები
51. დაწერეთ ელექტრონული წიგნი და გაყიდეთ
52. შეწყვიტეთ დაგეგმვა, დაიწყეთ წერა!
53. წერეთ ყოველ დღე
54. თუ ფიქრობთ, რომ კარგად წერთ, წერეთ დღეში ორჯერ
55. არ უთხრათ თქვენი ბლოგის შესახებ ოჯახის წევრებს, მეგობრებს, შეყვარებულს, თანამშრომლებს.
56. თუ ისინი მაინც აღმოაჩენენ მას, სთხოვეთ დაივიწყონ თქვენი ბლოგის მისამართი.
57. გალინკეთ სხვები. გალინკეთ ყველა ვინც გაგლინკავთ. ლინკებით განსხვავდება ბლოგერი მაიმუნისგან.
58. დაწერეთ რამე რეალური თქვენს შესახებ!
59. თუკი კვირაზე მეტია არ დაგიწერიათ სექსზე, პოლიტიკაზე და რელიგიაზე ესე იგი ”სუფთა თამაშს” თამაშობთ, რაც იმას ნიშნავს რომ #55 რჩევის შესრულებისას ჩაიჭერით. გააკეთეთ ახალი ბლოგი და ამჯერად ენას კბილი დააჭირეთ.
60. დააყენეთ მთვლელი და მიეცით საშუალება ყველას ნახოს თქვენი სტატისტიკა.
61. თუ არ იცით როგორ კეთდება ეს – ისწავლეთ. იმ წუთიდან რაც ბლოგს გააკეთებთ კარგი რაღაცეები მოხდება, მათ შორის ის, რომ ახალ რამეებს ისწავლით.
62. სანამ ”გამოქვეყნებას დააჭერთ. მონიშნეთ მთელი პოსტი და დააჭირეთ CTRL+C-ს. ეშმაკს არ სძინავს!
63. წერეთ გულწრფელად. ყოველი პოსტი წინაზე გულწრფელი უნდა იყოს.
64. ცვალეთ წერის სტილი. წერეთ ლამაზი ზღაპრები. იოცნებეთ სახალხოდ. გამოფინეთ ყველაზე ჭუჭყიანი თეთრეული. სახელებით მოიხსენიეთ კონკრეტული პიროვნებები. იტირეთ, იჩხუბეთ, იმღერეთ, არ მოგერიდოთ, რომ ვინმე დაგცინებთ.
65. კვირაში ერთხელ მაინც ჩაწერეთ აუდიო პოსტები.
66. არ იზარმაცოთ!
67. დასასვენებლად მიდიხართ? არ მოკლათ ბლოგი! – დაუტოვეთ იგი ალიანსელს (იხ. #32) ან წინასწარ დაწერეთ სამომავლო პოსტები და გადაანაწილეთ თქვენს შვებულებაზე.
68. დაწერეთ ღია წერილები. გააკეთეთ სიები. წერეთ სხვის შეცდომებზე.
69. გამოიგონეთ საკუთარი თავი.
70. წერა დაიწყეთ იმ ამბით, რაც დღეს გადაგხდათ.
71. როცა არ იცით რა დაწეროთ, დაწერეთ მიმოხილვები, მაგალითად მიმოიხილეთ გუშინ ნანახი ფილმი.
72. ხშირად წერეთ იმ ქალაქზე, სადაც ცხოვრობთ.
73. გამოააშკარავეთ საკუთარი თავი. მოყევით თქვენი საიდუმლოებები. ამ პოსტების წაშლა შემდგომში ყოველთვის შეიძლება.
74. არ გამოაქვეყნოთ თქვენი ნამდვილი სახელი. არ ილაპარაკოთ სამსახურზე თუ გაწუხებთ სამსახურიდან გამოგდების საკითხი.
75. არ გამოაქვეყნოთ თქვენი ლექსები, მათ არავინ წაიკითხავს. განსაკუთრებით – თუ ისინი გენიალურია. გამოაქვეყნეთ მხოლოდ სასაცილო და იდიოტური ლექსები.
76. მოყევით თქვენი მეგობრების შესახებ
77. შეიყვარეთ ის საქმე, რასაც აკეთებთ!
78. წაიკითხეთ ათასობით ბლოგი და დატოვეთ სასიამოვნო კომენტარები
79. ამობეჭდეთ ეს სია, გაიკარით სამუშაო მაგიდასთან და ყოველდღე გადახედეთ!
80. შთაგონებისთვის – იკითხეთ Sweet.ge

საბოლოოდ მაინც გადავწყვიტე პატარა დავალება მომეცა:

გადაპოსტეთ ეს პოსტი ან უბრალოდ ჩაინიშნეთ რომელი საკითხები გაქვთ უკვე შესრულებული/ჯერ შეუსრულებელი.

რჩევა: შეგიძლიათ შესრულებული საკითხები მონიშნოთ მწვანედ, შეუსრულებლები – წითლად.

დაითვალეთ რამდენი %-ია ეს 80-ის და დაწერეთ ეს რიცხვი პოსტის ბოლოს.

აუცილებელია: პოსტის ტეგებში მიუთითეთ ტეგი: გაკვეთილი#6

რატომ? იმიტომ რომ ჩვენ  უკვე გვაქვს ერთიანი ტეგ სისტემა blogroll.ge-ზე, სადაც ყველა ამ ტეგის ქვეშ დაწერილი პოსტი ერთი კლიკის საშუალებით შემიძლია მოვძებნო, ყველა ბლოგზე ცალცალკე სიარულის მაგივრად.

რა თქმა უნდა ტეგის გარდა სასურველია ლინკებიც დატოვოთ კომენტარებში.

წარმატებები!

Related Posts

1. #8: გააუმჯობესე სხვისი ბლოგი
2. #7 იპოვეთ მეგობარი ბლოგერი
3. #1: “პრეზენტაცია ლიფტისთვის”

ეს გახლავთ #5 გაკვეთილი ჩემი პროექტიდან 30 პროფესიონალური გაკვეთილი ბლოგერებს.

თეორია

ნებისმიერი საძიებო სისტემა უკეთესად აანალიზებს იმ ბლოგებს რომელთა კონტენტი უფრო რეგულარულად ახლდება.

რეგულარულ განახლებაში არ იგულისხმება ის რომ აუცილებლად ყოველ დღე უნდა პოსტოთ, არამედ ერთი და იმავე დიაპაზონით პოსტით.

თუ გადაწყვეტთ, რომ ყოველ დღე შეგიძლიათ წერა, – იყოს ყოველ დღე, მაგრამ აუცილებლად დაჯექით და დაწერეთ!

თუ თვლით, რომ კვირაში ორჯერ უნდა წეროთ, აირჩიეთ კონკრეტული დღეები და იმ დღეებში პოსტეთ. ამას არა მარტო საძიებო სისტემები არამედ თქვენი მკითხველებიც დაგიფასებენ.

მე პირადად მაქსიმალურად ვცდილობ ყოველდღიურად ვწერო. ხანდახან დღეში ორჯერაც კი ვაქვეყნებ პოსტებს.

თქვენი წინა დავალება 10 პოსტის იდეის მოფიქრებაში მდგომარეობდა.

მოდით განვავრცოთ ეს დავალება და მოფიქრებული პოსტები ბლოგერის კალენდარში გადავანაწილოთ.

ჩემს კალენდარშია:

• ორშაბათი – 30 გაკვეთილი
• სამშაბათი – Opinion პოსტი (გავივლით მომდევნო გაკვეთილებში)
• ოთხშაბათი – პოსტი ბლოგოსფეროზე
• ხუთშაბათი – ჩემი ცხოვრების სიახლეები
• პარასკევი – ფოტოიანი პოსტი
• შაბათი -იუმორი/მუსიკა/კინო/გართობა
• კვირა – Whatever… + რეიტინგი 30 გაკვეთილიდან (ახალი დამატებული)

ამ To-Do ლისტის გარდა თუ მინდება ”უდროო დროს” სხვა თემაზე პოსტის დაწერა, იმასაც ვწერ.

გარდა ამ ყოველ დღიური პოსტებისა, მაქვს სხვა პოსტები, რომლებსაც ყოველი თვის 30 რიცხვში მოწვეული ბლოგერები წერენ. მათი ვინაობა და პოსტები შეგიძლიათ იხილოთ მოწვეული ბლოგერების გვერდზე.

ანუ, ფაქტობრივად წინასწარ ყოველთვის ვიცი ”ხვალ” რა უნდა დავწერო, ამიტომაც შემიძლია თუნდაც მარშუტკით მგზავრობის დროს მოვიფიქრო თუ რას დავწერ სახლში მისვლისთანავე )

თქვენ შეგიძლიათ კალენდარი შეიმუშავოთ ორგვარად:

1. თემატური დაგეგმვა – როგორც მე მაქვს, გარკვეული ტიპის პოსტები დღეების მიხედვით განაწილებული.
2. კონკრეტული დაგეგმვა – კონკრეტულად მოფიქრებული პოსტების სათაურების გადანაწილება

ნებისმიერ შემთხვევში, ამგვარი ცხრილის შესაქმნელად, შესასრულებლად და სამართავად შეგიძლიათ გამოიყენოთ ჩემი ერთ-ერთი ყველაზე საყვარელი ხელსაწყო – Google-ის კალენდარი.

ახალი კალენდარის შექმნა

პრაქტიკა

1. შედით Google Calendar-ზე და შექმენით ახალი კალენდარი სახელად “ბლოგი”.
2. შეიმუშავეთ თქვენი საკუთარი პოსტვის სიხშირე და აუცილებლად დაიცავით იგი
3. დაგეგმეთ უახლოესი ერთი კვირა პოსტებით / თემებით
4. შეგიძლიათ გამოიყენოთ წინა დავალებაში მოფიქრებული პოსტები.
5. გაგვიზიარეთ! ამით უზრუნველყოფთ პირობის შესრულებას.
6. კალენდარი დაა-share-ეთ: Settings → Calendars → Share This Calendar (ბლოგი) → Make this calendar public → Save
7. დააჭირეთ თვითონ კალენდრის სახელს ბლოგი → Calendar Address → HTML – ლინკი დააკოპირეთ და ჩასვით კომენტარებში!

მაშ ასე, ამ კვირაში – თქვენი

დავალება

შექმენით ბლოგერის კალენდარი, შეიმუშავეთ პოსტვის სიხშირე, დაგეგმეთ უახლოესი 1 თვე სასურველი პოსტებით და შეუდექით მის შესრულებას.

კალენდარი დააშეარეთ და ლინკი კომენტარებში

:: ეს არის ჩემი კალენდარი ::

მსგავსი კალენდრები შეგიძლიათ პოსტებში დაიტანოთ Embed This Calendar- კოდით და ბლოგზე ჩვეულებრივად გამოჩნდება. თუ ამას გააკეთებთ და პოსტის ლინკს დამიდებთ კომენტარებში 3+1 ქულას მიიღებთ კვირის ბოლოს რეიტინგში.

უფრო დეტალური ტუტორიალისთვის წაიკითხეთ ეს პოსტი: Google Calendar

მაგალითად ჩემი ასე გამოიყურება:

[ეს პოსტი არ არის გადმოთარგმნილი პრობლოგერის რომელიმე კონკრეტული პოსტიდან]

Related Posts

1. #11: რევიუ-პოსტი (Review – Post)
2. #8: გააუმჯობესე სხვისი ბლოგი
3. #6: 80 რჩევა პროფესიონალური ბლოგინგისთვის

ქულების შესახებ ინფორმაცია იხილეთ ამ პოსტში

#4 დავალებისას მოგროვილი ქულები

კიკიტო +3

ლილიანი +3

kate_alukard +3

Lionesa +3

Chaotic +3

დაგვიანებით შესრულებული გამოტოვებული დავალებები:

თაა +4 ქულა

Lionesa +2

ლილიანი +6

საერთო რეიტინგი:

• Chaotic – 13 ქულა
• კიკიტო – 13 ქულა
• Kate_Alukard – 12 ქულა
• ლილიანი – 11 ქულა
• Lionesa – 11 ქულა
• ნატოშა – 7 ქულა
• Killer – 4 ქულა
• თაა – 4 ქულა
• ირინა_ქ – 4 ქულა
• Alice – 3 ქულა
• Chaotic -  3 ქულა
• რაჭველა – 3 ქულა
• Mr.Picasso – 3 ქულა
• Candy – 1 ქულა
• თორნიკე – 1 ქულა
• ლეონარდ შელბი – 1 ქულა

როგორც ხედავთ, ლიდერების სამეული ისევ უცვლელია, თუმცა მათ ლილიანი და ლიონესა წამოეწივნენ.

გახსოვდეთ, რომ დამატებითი ქულები შეგიძლიათ მოიპოვოთ ერთმანეთის ნამუშევრების შეფასებით თითოეული დავალების კომენტარებში და ასევე ერთმანეთის მაგივრად შესრულებული დავალებებით.

წარმატებებს გისურვებთ!

Related Posts

1. ქულების სისტემა ჩვენს გაკვეთილებში
2. რეიტინგები
3. რეიტინგები – მერვე კვირა

ალბათ ძალიან ხშირად მომხდარა, რომ ხანდახან საწერი მასალა გამოგლევიათ და წერის ხასიათზეც ყოფილხართ, მაგრამ თემა ვერაფრით მოგიფიქრებიათ.

სწორედ ასეთი შემთხვევების თავიდან ასაცილებლად იქნება დღევანდელი დავალება განკუთვნილი.

ამ პროცესის მთავარი აზრი იმაშია, რომ საკუთარ თავს ძალა კი არ უნდა დაატანოთ ყოველი ახალი პოსტის თემაზე ფიქრისას, არამედ ყველა თქვენი შემდეგი პოსტი წინა პოსტებიდან ავტომატურად უნდა გამომდინარეობდეს.

გაგაცნობთ მაინდ მეფინგის (Mind-Mapping) მეთოდს, რომელსაც მე – ხშირად და როგორც აღმოჩნდა, პრობლოგერი ჩემზე ხშირად იყენებს.

1.  მომზადება

აიღეთ ფურცელი და ფურცლის შუაში ერთმანეთის გვერდით დახაზეთ 5 წრეწირი.

წრეწირებში ჩაწერეთ ბოლო 5 პოსტის სათაურები, რაც ბლოგზე უკვე დაწერეთ.

2. განავრცეთ თქვენი წინა პოსტები

შეჩერდით თითოეულ წრეწირზე და დაუთმეთ 5-10 წუთი ბრეინშტორმინგს თუ როგორ შეიძლება ამ პოსტის გავრცობა.

მაგალითად:

• ამოირჩიეთ შეკითხვა ან აზრი რომელიც მკითხველმა წამოჭრა კომენტარებში
• მოიფიქრეთ ამ პოსტის საწინააღმდეგო აზრის შემცველი პოსტი
• ნიუსის ტიპის პოსტი გადააკეთეთ მოსაზრების (opinion) პოსტად
• თეორიული პოსტი განავრცეთ პრაქტიკულით
• განავრცეთ იდეები, რომლებსაც წინა პოსტში მხოლოდ გაკვრით შეეხეთ

ეს სია შეიძლება უსასრულოდ გაგრძელდეს. მთავარი იდეა კი იმაში მდგომარეობს, რომ წინა პოსტებიდან აიღოთ ახალი პოსტისთვის გამოსადეგი იდეები.

ყოველი ახალი იდეისთვის დახატეთ ახალი წრეწირი და პირვანდელ წრეწირს ხაზით შეუერთეთ. მოიფიქრეთ იმდენი იდეა, რამდენსაც შეძლებთ და ასე გააკეთეთ ხუთივე წრეწირისთვის.

სულ მალე  ნახავთ, რომ ფურცელი გაივსო ახალი პოსტის შესაძლო სათაურებით.

3. კიდევ განავრცეთ

თუკი პოსტების რაოდენობამ არ დაგაკმაყოფილათ განავრცეთ მეორე დონის სათაურები.

ამ ხერხით დაგიგროვდებათ 10-ზე მეტი ახალი პოსტის იდეა, რაც არ მოგცემთ საშუალებას უახლოესი 10-15 დღის განმავლობაში მოადუნოთ თქვენი პოსტების სიხშირე.

ამ დავალების კეთებისას უმთავრესია თქვენს შემოქმედებით ნიჭს / კრეატივს ფართო გასაქანი მისცეთ და რაც შეიძლება ორიგინალური პოსტების იდეები მოიფიქროთ, შემდეგ კი შედგენილი ბანკი გაცხრილოთ და ის პოსტები გამოარჩიოთ, რაც თქვენი ბლოგისთვის ყველაზე შესაფერისად მიგაჩნიათ.

დღევანდელი დავალება

თქვენი დღევანდელი დავალება იქნება მოიფიქროთ მინიმუმ 10 პოსტის იდეა ზემოთ აღწერილი მეთოდით.

თუ უფრო მეტს მოიფიქრებთ მთლად უკეთესი.

დავალება დაწერეთ ცალკე პოსტად და ლინკი დადეთ ამ პოსტის კომენტარებში (ვორდპრესის მომხმარებლებმა გამოუშვით ტრეკბეკები).

შეინახეთ ეს სია შემდეგ ორშაბათამდე. ნუ დაიწყებთ მოფიქრებული სათაურების პოსტებად დაწერას. შემდეგი დავალენა ამ დავალების გაგრძელებაა და ეს სათაურები აუცილებლად დაგვჭირდება.

—

გაითვალისწინეთ რომ ჩვენს გაკვეთილებს დაემატა რეიტინგი, რომლის ამჟამინდელი ლიდერები არიან: Chaotic, Kikito და Kate_Alukard.

წინა დავალებები:

#1 – პრეზენტაცია ლიფტისათვის

#2 – დააკვირდით სტატისტიკას

#3 – ლისტ-პოსტი

Related Posts

1. #3: ლისტ-პოსტი
2. #11: რევიუ-პოსტი (Review – Post)
3. #5: გააკეთე ბლოგერის კალენდარი!

გადავწყვიტე თქვენთვის მოტივაციის შესაქმნელად ჩვენს გაკვეთილებში ქულების სისტემა შემოვიტანო.

ქულები შემდეგნაირად დაირიცხება:

• 1 დროულად შესრულებული დავალება: +3 ქულა
• 1 დაგვიანებით შესრულებული დავალება: +2 ქულა
• 1 შეფასებითი კომენტარი სხვის შესრულებულ დავალებაზე: +1 ქულა (აღარ მოქმედებს!)
  
• სხვის მაგივრად შესრულებული დავალება: +3 ქულა (აღარ მოქმედებს!)
  

ამჟამად ქულების რეიტინგი ასე გამოიყურება

#1 დავალებისას მოგროვილი ქულები:

Alice +3 ქულა

Chaotic + 3 ქულა

კიკიტო +3 ქულა

ნატოშა + 3 ქულა

Kate_Alukard +3 ქულა

ირინა_ქ +3 ქულა

Devi +3

Killer +3 ქულა

რაჭველა +3 ქულა

Lionesa +3 ქულა

კომენტარები/შეფასებები:

ლილიანი +2

Mr.Picasso +3

killer +1

Chaotic +1

ნატოშა +3

Candy +1

თორნიკე +1

ირინა_ქ +1

#2 დავალებისას მოგროვილი ქულები:

Chaotic +3 ქულა

კიკიტო +3 ქულა

kate_alukard + 3 ქულა

#3 დავალებისას მოგროვილი ქულები:

Lionesa – 10 მოდური სათვალე +3 ქულა

Chaotic – My Top 4 Female Actresses +3 ქულა

Kikito – კინოსამყარო +3 ქულა

Kate_Alukard – რამდენიმე +3 ქულა

კომენტარები/შეფასებები:

ლეონარდ შელბი +1

ნატოშა +1

კიკიტო +1

საერთო რეიტინგი:

• Chaotic – 10 ქულა
• კიკიტო – 10 ქულა
• Kate_Alukard – 9 ქულა
• ნატოშა – 7 ქულა
• Lionesa – 6 ქულა
• Killer – 4 ქულა
• Alice – 3 ქულა
• Chaotic -  3 ქულა
• ირინა_ქ – 4 ქულა
• რაჭველა – 3 ქულა
• Mr.Picasso – 3 ქულა
• ლილიანი – 2 ქულა
• Candy – 1 ქულა
• თორნიკე – 1 ქულა
• ლეონარდ შელბი – 1 ქულა

კურსის დასასრულს, პირველ სამ წარჩინებულ მოსწავლეს ჩემგან სამახსოვრო პრიზები გადაეცემათ!

თუ ვინმეს ქულა/ნამუშევარი გამომრჩა მომწერეტ კომენტარებში და განვაახლებ რეიტინგს…

იმედი მაქვს ეს სისტემა გაამართლებს!

წარმატებებს გისურვებთ!

Related Posts

1. განახლებული ქულები
2. რეიტინგები – მერვე კვირა
3. რეიტინგები

ვაგრძელებთ პროექტს 30 პროფესიონალური გაკვეთილი ბლოგერებს და წარმოგიდგენთ მესამე დავალებას – “ლისტ-პოსტი”.

მათ, ვინც დღეს შემოგვიერთდით, გირჩევთ გააკეთოთ წინა დავალებებიც: #1: პრეზენტაცია ლიფტისათვის, #2: დააკვირდით სტატისტიკას.

ახლა კი დღევანდელი გაკვეთილის თემას მივხედოთ, რომელიც ჩვენი სილაბუსის მიხედვით “ბლოგის შინაარსის” ნაწილს ეკუთვნის.

თეორია

ლისტ-პოსტის მნიშვნელობა იმედია ყველას გესმით. ეს არის პოსტი, რომელიც შედგება სიებისგან ან თვითონ წარმოადგენს ერთ დიდ სიას.

ლისტ-პოსტი ძალიან პოპულარული და ეფექტური ტექნიკაა საინტერესო კონტენტის შესაქმნელად. გადახედეთ ნებისმიერ პოპულარულ “ტექ-ბლოგს”. პოსტების 90% ლისტ-პოსტია.

8 მიზეზი თუ რატომ არის ბლოგერისთვის ლისტ-პოსტი ეფექტური:

1. სიები სკანირებადია – ონლაინ მკითხველები უფრო ზარმაცები არიან და შესაბამისად ტექსტებს გულდასმით კი არ კითხულობენ, არამედ თვალის გადავლებით სკანირებას უკეთებენ და ცდილობენ წინასწარ გაიგონ, ღირს თუ არა ამ კონტენტის წაკითხვა. კარგად დანაწევრებული პოსტი საშუალებას აძლევს მკითხველს გაარჩიოს, შეიცავს თუ არა პოსტი იმ ინფორმაციას რაც მას დააინტერესებდა.
2. სია პოსტს ამოკლებს – სიების ერთ-ერთი კარგი თვისება არის ის რომ როგორც ბლოგერ თავიდან გაცილებთ “ბოდიალის” საშიშროებას. სიის ყოველი საკითხი განსაზღვრულია, აქვს დასაწყისი და დასასრული ამიტომ ზედმეტი მაღალფარდოვნება საჭირო აღარ ხდება.
3. სია აკურატულად გამოიყურება – არეულ-დარეული, დაუფორმატებელი ტექსტი ყოველთვის გაღიზიანებას იწვევს მკითხველში, სიით დაფორმატებული კი – ორგანიზებულობის და აკურატულობის შეგრძნებას.
4. სია შესაძლებელია იყოს ამომწურავი და ყოვლისმომცველი – შესაძლოა ვინმემ იფიქროს რომ სიები აზრს ამოკლებენ და სათქმელს ამახინჯებენ მაგრამ კარგად დაწერილმა სიამაც შეიძლება ისევე ამოწუროს საკითხი როგორც ჩვეულებრივმა აბზაცებით გამოყოფილმა ტექსტმა.
5. სიები დამაჯერებელია -  თუ გსურთ რაიმე თემაზე სწრაფად ჩამოწეროთ რაც შეიძლება მეტი დამაჯერებელი არგუმენტი და ახსნათ ისინი, ლისტ-პოსტი ამისათვის საუკეთესო საშუალებაა.
6. სიები ადვილი დასაწერია – თქვენი აზრები ჯერ პარაგრაფებად იყოფა, შემდეგ ეს პარაგრაფები იშლება და შესაძლოა ქვეპარაგრაფებად დაიყოს, ამიტომ ლისტ-პოსტები იდეების საუკეთესო წარმომჩენია.
7. სიები ვირუსულია – სიებმა შეიძლება იდეების ეპიდემია გამოიწვიოს. ზემოთ ჩამოთვლილი (და არამარტო) მიზეზების გამო ბლოგერებს და სოციალური მედიის მომხმარებლებს რატომღაც უყვარტ ლისტ-პოსტების გავრცელება ან მათი საკუტარ თავზე მორგება. გაიხენეთ ბავშვობაში შევსებული მეგობრობის დღიურები, რომლებიც სინამდვილეში უსაშველოდ გრძელ სიებს წარმოადგენდა. აი, მაგალითად დღეს ნატოშას ბლოგს ვათვალიერებდი და წავაწყდი პოსტს Passions. იმდენად დალაგებული პოსტი იყო, წამსვე მომინდა Facebook-ზე გამევრცელებინა ან ჩემს ბლოგზე იგივე თემაზე მეც გამეკეთებინა ლისტ-პოსტი.
8. სიით შესაძლებელია “დახლათული” აზრის “დალაგება” - ნებისმიერი ტუტორიალის წერისას, ყოველთვის ვცდილობ რთული აზრი დავანაწევრო და ნაბიჯებად დავყო, რადგან ასე ყველაზე რთული ტუტორიალიც კი ადვილად აღსაქმელი ხდება. აი თუნდაც ჩემი ბოლოდროინდელი პოსტი – Paypal: დელფის მეთოდი

გაფრთხილება: ლისტ-პოსტები მართალია ძალიან ეფექტურია ,მაგრამ ნუ ჩაიციკლებით მათზე! ძალიან ბევრ მკითხველს აღიზიანებს უთავბოლო ლისტ-პოსტები თუ ბლოგზე საინტერესოს სხვას ვერაფერს პოულობს.

პრაქტიკა

თქვენი ამ კვირის დავალება ლისტ-პოსტის დაწერას მოითხოვს. არ აქვს მნიშვნელობა თემას და სიის სიდიდეს. მთავარია ფორმატი დაცული იყოს და აზრი ნათლად გქონდეთ ჩამოყალიბებული.

ლისტ-პოსტის 3 ტიპი

სიის პოსტში ინტეგრირების ბევრნაირი გზა არსებობს. ფორმატი დამოკიდებულია თემაზე, მოცულობაზე, თქვენი ბლოგის სტილზე. ქვემოთ ჩამოთვლილთაგან შესაძლოა რომელიმე მოირგოთ ან თქვენი საკუთარი ფორმატი შემოგვთავაზოთ:

• პოსტი როგორც სია – ამ შემთხვევაში პოსტში სიის გარდა სხვა არაფერი წერია. პოსტის სათაური გვაცნობს თემას ხოლო პოსტი მთლიანად სიას წარმოადგენს. მაგალითი: 21 Ways to Write Posts that are Guarantees to Grow Your Blog.
• გაფართოებული სიები – აქ უკვე თითოეული პუნქტი მოკლედ არის დასათაურებული (რაც გაბოლდებულია ან რამენაირად გამოყოფილი დანარჩენი ტექსტისგან) და შემდეგ საკითხი უფრო დეტალურად იშლება. თავად ეს აბზაცის ამგვარი სიის მაგალითს წარმოადგენს.
• სიები პოსტში – ალბათ ეს პოსტი რასაც კითხულობთ ამ ტიპის ყველაზე კარგი მაგალითია. ამ პოსტში, სხვა კონტენტთან ერთად, 2 სიაა წარმოდგენილი. მე პირადად ყველაზე ხშირად სწორედ ამ ტიპის ლისტ-პოსტების წერა მიყვარს.

ლისტ-პოსტი ყველა ბლოგერის სტილს, ხასიათსა და წერის მანერას რა თქმა უნდა ვერ მოერგება, მაგრამ სასურველია ყველა პროფესიონალმა ბლოგერმა იცოდეს მათ შესახებ და “გაჭირვების ჟამს” სწორად და ხარისხიანად გამოიყენოს.

დამატებითი ბონუსი:

ვისაც კიდევ მეტი კითხვა და ჩაღრმავება არ გეზარებათ, აუცილებლად გადახედეთ პრობლოგერის ამ სტატიას:

10 steps to writing the perfect list post.

ქართული ლისტ-პოსტების მაგალითები:

დარწმუნებული ვარ ყველა თქვენთაგანს დაუწერია ოდესღაც ერთი ლისტ-პოსტი მაინც და თითქოს მათ შესახებ ლაპარაკი არც უნდა იყოს საჭირო მაგრამ მაინც კარგია როდესაც წერ პოსტს და ზუსტად იცი რატომ გაამართლებს.

გადახედეთ ქართული ბლოგოსფეროს რამდენიმე ლისტ-პოსტს:

• I ♥ facebook ~ ავტორი: თქვენი მონა-მორჩილი
• 20 განსხვავება ქალსა და მამაკაცს შორის ~ ავტორი: ucnauri.com
• 3 Things ~ ავტორი: დოდკა
• ლოგოების 10 გალერეა ~ ავტორი: ლანდიშა

უცხოური მაგალითები:

• hongkiat.com -  ჩემი ერთ-ერთი საყვარელი ბლოგი, რომელიც მთლიანად ლისტ-პოსტებზეა აწყობილი.

გაგვიზიარეთ თქვენი ლისტ-პოსტები

ამ კვირის დავალება როგორც უკვე ზემოთ ვთქვი ლისტ-პოსტის დაწერას მოიცავს. დავალების შესრულებისთანავე კომენტარში მომწერეთ აქვე (ვორდპრესის მომხმარებლებმა გამოუშვით ტრეკბეკები).

ნუ გავიწყდებათ!

მოინახულეთ ერთმანეთის დავალებები, ნუ დაიშურებთ კრიტიკას ან/და ქებას. ახალ ბლოგერებს ეს განსაკუთრებით დასჭირდებათ. დაეხმარეთ სხვებს და თქვენც დაგეხმარებიან!

P.S. ვისაც სურს გამოიწეროს პოსტები RSS-ით მხოლოდ ამ კურსისთვის გამოიყენეთ შემდეგი ბმული:

30 Weeks (RSS) | 30 Weeks (Link)

Related Posts

1. #4: მოიფიქრე 10 პოსტი
2. #11: რევიუ-პოსტი (Review – Post)
3. 30 გაკვეთილი

მოგესალმებით ყველას, ვინც ჩემს პროექტში – “30 პროფესიონალური გაკვეთილი ბლოგერებს” – მონაწილეობის მიღება გადაწყვიტა.

პირველი გაკვეთილი შეგიძლიათ ამ ბმულზე იხილოთ: #1: პრეზენტაცია ლიფტისთვის

დღეს წარმოგიდგენთ მეორე თემას და დავალებას, რომელიც სტატისტიკას და მის ანალიზს შეეხება.

სანამ პრაქტიკულ დავალებაზე გადავალთ, პირველ რიგში თეორია გავიაროთ და ჩამოვთვალოთ ის ძირითადი მაჩვენებლები, რომლებსაც უნდა მიაქციოთ ყურადღება ბლოგის სტატისტიკურ მონაცემებში:

1. უნიკალური ვიზიტორების რაოდენობა

მნიშვნელობა: ყველაზე მნიშვნელოვანი მაჩვენებელი. იგი გვიჩვენებს თუ რამდენი განსხვავებული IP დაფიქსირდა ბლოგზე ერთი დღის განმავლობაში.

როგორ გავიგოთ: უნიკალური ვიზიტორების შეტყობა შეგიძლიათ Top.ge-ს მთვლელიდან ან Google Analitycs-დან.

2. გვერდების ნახვების რაოდენობა

მნიშვნელობა: რამდენი გვერდი დაათვალიერეს დღის/კვირის/თვის განმავლობაში.

როგორ გავიგოთ: Google Analitycs და Top.ge

3. გვერდების ნახვა ერთ უნიკალურ ვიზიტორზე

მნიშვნელობა: გვერდების მთლიანი ნახვები (დღის განმავლობაში) გაყოფილი უნიკალური ვიზიტორების რაოდენობაზე (დღის განმავლობაში)

როგორ გავიგოთ:  Google Analitycs და Top.ge

4. Bounce Rate

მნიშვნელობა: გვიჩვენებს ვიზიტორების რამდენი პროცენტი ტოვებს საიტს დამატებითი გვერდების გაუხსნელად. მაგალითად ჩემი bounce rate არის 60%. ეს იმას ნიშნავს რომ ვიზიტორების 60% ბლოგზე შემოსვლისას ნახულობს მხოლოდ იმ გვერდს სადაც შემოვიდა და ეგრევე გადის სხვა დამატებითი გვერდების უნახავად. რაც უფრო დაბალია ეს % მით უფრო კარგია ეს ბლოგისთვის.

როგორ გავიგოთ: Google Analitycs

5. ყველაზე პოპულარული გვერდები -

მნიშვნელობა: გვერდები რომელთაც ყველაზე ხშირად ათვალიერებენ ვიზიტორები. ეს გიჩვენებთ თუ რა კონტენტია მოტხოვნადი და საინტერესო მკითხველისთვის.

როგორ გავიგოთ: Google Analitycs და Top.ge

6. რეფერალი ბმულები

მნიშვნელობა: გვიჩვენებს თუ საიდან შემოდიან უმეტესად ვიზიტორები. ჩემთან უმეტესად Top.ge-დან და Facebook-იდან შემოდიან. თქვენთან შესაძლოა სხვა საიტებიდან უფრო ხშირად შემოდიოდნენ. ამ მაჩვენებლის დაკვირვება ნათელს ხდის თუ სად უნდა არეკლამოთ აქტიურად თქვენი ბლოგი.

როგორ გავიგოთ: Google Analitycs და Top.ge

გაფრთხილება!

არ გადაიქცეთ სტატისტიკის ხამად. ახალი ბლოგერების უმეტესობას უდგება პერიოდი, როდესაც ისინი თავიანთი ბლოგის სტატისტიკას ყოველ საათში ამოწმებენ. ეს ნორმალური მოვლენაა მაგრამ დროთა განმავლობაში ბევრ დაკარგულ დროს უდრის.

სტატისტიკის ყოველწუთიერ შემოწმებას გირჩევნიათ ახალი, სასარგებლო და საინტერესო პოსტების დაწერაში დახარჯოთ დრო.

პრობლოგერი იძახის რომ სტატისტიკას დღეში 2-3-ჯერ ვამოწმებო და ისიც მხოლოდ ტრაფიკსო (ანუ უ.ვ.-ებს და გ.ნ-ებს).  მეც ზუსტად სამჯერ ვამოწმებ Top.ge-ს მთვლელს: დილით როცა ვიღვიძებ, შიადღისას საქმე რომ არაფერი მაქვს და საღამოს როცა ახალ პოსტს ვწერ.

პრაქტიკული დავალება:

მინდა ამ კვირის განმავლობაში გაარკვიოთ და ჩაინიშნოთ ზემოთ ჩამოთვლილი მონაცემები და გაიმეოროთ ეს პროცესი ყოველი თვის ბოლოს.

Top.ge-ს მთვლელის დაყენების ტუტორიალი დაწერილი მაქვს.

რაც შეეხება Google Analytics-ს, შეგიძლიათ გუგლის Help Group-ები გამოიყენოთ ან კონკრეტული შეკითხვები დამისვათ ვიდრე ტუტორიალი გაჩნდებოდეს.

ინგლისურ ენაზე შეგიძლიათ აქ ნახოთ შესაბამისი ტუტორიალი.

კურსის ბოლოს ყველამ დავწეროთ სტატისტიკის რაპორტი ამ მაჩვენებლების შესახებ.

დავალების ჩემი ვერსია:

ამ წუთას ჩემი ბლოგის სტატისტიკური მონაცემები შემდეგნაირია

უ.ვ./დღეში – საშუალოდ 386 (წყარო Top.ge & Google Analitycs)

გ.ნ./დღეში – საშუალოდ 900

გ.ნ/უ.ვ – 2.13 (Google Analitycs )

BR – 63% (Google Analitycs )

P.S. ვისაც სურს გამოიწეროს პოსტები RSS-ით მხოლოდ ამ კურსისთვის გამოიყენეთ შემდეგი ბმული:

30 Weeks (RSS) | 30 Weeks (for GReader)

Related Posts

1. #1: “პრეზენტაცია ლიფტისთვის”
2. 30 გაკვეთილი
3. #7 იპოვეთ მეგობარი ბლოგერი

მოგესალმებით ყველას, ვინც ჩემს ახალ პროექტში – “30 პროფესიონალური გაკვეთილი ბლოგერებს” – მონაწილეობის მიღება გადაწყვიტა.

დღეს წარმოგიდგენთ პირველ თემას და გაკვეთილს, რომელიც შედგება როგორც თეორიული, ისე – პრაქტიკული ნაწილისგან.

წინასწარ გაფრთხილებთ, რომ ეს დავალება უმნიშვნელოვანესია მთელი კურსის მსვლელობისთვის და ყურადღებით და პასუხისმგებლობით მოეკიდეთ მას.

თეორია

თქვენი დღევანდელი დავალება იქნება დაწეროთ თქვენივე ბლოგის “პრეზენტაცია ლიფტისათვის” (Elevator Pitch). ეს ტერმინი პირდაპირ იმიტომ ვთარგმნე, რომ მისი ქართული შესატყვისი ჯერ არ შემხვედრია. ერთ-ორ მარკეტინგში გარკვეულ ადამიანსაც ვკითხე და მათაც ვერ გაიხსენეს რაიმე ზუსტი შესატყვისი. ამიტომ იყოს მარტივად – ლიფტის პრეზენტაცია.

ახლავე მოგახსენებთ რას წარმოადგენს იგი.

პრეზენტაცია ლიფტისათვის ეს გახლავთ იდეის, პროდუქტის, მომსახურების ან პროექტის მოკლე აღწერა. სახელიც სწორედ იმაზე მიუთითებს, რომ ეს აღწერა სიტყვიერად უნდა ჩაეტიოს იმ დროში რასაც ადამიანი ლიფტით მგზავრობას ანდომებს (30 წამი ან 100-150 სიტყვა).

განმარტება ინლისურ ენაზე იხილეთ აქ – Elevator’s Pitch

განმარტება რუსულ ენაზე იხილეთ აქ – Презентация для лифта

ამ ყველაფრის იდეა იმაში მდგომარეობს, რომ ნებისმიერი სიტუაციისთვის წინასწარ მოფიქრებული გქონდეთ იმ საქმის მოკლე, ზუსტი და მკაფიო აღწერილობა, რასაც აკეთებთ.

ბლოგერის პრეზენტაცია ლიფტისთვის

ცოდნა იმისა თუ რაზეა თქვენი ბლოგი, გეხმარებათ:

• კონტენტის წერაში
• პრომოუშენში და მკითხველების მოზიდვაში
• საძიებო სისტემების ოპტიმიზაციაში
• სხვა ბლოგერებთან კომუნიკაციაში
• ბრენდინგში
• დიზაინის სწორად შერჩევაში
• და სხვ.

მომავალში ყველა ის დავალება, რასაც ამ კურსში ერთად გავაკეთებთ სწორედ ამ პირველი დავალებიდან გამომდინარეობს.

დანარჩენი მიზეზები

“ლიფტის პრეზენტაციის” დაწერა მხოლოდ თქვენთვის არ არის სასარგებლო. იგი თანაბრად გამოადგებათ ბლოგის არსებულ და პოტენციურ მკითხველებს, სხვა ბლოგერებს, პოტენციურ პარტნიორებს, მედიას/ჟურნალისტებს, რეკლამის დამკვეთებს, და თქვენ წარმოიდგინეთ მეგობრებს და ნათესავებსაც, რომლებმაც აქამდე კარგად ვერ გაიგეს, თუ რას საქმიანობთ.

როდესაც “პრეზენტაცია ლიფტისთვის” უკვე ხელთ გექნებათ, უკვე ვეღარც კი მოთვლით სად და რამდენჯერ, შეგეძლებათ მისი მთლიანად თუ ნაწილობრივ გამოყენება.

• ბლოგის ქვესათაური – მოკლე და მახვილგონივრული ქვესათაური (tagline) ბლოგზე პირველად მოხვედრილ ადამიანთან საკომუნიკაციოდ შესანიშნავი საშუალებაა. ახალბედა მკითხველი, ვინც მაშინვე ვერ ხვდება თუ სად მოხვდა, ბლოგის მაშინვე ტოვებს, ამიტომ ჭკვიანური ქვესათაური მშვენიერი საშუალებაა მისი ბლოგზე ნავიგაციის დროის გასახანგრძლივებლად.
• გვერდი სახელწოდებით “ჩემ შესახებ” – მსგავსი გვერდი უმეტეს ბლოგებზე ყველაზე ხშირად წაკითხვადი გვერდი ხდება ხოლმე. ამიტომ ძალიან მნიშვნელვანია, თუ რა ეწერება იქ. ქართული ბლოგების 80%-ს ასეთი გვერდი ან არ გააჩნია, ან იქ საერთოდ არაფერი არ წერია. ამ პრობლემის შესახებ ჩვენ მომავლში უფრო დაწვრილებით ვისაუბრებთ, ახლა კი მხოლოდ იმას გეტყვით, რომ იქამდე შეგიძლიათ ამ გვერდზე თქვენი ბლოგის მოკლე პრეზენტაცია გამაქვეყნოთ.
• რეალური საუბრები – ყოველთვის ვიბნევი, როდესაც ვინმე მისვამს შეკითხვას – “რას საქმიანობ?” ძალიან ძნელია აუხსნა, რა არის ბლოგი და ბლოგერობა ადამიანს, რომელსაც ეს სიტყვა აქამდე საერთოდ არ გაუგონია, ან გაუგია, მაგრამ უბრალოდ აინტერესებს კონკრეტულად შენი ბლოგი რის შესახებაა. არ აქვს მნიშვნელობა რაიმე საქმიანი კონფერენცია იქნება ეს თუ მეგობრების წრეში არაფორმალური საუბარი, “პრეზენტაცია ლიფტისთვის” ყველგან გამოდგება.
• სავიზიტო ბარათები – გამორჩეულობისათვის, შეგიძლიათ პრეზენტაციის მთლიანი ან გარკვეული ნაწილი სავიზტო ბარათზე დაიტანოთ.
• პრეზენტაცია მედიისთვის – ჟურნალისტები ძალიან დაკავებული ხალხია, ისინი დღეში რამდენიმე ათეული იდეის თუ პროექტის აღწერას ისმენენ და მათთვის ეს ჩვეული ამბავია. ეფექტური პრეზენტაციით, ჟურნალისტი აუცილებლად შეგამჩნევთ და დროსაც დაგითმობთ, რათა უკეთ გაეცნოს თქვენს წინადადებებს.
• პრეზენტაცია სხვა ბლოგერებისთვის – ჟურნალისტების მსგავსად ბლოგერებიც აუცილებლად მიაქცევენ ყურადღებას “პრეზენტაციას ლიფტისთვის”. სხვა თუ არაფერი თვით ეს პროფესიული ჩვევა იქნება საკმაოდ თვალში საცემი ნებისმიერი ქართველი ბლოგერისთვის. ხოლო თუ რატომ არის აუცილებელი “მეზობელი ბლოგერების” ყურადღების მიპყრობა, ამას მომავალ გაკვეთილებში უფრო დაწვრილებით მოგიყვებით.
• სოციალური მედიის პროფილები – ალბათ ყველანი ხართ დარეგისტრირებული ისეთ სოციალურ ქსელებზე როგორებიცაა Facebook და Linkedin. თქვენი ბლოგის გასაპიარებლად სოციალური ქსელები არაჩვეულებრივი საშუალებაა (ამაზეც ოდნავ მოგვიანებით) ახლა კი მხოლოდ იმას გირჩევთ, რომ ყურადღების მისაპყრობად თქვენი ბლოგის მოკლე მიმოხილვა სადმე თვალსაჩინო ადგილას გამოაქვეყნოთ.

პრაქტიკა

თქვენი ამ კვირის დავალება იქნება დაწეროთ თქვენი ბლოგის “პრეზენტაცია ლიფტისთვის”. თუ მსგავსი რამ უკვე შექმნილი  გაქვთ, დაუთმეთ დრო მის გადახედვას და სრულყოფას.

როგორ დავწეროთ “პრეზენტაცია ლიფტისთვის”

• გადაჭერით პრობლემა ან დააკმაყოფილეთ მოთხოვნა – ბლოგები რომლებიც თავისი შინაარსით მკითხველების პრობლემებს ჭრიან დიდი პოპულარობით სარგებლობს. თუკი თქვენი ბლოგი რაიმე პრობლემას ან მოთხოვნას აკმაყოფილებს აუცილებლად გაუსვით ამას ხაზი “ლიფტის პრეზენტაციაში”.
• განსაზღვრეთ თქვენი აუდიტორია – ვისთვის არის თქვენი ბლოგი?  ვის მოზიდვას ცდილობთ? თუკი გარკვეული სახის მიზნობრივი აუდიტორია გყავთ, ახსენეთ იგი პრეზენტაციაში.
• გამოხატეთ აზრი ნათლად – ეცადეთ ტავიდან აიცილოთ გაუგებარი ფრაზები და ჟარგონები. თქვენი ბლოგის პრეზენტაცია ყველასათვის ერთნაირად გასაგები უნდა იყოს.
• გამოხატეთ აზრი მოკლედ – ადამიანებს შეზღუდული რაოდენობის ინფორმაციის მიღება შეუძლიათ ან მის მისაღებად ცოტა დრო აქვთ ხოლმე, ამიტომ  თქვენი სათქმელი ყოველთვის მკაფიოდ და მოკლედ ჩამოაყალიბეთ.
• იყავით გამორჩეული – სასურველია მოიშველიოთ იუმორი ან ფანტაზია გამორჩეული და დასამახსოვრებელი “ლიფტის პრეზენტაციის” შესაქმნელად.
• იყავით დამაინტრიგებელი – არ არის აუცილებელი, თქვენი ბლოგის პრეზენტაცია მოიცავდეს ყველაფერს, რისი თქმაც გსურთ მკითხველისთვის. ეცადეთ პრეზენტაციამ გაუჩინოს სურვილი მკითხველს/მსმენელს უფრო მეტი გაიგოს თქვენი ბლოგის/თქვენს შესახებ.
• იყავით ენერგიული მაგრამ ნუ გააზვიადებთ – დაანახეთ მკითხველს, რომ გიყვართ ის საქმე რასაც აკეთებთ და გადმოეცით თქვენი გრძნობები, რადგან მშრალი სიტყვები და ფაქტები ყოველთვის უფრო მოსაწყენია ვიდრე თქვენი პირადი აზრი.
• შეგიძლიათ დასვათ შეკითხვა – ადამიანები ყოველთვის ადვილად წამოეგებიან ხოლმე შეკითხვებზე, სწორედ ამით ადვილად შეგიძლიათ “შეიტყუოთ” მკითხველი.
• იყავით მომზადებული მის განსავრცობად -  რაღაც ეტაპზე, თქვენი ბლოგის პრეზენტაციის წარადგენის შემდეგ, ვინმე აუცილებლად დაინტერესდება და გთხოვთ, რომ მოუთხროთ უფრო მეტი მის შესახებ. საჭიროა, მომზადებული შეხვდეთ მსგავს სიტუაციას. სასურველი და აუცილებელია, მომზადებული გქონდეთ თქვენი ლიფტის პრეზენტაციის შედარებით გრძელი ვარიანტი.

არ არის აუცილებელი რომ ყველა ზემოთ ჩამოთვლილი პუნქტი 100%-ით მოიაზრებოდეს თქვენი ბლოგის პრეზენტაციაში, მაგრამ ამათგან სასურველია რამდენიმეს გამოყენება მაინც.

ჩემი პრეზენტაცია ლიფტისთვის

პირობის თანახმად ყველა დავალების შესრულება მე თვითონ უნდა დავიწყო და ყველას მაგალითი მივცე.

ბევრი ვიფიქრე თუ ცოტა ვიფიქრე მგონი რაღაც გამომივიდა:

Sweet.ge არის, ერთის მხრივ,

წარმატებული და თავდაჯერებული გოგონების საყვარელი ბლოგი – ემოციური, ცხოვრებისეული და პოზიტიური, ვარდისფერი ჩანაწერებით.

მეორეს მხრივ კი,

ახალბედა და სტაჟიანი ბლოგერებისთვის გამიზნული საიტი, მათი ტექნიკური უნარ-ჩვევებისა და თეორიული ცოდნის გასაღრმავებლად.

ჩემი აზრით, ეს საკმაოდ გრძელი სალიფტე პრეზენტაციაა. თუმცა უკეთესი ვერ მოვიფიქრე.

პრობლოგერს, ასეთი აქვს:

“პრობლოგერი ეხმარება ბლოგერებს გამორჩეული ბლოგების შექმნაში”

შეგიძლიათ თამამად მომცეთ შენიშვნები. “პრეზენტაცია ლიფტისთვის” ისეთი რამაა, რაც მუდმივად ექვემდებარება ცვლილებებსა და რეფორმებს.

რას ვაკეთებთ შემდეგ

მას შემდეგ რაც დაწერთ თქვენი ბლოგის პრეზენტაციას ლიფტისათვის, ამობეჭდეთ ფურცელზე და გააკარით სადმე თქვენს კომპიუტერთან ახლოს, რათა ხშირად მოგხვდეთ თვალში.

გარდა ამისა შეგიძლიათ ამის შესახებ პოსტი დაწეროთ ან უბრალოდ თქვენი ბლოგის “ჩემ შესახებ”-გვერდზე განათავსოთ.

არ მოგერიდოთ შეცდომების და არ შეუშინდეთ შენიშვნებს. ამ წუთას ჩვენ ყველანი ერთად ვსწავლობთ.

მას შემდეგ რაც ამ დავალებას შეასრულებთ, ქვემოთ დააკომენტეთ, ან ტრეკბეკი/ბექლინკი გამოუშვით თქვენი ბლოგებიდან.

მეც ძალიან მაინტერესებს თქვენი “პრეზენტაციები ლიფტისთვის”.

Related Posts

1. #2: დააკვირდით სტატისტიკას
2. 30 გაკვეთილი
3. #7 იპოვეთ მეგობარი ბლოგერი

ქართულ ბლოგოსფეროში ძალიან ცოტა მომეძევება ისეთი, ვინც ბლოგინგს სერიოზულად უყურებს ან რაიმე სამომავლო შემოსავლის წყაროდ აღიქვამს, მაგრამ მერწმუნეთ გავა სულ ცოტა დრო და ისინი, ვინც თავიდანვე პროფესიონალურად მიუდგნენ საკითხს, აუცილებლად მიაღწევენ წარმატებას.

ამერიკაში სწორედ ასეთი პროფესიონალური მიდგომის თვალსაჩინო მაგალითია დერენ როუზი, მეტსახელად Problogger. იგი ერთ-ერთ იმ ბლოგერთაგანია, ვინც – პირდაპირი და გადატანითი მნიშვნელობით – ბლოგინგით ცხოვრობს. შეგიძლიათ შეიხედოთ მის არაჩვეულებრივ ბლოგზე და იპოვოთ იქ შთაგონება ან უბრალოდ პრობლემის გადაჭრის მარტივი ხერხი, ბლოგინგის ნებისმიერ ასპექტთან დაკავშირებით.

რამდენიმე თვის წინ დერენმა ახალი პროექტი წამოიწყო სახელად ”31 Days to Build a Better Blog“  (ქართულად ”31 დღე უკეთესი ბლოგის შესაქმნელად”). ყოველ დღე იგი იძლეოდა დავალებებს ბლოგინგის შესახებ, რომელსაც სხვა ბლოგერები ასრულებდნენ და შემდეგ შესრულებულ დავალებებს განიხილავდნენ, ერთმანეთს რჩევებს აძლევდნენ და ა.შ. დასრულებისთანავე, დერენმა ეს პროექტი e-book-ად გამოუშვა და მისი შეძენა ყოველ თქვენგანს შეგიძლიათ $19.95-ად.

დოდკას ეწერა თავის ბლოგზე, რომ ”მინდოდა მონაწილეობა მიმეღო, მაგრამ ჩამოვრჩი და ვეღარ დავეწიეო”. პროექტის თემებს რომ გადავხედე, მივხვდი რომ მეც მომინდა გამეკეთებინა ეს დავალებები.

გთავაზობთ ასეთ რამეს:

კვირაში ერთხელ, კერძოდ კი ყოველ ორშაბათს , დავდებ დავალებას პრობლოგერის კურსიდან, ცხადია, ქართულ ენაზე, კარგად დამუშავებულ და მაქსიმალურად ქართულ ბლოგებთან მისადაგებულ ფორმაში.

თქვენ კი, ვისაც ბლოგინგი ცოტათი სერიოზულად გაინტერესებთ, საკუთარ ბლოგებზე ან აქვე კომენტარებში, სურვილისამებრ დადეთ თქვენი შესრულებული დავალებები და მოსაზრებები.

თქვენთან ერთად მეც გავაკეთებ ყველა მოცემულ სავარჯიშოს და ერთმანეთს რჩევებიც მივცეთ.

გაითვალისწინეთ, რომ ეს კურსი ახალი ბლოგებისთვის იმდენად გამოსადეგი არ არის, რამდენადაც გამოცდილი და სტაჟიანებისთვის.

თუმცა წინასწარ გეუბნებით, რომ დავალებები ახლებისთვისაც ძალიან საინტერესო იქნება და ბლოგის გაუმჯობესებაში მართლა დაგეხმარებათ.

Nota Bene: ამ კურსში არ შედის ”ერთნაირი კონტენტის გენერაციისკენ” გამიზნული დავალებები, კერძოდ IMEME-ები და პოსტები კონკრეტული თემით. პირიქით, კურსის ერთ-ერთი მიზანია ბლოგოსფეროში განსხვავებული შინაარსის მქონე ბლოგებისა და პოსტების განვითარება, გაფართოება და ურთიერთკავშირი.

სილაბუსი

თითოეული კვირის თემა შედგენილი იქნება ორი ნაწილისგან: თეორია და პრაქტიკა.

თეორიაში წაიკითხავთ ტუტორიალებს და ნაბიჯ-ნაბიჯ გზამკვლევებს, ხოლო პრაქტიკაში მიიღებთ ძალიან კონკრეტულ და მკაფიო სავარჯიშოს.

მთლიანი კურსი ოთხ ძირითად კატეგორიად იყოფა:

♥ ბლოგის შინაარსი (Content, C) – 9 გაკვეთილი

♥ მარკეტინგი (Marketing, M)- 6 გაკვეთილი

♥ მკითხველები (Readers, R)- 6 გაკვეთილი

♥ SEO (Search Engine Optimization, SEO) – 1 გაკვეთილი

♥ თვით-განვითარება (Self-development, SD)- 8 გაკვეთილი

ყველა განვლილი გაკვეთილი:

• #1: “პრეზენტაცია ლიფტისთვის”

• #2: დააკვირდით სტატისტიკას

• #3: ლისტ-პოსტი

• #4: მოიფიქრე 10 პოსტი

• #5: გააკეთე ბლოგერის კალენდარი

• #6: 80 რჩევა პროფესიონალური ბლოგინგისთვის

• #7: იპოვეთ მეგობარი ბლოგერი

• #8: გააუმჯობესე სხვისი ბლოგი

• #9: გადაჭერი მკითხველის პრობლემა

• #10: სასარგებლო გვერდები

• #11: პოსტი-მიმოხილვა (Review Post)

ეს დავალებები არ იქნება თანმიმდევრული (ანუ არა იმ ქრონოლოგიით როგორც პრობლოგერს ჰქონდა), რადგან გადავხედე ყველა მათგანს და ვფიქრობ, ქართული ბლოგოსფეროსთვის სხვანაირი წყობაა საჭირო. ასევე ზოგიერთ თემას გავაერთიანებ ერთ დავალებაში. ხოლო ერთ დავალებას მე თვითონ დავუმატებ, შესაბამისად 31 კვირის ნაცვლად მოგვიწევს 30 კვირიანი ”სწავლა”.

ვისაც სურს პროექტში მონაწილეობა ან აქვს შენიშვნები და შემოთავაზებები ამ პროექტთან დაკავშირებით – გამოსახატად თქვენ გაქვთ ერთი კვირა.

იმისათვის, რომ მასალას უფრო კარგად გადავხედო და პირველი დავალება სათანადოდ მოვამზადო, ვფიქრობ, ერთი კვირა დამჭირდება, ამიტომ ჩვენი გაკვეთილები დაიწყება 2009 წლის 31 აგვისტოს (ანუ მომავალ ორშაბათს) და დასრულდება 2010 წლის 22 მარტს.

ამასობაში, თქვენც მოიფიქრეთ გსურთ თუ არა ამ კურსში მონაწილეობის მიღება, უბრალოდ გამოხატეთ თქვენი აზრი ამ პოსტის შესახებ და თავიდანვე ჩაერთეთ, რადგან მერე უფრო გაგიჭირდებათ დაწევა.

მე პირადად ამ კურსში ჩართვისკენ მოვუწოდებ ყველა გამოცდილ და პოპულარულ ბლოგერს.

მაშ ასე!

ჩვენს განკარგულებაშია 30 კვირა – უკეთესი ბლოგებისათვის.

P.S. ვისაც სურს გამოიწეროს პოსტები RSS-ით მხოლოდ ამ კურსისთვის გამოიყენეთ შემდეგი ბმული:

30 Weeks (RSS) | 30 Weeks (for GReader)

Related Posts

1. #2: დააკვირდით სტატისტიკას
2. #1: “პრეზენტაცია ლიფტისთვის”
3. Imda Corporate Blogger!