30+ ქართველი, 10+ უცხოელი ბლოგერი და 15+ ცნობილი ადამიანი ტვიტერზე
დავიწყებ იმით, რომ ტვიტერი არაჩვეულებრივი მიკრო-ბლოგინგის პლატფორმაა!
ბევრმა ბლოგერმა ტვიტერს რატომღაც ვერ გაუგო…
ალბათ იმიტომ რომ არ იციან საიდან დაიწყონ.
იმისათვის რომ ტვიტერის ყველა შესაძლებლობა გამოიყენო, ტვიტერის სხვა მომხამრებლებთან დიალოგებში უნდა ჩაერთო.
ამისათვის კი საჭიროა გყავდეს “მიმდევრები” და თვითონაც “სდიო” სხვებს.
როცა ტვიტერზე პირველად რეგისტრირდები, სისტემა თავად გაძლევს საინტერესო მომხმარებლების სიას, რომლებსაც შეგიძლია “მისდიო” და ამით დაიწყო ტვიტერის ათვისება.
გადავწყვიტე ჩამომეწერა საინტერესო ბლოგერების, არა-ბლოგერების, ცნობილი ადამიანების და საზოგადო მოღვაწეების ტვიტერის გვერდები. [მეტი...]
ვის უფრო გრძელი აქვს?
დღეს თინი მესტუმრა სამსახურში.
ავხედ-დავხედე და გადავწყვიტე გამერკვია, ჩვენ ორს შორის ვის უფრო გრძელი აქვს!
ეს ისეთი საკითხია, ყველა დაქალს შორის აუცილებლად გარკვეული რომ უნდა იყოს და თანაც ამ საქმის მოცდა და გადადება არაფრით არ შეიძლება!!!
ამის თქმა იყო და თინიმ დაიწყო პრანჭვა-გრეხა…
ისაო, ესაო, ბიჭები არიან მაინც ოფისშიო, მრცხვენიაო, მარტო რომ ვიქნებით მერე იყოსო, არ შემარცხვინო ახლაო, მაგრამ ჩემი დაჟინებული მოთხოვნის შემდეგ მორჩილად გამომიშვირა.
თავიდან ვცდილობდით ზედმეტი ზომვა-წონვის გარეშე ჩაეარა ოპერაციას და უბრალოდ ერთმანეთისთვის დაგვეტოლებინა, მაგრამ ოფისში მოსიარულე მამრების ყურადღება იმდენად მივიპყარით რომ იძულებული გავხდით უფრო ცივილური ხერხებისთვის მიგვემართა.
ამიტომ, ამოვიღე უჯრიდან ჩემი 30 სანტიმეტრიანი ვარდისფერი სახაზავი და თინის ვუთხარი ჰაერში აღემართა და ჩემსკენ მოეშვირა მუნ იგი გასაზომელი…
სრული 10 სანტიმეტრი დაუფიქსირდა…
“ეგრე არ უნდა” – მეთქი, აღმომხდა აღშფოთების ყიჟინა!
სად იყო და სად არა დავაძრე ჩემიც, გავზომე და… [მეტი...]
Back to the Routine!
წუხელ ღამის 4-ზე ჩამოვედი ბათუმიდან!
უკან წამოსასვლელი მატარებლის ბილეთები წინასწარ ნაყიდი არ გვქონდა და სადგურში რომ მივედით უკვე ყველა ბილეთი გაყიდული იყო… მეორე დილის ბილეთებიც…
არადა მეორე დღეს ყველას სამსახური გვქონდა.
ბოლოს ტაქსი დავიქირავეთ 150 ლარად და 4 საათში ჩამოგვიყვანა…
იმ მატარებელსაც ჩამოვასწარით.
რა ვაკეთე:
- მეძინა
- ვჭამდი
- ბულვარში ვსეირნობდი
- ბლოგზე შემოვდიოდი და თქვენს ბოლო კომენტარებს ვკითხულობდი
- ზღვას ველაპარაკებოდი
- ისევ ვჭამდი
- ისევ მეძინა
- Facebook-ზე და Twitter-ზე სტატუსებს ვანახლებდი
- თინის სკაიპში ვეჩატავებოდი
- ყველაფერს ვივიწყებდი
- ვმღეროდი
- სარკის წინ თმას ვივარცხნიდი
- და კიდევ ერთხელ მეძინა…
რაზე მომეშალა ნერვები:
- ყველა ნაცნობი (თუ უცნობი) მწერს თუ როგორ წუხს ჩემი და კოტეს დაშორების გამო და ცდილობენ თანაგრძნობა გამოხატონ. ვიცი, რომ ამას მართლა გულით განიცდით და გინდათ მხარდაჭერა დამანახოთ, მაგრამ მართლა არ მჭირდება… თავს კარგად ვგრძნობ. I am absolutely fine! Really!
- ლიტერატურულში ბეკონიანი პიცის მაგივრად ლორიანი პიცა შევუკვეთე
- მეორე დღეს გაწვიმდა.
რა აღმოვაჩინე:
- ყოველ ჯერზე, როცა დავეცემი, შემიძლია უპრობლემოდ წამოვდგე და გზა გავაგრძელო…
- რაც არ უნდა მოხდეს, სადაც არ უნდა წავიდე, რასაც არ უნდა ვაკეთებდე, ნამდვილი მეგობრები მუდამ ჩემს გვერდით იქნებიან.
- ტუნის სალათი ბათუმის ლიტერატურულ კაფეში!
- ზღვას თუ დიდხანს ელაპარაკები, ბოლოს – გაიგებს… : )
- ჩემი სამსახური მიყვარს…
- ახალი ზარი ტელეფონზე – ლაი-ლაის რეკლამაში გაჟღერებული სიმღერა
- Update: ახლა გამახსენდა კიდევ ერთი აღმოჩენა! ონლაინ-შოპინგი მატარებელში! ლოლიტას საჩუქრად წიგნი ვუყიდე ამაზონზე შუა გზიდან!
ეს სამ დღიანი დასვენება საკმარისი აღმოჩნდა სრული რესტარტისთვის.
ახლა ორმაგი ძალისხმევით შევუდგები ჩემს ჩვეულ ყოველდღიურობას, რომელიც თურმე არც ისე მოსაწყენი ყოფილა.
FAQ: ბლოგის Email-ით გამოწერა
Q: როგორ გამოვიწეროთ E-mail-ზე სხვისი ბლოგი (მაგალითად – Sweet.ge)?
მარჯვენა მხარეს, თქვენ ხედავთ email-ის ჩასაწერ ველს, რომლის ქვემოთაც არის ღილაკი სახელად “გამოიწერე”.
თუ თქვენ ჩაწერთ ამ ველში საკუთარ email-ს და დააჭერთ ღილაკს, გამოვა პატარა ფანჯარა, სადაც უნდა შეიყვანოთ უსაფრთხოების კოდი, რის შემდეგაც, email-ზე მოგივათ წერილი. თქვენ უნდა დაკლიკოთ წერილში არსებულ ბმულზე და თქვენი გამოწერა გააქტიურდება.
ამის შემდეგ sweet.ge-დან ახალ პოსტებს მიიღებთ email-ზე.
Q: როგორ დავამატოთ საკუთარ ბლოგს E-mail-ზე გამოწერის შესაძლებლობა?
ამისათვის თქვენ უნდა გადაიტანოთ თქვენი ბლოგის feed-ები feedburner-ზე.
Moving on…
“все, что не убивает, делает меня сильнее!”
დედამიწა თავის ჩვეული ღერძიდან 8 სანტიმეტრით გადაიხარა! მე უბედური კი იმაზე ვდარდობდი, სად და როგორ დამექირავებინა ბინა უახლოეს მომავალში.
აბსოლუტური უმწეობის შეგრძნება არ მასვენებს! ასე მგონია სამყაროში სრულიად მარტო ვარ გამოკიდებული და მიზიდულობის ძალაც კი არ მოქმედებს ჩემზე. უჰაერო სივრცეში ვცურავ…
ჩემთვის ახალი ცხოვრება დაიწყო. თანაც – ნულიდან!
ბოლო რამოდენიმე დღე არ ვეგუებოდი ამ აზრს, დეპრესიის ნიშნებიც მქონდა, შანსიც კი ვითხოვე, მაგრამ არ მომეცა. აღმოჩნდა, რომ ზოგ შეცდომას ვერ გამოასწორებ, ან არ გაპატიებენ.
ჰოდა, სხვა გზა არ მაქვს! ფეხზე უნდა დავდგე. მარტომ უნდა მოვახერხო ცხოვრების გაგრძელება. არავინ მჭირდება. თუნდაც იმ დრომდე, სანამ ჩემს ახალ ნულოვან ცხოვრებას არ შევეგუები…
ყოველთვის მინდოდა, ოჯახისგან დამოუკიდებელი ვყოფილიყავი. არ ვიცი რამ გამოიწვია ეს ჩემი სწრაფვა დამოუკიდებლობისკენ და თავისუფლებისკენ, მაგრამ იმდენად მინდოდა ჩემი გათხოვების გადაწყვეტილების მიღებაში ამან თავისი მცირეოდენი როლიც კი ითამაშა. [მეტი...]
