ზუსტი წონა

დღეს დავინახე სასწორი წარწერით “ზუსტი წონა” და დავფიქრდი, როგორ შეიძლება რომელიმე სასწორმა ზუსტი წონა გაჩვენოს ან რა არის სიზუსტე?

ყველაფერი საბოლოოდ ხომ მაინც შედარებითია? გარდა ამისა ვინ გაითვალისწინებს იმას რომ ჩემი ფეხსაცმელი დაახლოებით 600 გრამს იწონის, მაცვია კილონახევრიანი პალტო და ჩანთაშიც ალბათ ერთ კილოგრამამდე სხვადასხვა ნივთი მიწყვია.

ყველა სასწორი რთმანეთისგან განსხვავებულ წონებს გვიჩვენებს, ისევე როგორც ყველა საათი განსხვავებულ დროს და ყველა თერმომეტრი განსხვავებულ ტემპერატურას.

ანუ რა უნდა ვქნა? როგორ უნდა გაიგოს ადამიანმა საკუთარი ზუსტი წონა?

სახლში დაიდგას სასწორი და ტანსაცმლის გარეშე აიწონოს ხოლმე? მერე როგორ გაიგებს, რომ სწორედ ეს სასწორი უჩვენებს “ზუსტ წონას” და არა ის, რომელიც მაღაზიაში მეორე თაროზე იდო, ანუ ორი სასწორი უნდა დაიდგას შესადარებლად? და თუ წონები ერთმანეთს დაემთხვევა ესე იგი ორივე ზუსტია? არსებობს სხვა მესამე სასწორი რომელიც განსხვავებას მისცემს რამოდენიმე გრამში და ა.შ. და ა.შ.

თუ მინდა გრამებში გავიგო ჩემი სხეულის ზუსტი წონა? ჭამამდე უნდა ავიწონო თუ ჭამის შემდეგ? დილით თუ საღამოს? ორშაბათს თუ შაბათს? დაბანამდე თუ დაბანის შემდეგ? [ვინც ერთი დაბანაა დარჩენილი, იმათ დაბანამდე აიწონონ :D ]

მოკლედ, დღეს დავინახე სასწორი წარწერით “ზუსტი წონა” და მინდოდა თქვენთვის მეთქვა, რომ თქვენც თუ შეგხვდებათ მსგავსი, არ დაიჯეროთ, ასეთი რამე არ არსებობს. :D

how-to-lose-weight-1

და საერთოდ, ვინ მოიგონა ცოცხალი ორგანიზმების წონის გარკვევა. ბლინ :confused:

8 Comments

  1. ოოოჰ… შენ ეხლა ისეთ მტკივნეულ საკითხს შეეხე :)
    ეხლა 5 სასწორზე რო აიწონები და 5ვე 58ს გიჩვენებს ზნაჩიტ 58 ხარ რა…
    მარა აი ტანსაცმლის ამბავიც ხო გასათვალისწინებელია, ხოდა რაც აცივდა არცერთხელ არ ავწონილვარ!
    ტანსაცმლით მეშინია რო 60 კილოს ან მეტს მაჩვენებს და მერე ეგ ჩემ თვითშეფასებაძე უარყოფითად იმოქმედებს :P
    მოკლედ, ჩემი აზრით უნდა აიწონო ზაფXუში, აი რო არც გშია და არც ახალი ნაჭამი არ ხარ მასეთ პერიოდში! :P
    თან ზაფხულში უფრო მნიშვნელოვანია მემგონი წონის ამბავი, იმიტო რო ზამთარში ხო არ ჩანს მაინც და… :D

  2. ზუსტმა წონამ 52 ხარო, ჩემ ჩექმებიან, კურტკიან ბარგიანად :D:D:D ხო კაი 1 კილო ეს ყველაფერი ალბათ ზუსტი 51ია :?

  3. ვაიმეე,ნეტავი შენ ,, რეებზე ფიქრობ
    დაიკიდე ზუსტი წონა კიარად ზუსტი ყველაფერი ^^

  4. სასწორებზე სულ ბათუმი და ის მახსენდება…. დაბრო პაჟალავაწ, დაბრო პაჟალავაწ…. :D

Leave a Reply